स्तोत्रसंहिता 123 - पवित्र शास्त्र RV (Re-edited) Bible (BSI)

दयेची याचना

आरोहणस्तोत्र.

¹ हे स्वर्गात राजासनारूढ असणार्‍या, मी आपले डोळे तुझ्याकडे वर लावतो.

² पाहा, जसे दासांचे डोळे आपल्या धन्याच्या हाताकडे असतात, जसे दासीचे डोळे आपल्या धनिणीच्या हाताकडे असतात, तसे आमचा देव परमेश्वर आमच्यावर कृपा करीपर्यंत त्याच्याकडे आमचे डोळे लागलेले असतात.

³ हे परमेश्वरा, आमच्यावर कृपा कर, आमच्यावर कृपा कर, कारण आमची पुरी नालस्ती होत आहे.

⁴ सुखवस्तू लोकांनी केलेला उपहास आणि गर्विष्ठांनी केलेली नालस्ती ह्यांनी आमच्या जिवाला पुरेपुरे करून टाकले आहे.