स्तोत्रसंहिता 150 - पवित्र शास्त्र RV (Re-edited) Bible (BSI)

परमेश्वराचे स्तवन करा

¹ परमेशाचे स्तवन करा!1 देवाचे त्याच्या पवित्रस्थानी स्तवन करा; त्याच्या सामर्थ्याच्या अंतराळात त्याचे स्तवन करा.

² त्याच्या पराक्रमाच्या कृत्यांबद्दल त्याचे स्तवन करा; त्याच्या थोरवीच्या वैपुल्यानुसार त्याचे स्तवन करा.

³ कर्णा वाजवून त्याचे स्तवन करा. सतार व वीणा वाजवून त्याचे स्तवन करा.

⁴ डफ वाजवून व नृत्य करून त्याचे स्तवन करा. तंतुवाद्ये व बासरी वाजवून त्याचे स्तवन करा.

⁵ खणखणणारे टाळ वाजवून त्याचे स्तवन करा. झणझणणार्‍या झांजा वाजवून त्याचे स्तवन करा.

⁶ प्रत्येक प्राणी परमेशाचे स्तवन करो. परमेशाचे स्तवन करा!1