स्तोत्रसंहिता 131 - पवित्र शास्त्र RV (Re-edited) Bible (BSI)

परमेश्वराच्या सन्निध निर्धास्त असणे

दाविदाचे आरोहणस्तोत्र.

¹ हे परमेश्वरा, माझे मन गर्विष्ठ नाही, माझी दृष्टी उन्मत्त नाही आणि मोठमोठ्या व मला असाध्य अशा गोष्टींत मी पडत नाही.

² खरोखरच मी आपला जीव स्वस्थ व शांत ठेवला आहे; दूध तुटलेले बाळक आपल्या आईबरोबर असते, तसा माझा जीव, दूध तुटलेल्या बाळकासारखा माझ्या ठायी आहे.

³ हे इस्राएला, आतापासून सर्वकाळ तू परमेश्वराची आशा धर.