स्तोत्रसंहिता 15 - पवित्र शास्त्र RV (Re-edited) Bible (BSI)

देवाच्या पवित्र डोंगरावरील रहिवासी

दाविदाचे स्तोत्र.

¹ हे परमेश्वरा, तुझ्या मंडपात कोण वस्ती करील? तुझ्या पवित्र डोंगरावर कोण राहील?

² जो सात्त्विकतेने चालतो व नीतीने वागतो, मनापासून सत्य बोलतो,

³ आपल्या जिभेने चुगली करीत नाही, आपल्या सोबत्याचे वाईट करीत नाही, आपल्या शेजार्‍याची निंदा करीत नाही,

⁴ अधमाला तुच्छ लेखतो, परमेश्वराचे भय बाळगणार्‍यांचा सन्मान करतो, आपण वाहिलेल्या शपथेने स्वतःचे अहित झाले तरी ती मोडत नाही,

⁵ आपला पैसा वाढीदिढीला लावत नाही, निरपराध्यांची हानी करण्याकरता लाच घेत नाही, तो; जो असा वागतो तो कधी ढळणार नाही.