स्तोत्रसंहिता 87 - पवित्र शास्त्र RV (Re-edited) Bible (BSI)

सीयोनेत राहण्याचा मान

कोरहपुत्रांचे संगीतस्तोत्र.

¹ परमेश्वराचे अधिष्ठान पवित्र पर्वतांवर आहे.

² याकोबाच्या सर्व वसतिस्थानांहून सीयोनेची द्वारे त्याला अधिक प्रिय आहेत.

³ हे देवाच्या नगरी, तुझ्या वैभवाच्या कथा सांगतात; (सेला)

⁴ राहाब व बाबेल मला ओळखतात असे मी विदित करीन; पाहा, पलेशेथ, सोर व कूश म्हणतात, ह्याचा जन्म तेथलाच.

⁵ सीयोनेविषयी म्हणतील की, हा आणि तो तिच्यातच जन्मले होते, आणि परात्पर स्वतः तिला प्रस्थापित करील.

⁶ लोकांची नावनिशी करताना ह्याचा जन्म तेथलाच, असे परमेश्वर लिहील. (सेला)

⁷ गायन व नृत्य करणारे म्हणतील : “माझे सर्व उगम तुझ्याच ठायी आहेत.”