ESTA 10 - BIBILLYA Mareiyo Meele a Iruva

Nnduma wa Ahasuero na Mordekai

¹ Naasa mangyi Ahasuero kawarya usanu uruka loose na fyuuruka fya yeeveny, kawarya-fo nsanu koose Siria na Umedi.

² Na mbony takwe toose ta finya na usuri, na mbony ta uniini na wiindi lwa Mordekai, yeto aleniingwa uniini ni mangyi Ahasuero; nfilakeefireiye efo kyitabuny kya fyeeri fya vamangyi va Umedi na Persia?

³ Myuda yeu avaangwa Mordekai mmbo alekaa kwasi ya Mangyi Ahasuero, kasalallya Vayuda kya usha loose, nawo ni vandu vakwe vakankunda deny. Karundya vandu vakwe nisha vakakaa na ifura na vana vawo fyeeri fyawo fyoose.