स्तोत्रसंहिता 120 - पवित्र शास्त्र RV (Re-edited) Bible (BSI)

कपटापासून मुक्त होण्यासाठी प्रार्थना

आरोहणस्तोत्र.

¹ मी संकटात असता परमेश्वराचा धावा केला, आणि त्याने माझे ऐकले.

² “हे परमेश्वरा, लबाडी करणार्‍या ओठापासून व कपटी जिभेपासून माझा जीव सोडव.”

³ हे कपटी जिभे, तुला काय दिले जाईल? तुला आणखी काय मिळणार?

⁴ वीरांचे तीक्ष्ण बाण आणि रतमाच्या लाकडाचे निखारे.

⁵ हाय हाय! मी मेशेखात मुक्काम करतो, केदाराच्या डेर्‍यांजवळ राहतो.

⁶ शांततेचा द्वेष करणार्‍यांजवळ माझा जीव बराच काळ राहिला आहे.

⁷ मी शांतताप्रिय आहे, तरी मी बोलतो तेव्हा ते लढाईस प्रवृत्त होतात.