ISAYA 4 - BIBILLYA Mareiyo Meele a Iruva

¹ Mmbo kushekaa kyeeri, vaka mfungare vashekushingillya nndumi umwi, vammbye, “Lukulyiiya shoonga neera soori teru luveni, indi yewe kwaambe yese mmbo lukee vaka vafo, naambo kuluute usutu lwa itura vomi.”

Muri wa Yerusalemu ushetanwaa wiiya

² Nkonu yeto Nndumi Iruva mmbo ashemiisa iramba isha lya itumbe na miri ya uruka ishekooya ing'ana na ivika ndunda ta wo ngata. Na vandu yewo vashesaa-fo mmbo vashefura nnu kya mbora ya uruka lwawo.

³ Yewo vashesaa-fo veifo na muu muriny wa Yerusalemu kulya Sioni mmbo vashevaangwa Veele! Valya marina awo akeemareyye yefo kyitabuny kyakwe wo mmbo vashesaa Yerusalemu.

⁴ Kyeeri Nndumi Iruva ashevarumataa na yiilyiswa, ukirinda loose lukee yefo Yerusalemu.

⁵ Llyo Nndumi Iruva ashevasaleesa-fo woose kulya uwe ya ifumbuu lya Sioni ashevasikya-fo na ifishi kyeeri kya nsanyiny na elyi kio asheende nsu umikaa na kipala-pala kya muro na itumbe lya Iruva lyishesikya muri moose wa Yerusalemu.

⁶ Itumbe elyo mmbo lyiishevaa kirishe kyeeri kya mwi wa nsanyiny na ando kwawo kweyoovya uraato uniini na mmbwa.