HAGAI 2 - BIBILLYA Mareiyo Meele a Iruva

Itumbe lya Mmba ya Iruva Shiiya

¹ Mwiiri wikee wa mfungare, nkonu makumi avii na lyimwi irero lya Nndumi Iruva lyikashefikya nkisuku Hagai lyikaamba,

² Rera na Sarubabeli nshilyi wa Yuda, na Yosua nkohani nniini na vandu valya valewuya, kuvavie,

³ “A mmbi nnang'ani yaany ashiidimaa ikumbwa shaasa mmba ya Iruva yeesennyi? A ulaalu mmbo muilollye inda? Nkimwi sha kindo kilaiyo.

⁴ Lyo mulasheefwa nrima-fo. Rundyeny mmba yei, neeny nkaa neeni.

⁵ Kyeeri muleuka Misri mmbo shilemuvikya kyaasa kyekaa neeni. Mulairyae-fo, nng'u nkee neeni.

⁶ “Ulaalu indo mmbo nshereremisaa ngina na ulana, uruka na yeeve.

⁷ Shifullwe ngyumangyi toose, na usuri lwa masaa awo lweendwa yaa, mmba ya Iruva iishwe masaa shapu.

⁸ Fesa na sahabu ya ulana mfyakwa.

⁹ Mmba yeyo shiyya mmbo isheilanyaa ilya ya mbee. Na nng'u nsheonisyaa vandu urilalyi na ivesyo.” Ni Nndumi Iruva muni malorito aamba indo.”

Nkisuku Hagai arera na Vakohani

¹⁰ Nkonu makumi avii na kaana wa mwiiri wa keenda wa mwaka wa kavii uka Dario anshillya uruka, Nndumi Iruva muni matorito karera lyingyi na nkisuku Hagai kammbia,

¹¹ Veseny vakohani vamoore shia kya uvavaso,

¹² “Kwakooya nndu aipo-ipoo nyama yootwa kiraso naikurike efo sooriny.” Na soori yeyo napaani nayo nkate, ao shoonga ingi shikore, ao mfinyo, ao mafura, ao shoonga ingi-da, ndesa nyama yeyo isheeremutaa findo efyo? Kyeeri vakohani valeveswa indo vakaamba, “Oode.”

¹³ Llyo Hagai kaamba, “A kwakooya nndu apaana nndu mfu kava ntefusu. Kwakooya apaana findo efyo na woko, ndesa fivaa fitefusu?” Vakammbia, “Ee”

¹⁴ Naasa Hagai llyo alevavia, “Nndumi Iruva mmbo aamba ni indo-da kishevaa kya vandu yeva na wo kindo vatiri, na wo kindo vaningyaa mmbo kishevaa kitefusu.”

Nndumi Iruva avika kyaasa Kyevavikya Mbora

¹⁵ Nndumi Iruva kamuvia, Mulollye-se ekyo kilemusheya? Kulaore mwampooka itana mmba ya Nndumi Iruva.

¹⁶ mmbo muleenda muunguny wa nganu eeshi mmbo akaaya-u kyeeso kive kya nganu ate nkyenga kya vayo kiiyo. Na mfinyo nato nkiwo kawoni kyenga kyavayo.

¹⁷ Mmbo shilemurikya uraato na mmbwa ya mawe irumate findo fya mareminy, lyo nta mulakunde ishiwuiya.

¹⁸ Inu ni nkonu wa makumi avii na kaana, mwiiri wa keenda. Nto nkonu uvasha lwa mmba ya Iruva lulamarisyo iveiywa, ulaalu loleny kindo kishesaryaa.

¹⁹ A ndesa mukitiri shoonga mbesheny? Nta mfinyo, nta mafura, nta miri ya ndunda na ya mafura nnyilevika-fo, lyo na kyikava indo mmbo ushemuwuutisa na mbora.

Kyaasa kya Nndumi Iruva kwa Sarubabeli

²⁰ Nalyo nkonu yeto mweni, nkonu makumi avii na kaana wa mwiiri, Nndumi Iruva karuma Hagai nrumi ya kavii, kaamba,

²¹ Zerubvabeli nshilyi wa Yuda navio, “Ulaalu mmbo nrinyisaa iruveen na ulana.

²² Shituule ngyumangyi na imaa ushilyi lwawo. Shilyamare finya tawo na wiidimi lwawo. Shiwaa frasi tawo neewo veetisaamyi vakumaa wo veni na veni.

²³ Lyo yewe Sarubabeli ishinga lyakwa, nkonu yeto mmbo nshekuvikaa kushillye na irina lyakwa. Ni yewe shakusauwa, shakuvika wende.” Ni Nndumi Iruva wa matorito aamba indo.