स्तोत्रसंहिता 121 - पवित्र शास्त्र RV (Re-edited) Bible (BSI)

परमेश्वर तुझा रक्षक आहे

आरोहणस्तोत्र.

¹ मी आपली दृष्टी पर्वतांकडे लावतो; मला साहाय्य कोठून येईल?

² आकाशाचा व पृथ्वीचा निर्माणकर्ता जो परमेश्वर त्याच्यापासून मला साहाय्य येते.

³ तो तुझा पाय कदापि ढळू देत नाही; तुझ्या रक्षकाला झोप लागत नाही.

⁴ पाहा, इस्राएलाच्या रक्षकाला झोप लागत नाही व तो डुलकीही घेत नाही.

⁵ परमेश्वर तुझा रक्षक आहे; परमेश्वर तुझ्या उजव्या हाताला तुला सावली आहे.

⁶ दिवसा सूर्याची व रात्री चंद्राची तुला बाधा होणार नाही.

⁷ परमेश्वर सर्व अनिष्टांपासून तुझे रक्षण करील. तुझ्या जिवाचे रक्षण करील.

⁸ परमेश्वर तुझे येणेजाणे येथून पुढे सर्वकाळ सुरक्षित करील.