HOSEA 3 - BIBILLYA Mareiyo Meele a Iruva

Hosea na Nka Ntuusi

¹ Nndumi Iruva kashivia, “Enda kunderuuya nka ntuusi atiri mmi ungyi. Neewe nkuti kunkunde shaasa neeny shikundye vandu va Israeli, lla elyi wo vaindya maruva engyi na iwootya firaso.”

² Kwa ekyo shoota fesa ikumi na isaanu na filo iyana na makumi araanu shoora nka eto.

³ Neeny mmbo shilemmbia nashivere ando a mikonu miingyi nalatana kindo kya utuusi, neeny shimberaa.

⁴ Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

⁵ Na nkonu usheshaa elyi vashewuiyaa Nndumi Iruva waawo, neeto aukye efo kwa Davidi nave mangyi yaawo. Vairyaa Nndumi Iruva vawaryeny mbora takwe.