HOSEA 6 - BIBILLYA Mareiyo Meele a Iruva

Ikuria lya vandu

¹ Vandu vakaamba, “Sye luwuiye Nndumi Iruva! We mmbo alelurandwa lyo ashelufumaa lyingi. Kalupushwa, lyo ashelufingaa fishavere fyeeru.

² Ando a mikonu ivii nsi mmbo ashelurutaa, nkonu wa kararu nalusaleese lweengere ikaa nawe.

³ Nyira lumanyi Nndumi Iruva. Nawe nkuti nalusheye elyi kwakya, nalusheye sha mmbwa ya mateeeri.”

⁴ Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

⁵ Nkyo kiteve shamurummya vakisuku vakwa vamweengye nrumi yakwa yeemukapa neemumamita. Ekyo nkeruuya kwany mmbo kilollyo paa.

⁶ Ekyo shikundye ni ikunda na imanya Iruva ngota yeende firaso.

⁷ Lyo kyeeri valefika kulya urukeny, mmbo valetana sha Adamu vakafisha kyaasa, vakashitannya findo filavaa yaamba, fya kiila.

⁸ Gileadi muri wa varavi na veewaa.

⁹ Vakohani vawo mmbo vavakye ironda lya vasoki valaaya vandu vashiraa shia. Naakwa nkyeeri vakee shia veshendaa Shekemu mmbo vatana fya uwaii.

¹⁰ Nkindo kiravi mu shilollye kunu Israeli: vandu vakwa ikutefusa wo veni na maruva a wongo.

¹¹ Neewe Yuda mmbo shambika nkonu wekukapa kya efyo kutannyi.