MEEKYENA 1 - BIBILLYA Mareiyo Meele a Iruva

Yeekyenwa lya Mbee lya Vana va Israeli

¹ Nndumi Iruva karera na Mose alya Sinai, yoo yeemeny lya ikwaanu, kwikee nkonu wa mbee wa mwiiri wa kavii, mwaaka wa kavii vammbuka Misri, kammbia,

² Songosieny yeekyena lya ironda lyoose lya vana va Israeli, musaiye poo tawo na mmba tawo, shaasa yeekyena lyawo lyikai, wo nndu nndumi umwi umwi;

³ wo nndu atiri myaaka makumi avii na mmwasi woose yewo vashidimaa yeenda fireny ya Israeli, yewe na Aron muveekyeni efo matoritony awo.

⁴ Na nndu umwi umwi wa wo ufyari, neende neeni, yeto akee nsongoru wa mmba ya ufyari.

⁵ Na marina a womi yewo vashemwekyaa nng'u yaa, va Ruben; Eliusuri mwana wa Shedoori,

⁶ Va Simion, Shelumieli mwana wa Suri-shadai.

⁷ Va Yuda, ni Nashon mwana wa Aminadabu,

⁸ Va Iskari, ni Netanieli mwana wa Swari.

⁹ Va Sabulon ni Eliabu mwana wa Heloni.

¹⁰ Uka efo kwa vana va Yosefu, na Efraimu, ni Elishama mwana wa Amihudi, na wa Manase, Gamalieli mwana wa Pedasuri.

¹¹ Wa Benyaminy, ni Abidani mwana wa Gidion.

¹² Va Dani ni Ahieseri mwana wa Amishadai,

¹³ Va Aseri, ni Pagieli mwana wa Okirani.

¹⁴ Va Gadi ni Eliasafu mwana wa Deueli.

¹⁵ Va Naftali ni Ahira mwana wa Enani.

¹⁶ Yewo mmbo valevaangyo shila, mmbo vasongoru va ngyufyari ta vandeye vawo na vaniini va fiku yefyo fya vana va Israeli.

¹⁷ Naasa Mose na Aron vakaipoo womi yewo valesendwa marina awo;

¹⁸ nawo vakasanyirya ironda lyoose, kwikee nkonu wa mbee wa mwiiri va kavii, nawo vakoora ngyufyari ta vandu vawo va mmba tawo, kweesorya mmba ta vandeye vawo, shaasa marina akai, kupookya myaaka makumi avii na mmwasi, wo umwi.

¹⁹ Shaasa Nndumi Iruva alevavasya Mose, niindo alevaekena kulya urukeny lwa Sinai.

²⁰ Vandu vetiri myaaka makumi avii enda na mbee valya veshidimaa yeenda fireny, mmbo valeekyenwa na ireiywa wo umwi na ufyari lwake na mmba yakwe, kupookya vandu va Ruben we mwana mmbe wa Yakobo,

Yeekyena lya Masanga

²¹ Vandu va mmba ya Ruben ni fiku makuni aana na firindaru na makumi araanu.

²² Vandu va mmba ya Simon,

²³ ni fiku makumi araanu na kyeenda na mayana araru.

²⁴ Vandu mmba ya Gadi,

²⁵ ni fiku makumi aana na varaanu, mayana arindaru na makumi araanu.

²⁶ Vandu va mmba ya Yuda,

²⁷ ni fiku makumi mfungare na fiina na mayana arindaru.

²⁸ Vandu va mmba ya Isikari,

²⁹ ni fiku makumi araanu na fiina na mayana aana.

³⁰ Vandu va mmba ya Sablon,

³¹ ni fiku makumi araanu na mfungare na mayana aana.

³² Vandu va mmba ya Yosefu

³³ ni fiku makumi aana na mayana araanu.

³⁴ Vandu va mmba ya Manase

³⁵ ni fiku makumi araru na fivii na mayana avii.

³⁶ Vandu va mmba ya Benyaminy

³⁷ ni fiku makumi araru na firaanu na mayana aana.

³⁸ Vandu va mmba ya Dani

³⁹ ni fiku makumi arindaru na fivii na mayana mmfungare.

⁴⁰ Vandu va mmba ya Aseri,

⁴¹ ni fiku makumi aana na kimwi na mayana araanu.

⁴² Vandu va mmba ya Naftali

⁴³ ni fiku makumi araanu na firaru na mayana aana.

⁴⁴ Woose valeekyenwa

⁴⁵ ni vandu fiku mayana arindaru na firaru mayana araanu na makumi araanu.

⁴⁶ Yeekyena lyawo woose llyekee ni fiku mayana arindaru na f firaru, mayana araanu na makumi araanu.

⁴⁷ Lyo vandu va mmba ya Levi mmbaleekyenwa amwi na vengyi-fo.

⁴⁸ Mashika Nndumi Iruva evvya Mose,

⁴⁹ Kyeeri kushekyena vandu yewo vavaa yeenda fireny, lyo va vana va VaIsraeli ufyari lwa Levi kulalwekeni-fo.

⁵⁰ Lyo vika vandu va Levi vasalallye ando eele, amwi na fiiya fya vayo fyoose na uwe ya findo fyoose. Wo mmbashipoo yeema elyo mmbo varunndyaa-u neekalya fiiya fyoose. Vereiye meema awo aringitye ando yoo kweele.

⁵¹ Kyeeri mushiipo kyaaro, mmbo, musholotaa na ireiya Yeema muveni.

⁵² Na vana va Israeli vareiye meema awo, wo nndu kwakwe muni, wo nndu na bendera yakwe shaasa matorito awo akai.

⁵³ Indi Valevi mmbareiya meema aringitye ando eele, vaaringe, naambo nndu nalasheserikya kufii natevete shirrwaaywa ni unyafi shikape Israeli.

⁵⁴ Niindo vana va Israeli valetana, shaasa Nndumi Iruva alevavasya Mose.