स्तोत्रसंहिता 133 - पवित्र शास्त्र RV (Re-edited) Bible (BSI)

बंधूंच्या ऐक्याची धन्यता

दाविदाचे आरोहणस्तोत्र.

¹ पाहा, बंधूंनी ऐक्याने एकत्र राहणे किती चांगले व मनोरम आहे!

² ते मस्तकावर ओतलेल्या, अहरोनाच्या दाढीवर उतरलेल्या, त्याच्या वस्त्राच्या काठापर्यंत ओघळलेल्या बहुमोल तेलासारखे आहे;

³ सीयोन डोंगरावर उतरणार्‍या हर्मोन पर्वताच्या दहिवरासारखे ते आहे; कारण तेथे परमेश्वराने आशीर्वाद म्हणजे अनंतकालिक जीवन देण्याचे ठरवले आहे.