गणना 33 - पवित्र शास्त्र RV (Re-edited) Bible (BSI)

इस्राएल लोकांच्या प्रवासातील टप्पे

¹ मोशे व अहरोन ह्यांच्या नेतृत्वाखाली इस्राएल लोकांच्या ज्या सेना मिसर देशातून बाहेर पडल्या त्यांच्या मजला ह्याप्रमाणे :

² परमेश्वराच्या आज्ञेवरून त्यांनी कूच केले त्याप्रमाणे त्यांच्या मजला मोशेने नोंदल्या त्या ह्या :

³ पहिल्या महिन्यात म्हणजे पहिल्या महिन्याच्या पंधराव्या दिवशी त्यांनी रामसेस येथून कूच केले; वल्हांडणाच्या दुसर्‍या दिवशी इस्राएल लोक सर्व मिसरी लोकांच्या देखत जयघोष करत बाहेर पडले;

⁴ त्या वेळी मिसरी लोक परमेश्वराने ठार केलेल्या आपल्या ज्येष्ठ पुत्रांना मूठमाती देत होते; त्यांच्या देवांनाही परमेश्वराने शासन केले होते.

⁵ इस्राएल लोकांनी रामसेस येथून कूच करून सुक्कोथ येथे तळ दिला.

⁶ सुक्कोथ येथून कूच करून रानाच्या कडेवरच्या एथामात त्यांनी तळ दिला.

⁷ एथामाहून कूच केल्यावर ते मागे फिरले व बाल-सफोनासमोरील पी-हहीरोथ येथे येऊन मिगदोलासमोर त्यांनी तळ दिला.

⁸ मग ते पी-हहीरोथाहून कूच करून समुद्र ओलांडून रानात गेले आणि एथाम रानात तीन दिवसांची मजल करून मारा येथे त्यांनी तळ दिला.

⁹ मारा येथून कूच करून ते एलिमाला गेले; एलीम येथे पाण्याचे बारा झरे आणि खजुरीची सत्तर झाडे होती; तेथे त्यांनी तळ दिला.

¹⁰ एलिमाहून कूच करून तांबड्या समुद्राच्या किनार्‍यावर त्यांनी तळ दिला.

¹¹ तांबड्या समुद्रापासून कूच करून त्सीन रानात त्यांनी तळ दिला.

¹² त्सीन रानातून कूच करून त्यांनी दफका येथे तळ दिला.

¹³ दफका येथून कूच करून त्यांनी आलूश येथे तळ दिला.

¹⁴ आलूशाहून कूच करून त्यांनी रफीदिमात तळ दिला; तेथे लोकांना प्यायला पाणी नव्हते.

¹⁵ रफीदिमाहून कूच करून त्यांनी सीनाय रानात तळ दिला.

¹⁶ सीनाय रानातून कूच करून त्यांनी किब्रोथ-हत्तव्वा येथे तळ दिला.

¹⁷ किब्रोथ-हत्तव्वा येथून कूच करून हसेरोथ येथे त्यांनी तळ दिला.

¹⁸ हसेरोथ येथून कूच करून रिथमा येथे त्यांनी तळ दिला.

¹⁹ रिथमा येथून कूच करून त्यांनी रिम्मोन-पेरेस येथे तळ दिला.

²⁰ रिम्मोन-पेरेस येथून कूच करून त्यांनी लिब्ना येथे तळ दिला.

²¹ लिब्ना येथून कूच करून त्यांनी रिस्सा येथे तळ दिला.

²² रिस्सा येथून कूच करून त्यांनी कहेलाथा येथे तळ दिला.

²³ कहेलाथा येथून कूच करून त्यांनी शेफेर डोंगराजवळ तळ दिला.

²⁴ शेफेर डोंगराजवळून कूच करून त्यांनी हरादा येथे तळ दिला.

²⁵ हरादा येथून कूच करून त्यांनी मकहेलोथ येथे तळ दिला.

²⁶ मकहेलोथ येथून कूच करून त्यांनी तहथ येथे तळ दिला.

²⁷ तहथाहून कूच करून त्यांनी तारह येथे तळ दिला.

²⁸ तारहाहून कूच करून त्यांनी मिथका येथे तळ दिला.

²⁹ मिथका येथून कूच करून त्यांनी हशमोना येथे तळ दिला.

³⁰ हशमोना येथून कूच करून त्यांनी मोसेरोथ येथे तळ दिला.

³¹ मोसेरोथाहून कूच करून त्यांनी बनेयाकान येथे तळ दिला.

³² बनेयाकानाहून कूच करून त्यांनी होर-हागिदगाद येथे तळ दिला.

³³ होर-हागिदगादाहून कूच करून त्यांनी याटबाथा येथे तळ दिला.

³⁴ याटबाथा येथून कूच करून त्यांनी अब्रोना येथे तळ दिला.

³⁵ अब्रोना येथून कूच करून त्यांनी एसयोन-गेबेर येथे तळ दिला.

³⁶ एसयोन-गेबेराहून कूच करून त्यांनी त्सीन रान म्हणजे कादेश येथे तळ दिला.

³⁷ कादेशाहून कूच करून त्यांनी अदोम देशाच्या सीमेवरील होर पर्वताजवळ तळ दिला.

³⁸ इस्राएल लोक मिसर देशातून निघाल्यापासून चाळिसाव्या वर्षाच्या पाचव्या महिन्याच्या प्रतिपदेस अहरोन याजक परमेश्वराच्या आज्ञेप्रमाणे होर पर्वतावर गेला आणि तेथे मृत्यू पावला.

³⁹ अहरोन होर पर्वतावर मृत्यू पावला तेव्हा तो एकशे तेवीस वर्षांचा होता.

⁴⁰ कनानातील नेगेबात राहणार्‍या अरादाच्या कनानी राजाने तेव्हा इस्राएल लोक आल्याची बातमी ऐकली.

⁴¹ मग होर पर्वतापासून कूच करून त्यांनी सलमोना येथे तळ दिला.

⁴² सलमोना येथून कूच करून त्यांनी पूनोन येथे तळ दिला.

⁴³ पूनोनाहून कूच करून त्यांनी ओबोथ येथे तळ दिला.

⁴⁴ ओबोथाहून कूच करून त्यांनी मवाबाच्या सीमेवरील ईये-अबारीम येथे तळ दिला.

⁴⁵ मग ईयीमाहून कूच करून त्यांनी दीबोन-गाद येथे तळ दिला.

⁴⁶ दीबोन-गादाहून कूच करून त्यांनी अलमोन-दिबलाथाईम येथे तळ दिला.

⁴⁷ अलमोन-दिबलाथाइमाहून कूच करून त्यांनी नबोसमोरील अबारीम डोंगरात तळ दिला.

⁴⁸ अबारीम डोंगरांपासून कूच करून त्यांनी मवाबाच्या मैदानात यरीहोजवळ यार्देनेतीरी तळ दिला.

⁴⁹ मवाबाच्या मैदानात यार्देनेतीरी बेथ-यशिमोथापासून आबेल-शिट्टिमापर्यंत त्यांनी तळ दिला.

कनानाच्या चतु:सीमा आणि त्यांची वाटणी

⁵⁰ मवाबाच्या मैदानात यरीहोजवळ यार्देन नदीतीरी परमेश्वर मोशेला म्हणाला,

⁵¹ “इस्राएल लोकांना सांग की, तुम्ही यार्देन ओलांडून कनान देशात पोहचाल,

⁵² तेव्हा त्या देशातील सर्व रहिवाशांना तुमच्यासमोरून घालवून द्या; आकृती कोरलेल्या त्यांच्या दगडांचा नाश करा आणि त्यांची उच्च स्थाने पाडून टाका;

⁵³ तुम्ही तो देश ताब्यात घेऊन त्यात वस्ती करा; तुम्ही त्या देशाचे वतनदार व्हावे म्हणून मी तो तुम्हांला दिलेला आहे.

⁵⁴ तुम्ही तो देश चिठ्ठ्या टाकून आपापल्या कुळांप्रमाणे वाटून घ्यावा; मोठ्या वंशाला मोठा भाग द्यावा आणि लहान वंशाला लहान भाग द्यावा; एखाद्या ठिकाणासाठी ज्याच्या नावाची चिठ्ठी निघेल ते त्याचे वतन होईल; आपापल्या वाडवडिलांच्या वंशाप्रमाणे तुम्हांला वतन मिळावे;

⁵⁵ पण तुम्ही त्या देशातल्या रहिवाशांना तुमच्यासमोरून घालवून न दिल्यास ज्यांना तुम्ही तेथे राहू द्याल ते तुमच्या डोळ्यांना कुसळासारखे आणि तुमच्या कुशीला काट्यांसारखे होतील, आणि तुम्ही वस्ती कराल त्या देशात तुम्हांला त्रास देतील.

⁵⁶ असे झाल्यास मी जसे त्यांचे करायचे योजले आहे तसे तुमचेच करीन.”