1 VAMANGYI 4 - BIBILLYA Mareiyo Meele a Iruva

Varundi vaniini va Solomon

¹ Solomon mmbo ekee mangyi ya Israeli shoose,

² na eva mmbo vekee varundi vakwe vaniini; Asariya mwana wa Sasoki mmbo ekee nkohani.

³ Elihorefu na Ahiya vana wa Shansha mmbo vekee vereiya fitabu. Yehoshefati mwana wa Ahiludi ekee nngari wakwe.

⁴ Beneya mwana wa Yehoyada, ekee nniini wa fira, nawe Sadoki na Abiatari, vekee vakohani.

⁵ Asariya mwana wa Nathani ekee nshilyi nniini wa varudi; nkohani Sabudi mwana wa Nathaniekee ngyama ya mangyi

⁶ Ahishari ekee nniini wa mmba ya ushilyi-Ikulu, na Adoniramu mwana wa Abda, ekee mwisalallya mashora a nsarakambo.

⁷ Solomon kasauwa vaniini vengyi ikumwi na vavii va uruka loose lwa Israeli. Ewo vakaniingwa mashora a iruuya shoonga ya mangyina mmba yakwe, shoonga yuuka efo kyuunguny kyakwe yamaa mwiiri umwi wo mwaaka.

⁸ Na yaa asorya ng'u marina a varundi ewo vesalallya: Ben-huri kasalallya taari ya mafumbuu a Efraimu;

⁹ Ben-dekeri kasalallya miri ya Makai, Shaalbimu, Beth-shemeshi na Elon-beth-hanani.

¹⁰ Ben-hesedi kasalallya muri wa Arubothi, Soko na uruka loose lwa Heferi.

¹¹ Beb-abi-anadbu mmi wa Tafathi, mfu wa Solomon kasalallya myuungo myoose ya Nafath-do-ri.

¹² Baana, mwana wa Ahiludi, kasalallyamiri ya Taanaki, Megido, na taari ya Beth-sheani ikee kufii na muri wa Sarethi, sindeya muri wa Yezreeli, na kuuka Beth-sheani kufike muriny wa Abel-mehola, kundekillya muri wa Yormaamu.

¹³ Ben-geberi, kasalallya muri wa Ramoth-gilead amwi na fimiri fya Gilead fyekee ishillyo ni Yairi, mwana wa Manase; kasalallya na taari ya Arikobu kulya Bashani; shoosekwasanda myoosena miri miniini makumi arindaru ikemiringitye na isimamba ukee mmbike rungo na yoondi lya iraya lyifwani shaba.

¹⁴ Ahinadabu mwana wa Iddo, kasalallya kulya Mahanaimu.

¹⁵ Ahimaasi, mmi wa Basemathi, mfu wa Solomon, kasalallya kyuungu kya Naftali.

¹⁶ Baana mwana wa Hushai, kasalallya kyuungu kya Asheri na Bealothi.

¹⁷ Yehoshafati mwana wa Parna, kasalallya kyuungu kya Isakari.

¹⁸ Shimei, mwana wa Ela kasalallya kyuungu kya Benyaminy.

¹⁹ Geberi mwana wa Uri, kasalallya kyuungu kya Gilead. Uruka lwensalalyo na Sihoni elyo mbee mangyi ya Vaamori, na Ogu mangyi ya Bashani. Kuuta-fo eva ikumi na vavii kweifo nniini umwi wa isalallya uruka loose lwa Yuda.

Ushilyi lwa mangyi Solomon lwava mbora

²⁰ Vandu va Yuda na va Israeli mmbo vekee veengyi sha wa mbai ya mura, nawo vakava veelyaa, na ina na ifura.

²¹ Solomon mmbwe eshillye mangyi toose kupookya mura Eufrate kundefikya uruka lwa Wafilisti kundefika nnyanuny na Misri. Vandu va masanga moose vakandundya sanda na inniingya kodi kyeeri kyoose kya muu wakwe.

²² Shoonga ya mangyi Solomon ya nkonu umwi ni nswa mmamiri madeve mayana araru na makumi arindaru, amwi na nswa ulakee mmamiri madeva mayana mfungare na makumi avii.

²³ Ng'umbe shivanri ikumi, na ng'umbe teiswa makumi avi, mashoonri iyana kusande-u sarya, muri, kinamburi na nguku shivanri.

²⁴ Ee, uruka loose lwa taari ya nkwaany ya mura Efrate: kupookya Tifsa kundefika uruka lwa Gaza, mmbo lwekee kwasi ya ushilyi lwakwe. Vamangyi woose va taari ya nkwany ya mura Efrate, mmbo vekee kwasi yakwe, na mmbo etiri ufoo na ngyuruka toose tifiitani nawe.

²⁵ Vandu va Yuda na Israeli kyeeri kya ushilyi lwakwe mmbo vekaa na ufoo, wo nndu kavesyo efo miriny yakwe ya misabibu amwi na mafura.

²⁶ Solomon mmbo etiri matangilo fiku makumi aana evika frasi ta yoomwa mitika amwi na vasikari vesaama frasi fiku ikumi na fivii.

²⁷ Varundi valya vakwe vaniiniikumi na vavii, wo umwi mmbo akundikye arwaa shoonga ya iwutisa mangyi sanda na ewo vashekooya ilya efo kyeny kwa mangyi ando kwa mwiiri umwi, nafyo fyoose fikautika indo.

²⁸ Kyeeri kya nndu kikamfika irwaa shoonga nkuti nasande-u nganu na mare a ng'umbe na frasi ta fitavanu.

²⁹ Iruva keengera iniinga Solomon Urilalyi, urango wiingyi na makusaro avakye nsanga wa mbai ya mura kilavaa yeekyena.

³⁰ Urango lwa Solomon mmbo luleelanya urango lwa vandu woose vataari ya ngama, lukavinga naakwa vandu Vamisri.

³¹ Urango lwakwe lukavinga vandu woose; amwi na Ethari, ulya Mwezrabi, Hemani na Kalkoli na Darda, vana va Maholi; na mbony takwe tikamanyika kundo koose.

³² Kareiya fyaaso fiku firaru na fiimbo mmwasi a kyiku kyimwi.

³³ Karera kya mbony ta miri kupookya mweresi wa Lebanoni, naakwa ni husopo llwa lukwaala na isumamba lya mmba karera kya mafisi, ndeye na ewo veevika mayai vatiri samu irelelaa, amwi na makunga.

³⁴ Vandu wooka masanga moose ewo valeeta mbony ta urango lwakwe vakansheya.