गणना 26 - पवित्र शास्त्र RV (Re-edited) Bible (BSI)

मवाब देशात इस्राएल लोकांची शिरगणती

¹ मरी येऊन गेल्यावर परमेश्वर मोशेला आणि अहरोन याजकाचा मुलगा एलाजार ह्याला म्हणाला,

² “इस्राएलात जे वीस वर्षांचे किंवा त्यांहून अधिक वयाचे असून युद्धास लायक असतील, त्यांच्या वाडवडिलांच्या घराण्यांप्रमाणे त्या सर्व इस्राएल लोकांच्या मंडळीची गणती करा.”

³ त्याप्रमाणे मोशे आणि एलाजार याजक हे यरीहोजवळ यार्देन नदीतीरी मवाबाच्या मैदानात त्यांना म्हणाले की,

⁴ “मिसर देशातून मोशे व इस्राएल लोक आले होते तेव्हा त्यांना परमेश्वराने आज्ञा केली होती त्याप्रमाणेच आताही वीस वर्षांच्या किंवा त्यांहून अधिक वयाच्या पुरुषांची गणती करा.”

⁵ इस्राएलाचा ज्येष्ठ पुत्र रऊबेन; रऊबेनाच्या मुलांपासून जी कुळे निर्माण झाली ती ही : हनोख ह्याचे हनोखी कूळ; पल्लू ह्याचे पल्लूवी कूळ;

⁶ हेस्रोन ह्याचे हेस्रोनी कूळ; कर्मी ह्यांचे कर्मी कूळ;

⁷ ही रऊबेनी कुळे; त्यांची गणती केली ती त्रेचाळीस हजार सातशे तीस भरली.

⁸ पल्लूचा मुलगा अलीयाब;

⁹ अलीयाबचे मुलगे नमुवेल, दाथान व अबीराम. हे दाथान व अबीराम मंडळीतले निवडक पुरुष होते. कोरहाच्या टोळीने परमेश्वराला विरोध केला तेव्हा ह्यांनी त्या टोळीत सामील होऊन मोशे व अहरोन ह्यांना विरोध केला होता;

¹⁰ ज्या वेळी ती अडीचशे पुरुषांची टोळी अग्नीत भस्म होऊन मरण पावली त्या वेळी पृथ्वीने आपले तोंड उघडून कोरहाबरोबर त्यांनाही गिळून टाकले, व ते चिन्हादाखल झाले.

¹¹ तरीपण कोरहाचे मुलगे मेले नव्हते.

¹² शिमोनाच्या मुलांपासून जी कुळे निर्माण झाली ती ही : नमुवेलाचे नमुवेली कूळ; यामीनाचे यामीनी कूळ;

¹³ जेरहाचे जेरही कूळ; शौलाचे शौली कूळ;

¹⁴ ही शिमोनी कुळे; ह्यांचे बावीस हजार दोनशे लोक भरले.

¹⁵ गादाच्या मुलांपासून जी कुळे निर्माण झाली ती ही : सफोनाचे सफोनी कूळ; हग्गीचे हग्गी कूळ; शूनीचे शूनी कूळ;

¹⁶ आजनीचे आजनी कूळ; एरीचे एरी कूळ;

¹⁷ अरोदाचे अरोदी कूळ; अरेलीचे अरेली कूळ;

¹⁸ ही गादी कुळे; ह्यांची गणती केली ती चाळीस हजार पाचशे भरली.

¹⁹ एर व ओनान हे यहूदाचे मुलगे होते. एर व ओनान कनान देशात मरण पावले.

²⁰ यहूदाच्या इतर मुलांपासून जी कुळे निर्माण झाली ती ही : शेला ह्याचे शेलानी कूळ; पेरेसाचे पेरेसी कूळ; जेरहाचे जेरही कूळ;

²¹ पेरेसाच्या वंशजांची कुळे ही : हेस्रोनाचे हेस्रोनी कूळ; हामूलाचे हामूली कूळ;

²² ही यहूदाची कुळे; ह्यांची गणती केली ती शहात्तर हजार पाचशे भरली.

²³ इस्साखाराच्या मुलांपासून जी कुळे निर्माण झाली ती ही : तोला ह्याचे तोलाई कूळ, पूवा ह्याचे पूवी कूळ;

²⁴ याशूबाचे याशूबी कूळ; शिम्रोनाचे शिम्रोनी कूळ.

²⁵ ही इस्साखाराची कुळे; ह्यांची गणती केली ती चौसष्ट हजार तीनशे भरली.

²⁶ जबुलूनाच्या मुलांपासून जी कुळे निर्माण झाली ती ही : सेरेदाचे सेरेदी कूळ, एलोनाचे एलोनी कूळ; याहलेलाचे याहलेली कूळ;

²⁷ ही जबुलूनाची कुळे; ह्यांची गणती केली ती साठ हजार पाचशे भरली.

²⁸ योसेफाचे मुलगे मनश्शे व एफ्राईम ह्यांच्यापासून जी कुळे निर्माण झाली ती ही :

²⁹ मनश्शेचे वंशज हे : माखीराचे माखीरी कूळ; माखीराला गिलाद झाला; गिलादाचे गिलादी कूळ.

³⁰ गिलादाचे वंशज हे : इयेजेराचे इयेजेरी कूळ; हेलेकाचे हेलेकी कूळ;

³¹ अस्रियेलाचे अस्रियेली कूळ; शेखेमाचे शेखेमी कूळ;

³² शमीदा ह्याचे शमीदाई कूळ व हेफेराचे हेफेरी कूळ.

³³ हेफेराचा मुलगा सलाफहाद ह्याला मुलगे नव्हते; मुली मात्र होत्या; आणि सलाफहादाच्या मुलींची नावे महला, नोआ, होग्ला, मिल्का व तिरसा.

³⁴ ही मनश्शेची कुळे; ह्यांची गणती केली ती बावन्न हजार सातशे भरली.

³⁵ एफ्राइमाच्या मुलांपासून जी कुळे निर्माण झाली ती ही : शूथेलाहाचे शूथेलाही कूळ, बेकेराचे बेकेरी कूळ; व तहनाचे तहनी कूळ;

³⁶ शूथेलाहाचे वंशज हे : एरानाचे एरानी कूळ;

³⁷ ही एफ्राइमाच्या वंशजांची कुळे; ह्यांची गणती केली ती बत्तीस हजार पाचशे भरली. आपापल्या कुळांप्रमाणे हे योसेफाचे वंशज होत.

³⁸ बन्यामिनाच्या मुलांपासून जी कुळे निर्माण झाली ती ही : बेला ह्याचे बेलाई कूळ, अशबेलाचे अशबेली कूळ; अहीरामाचे अहीरामी कूळ;

³⁹ शफूफामाचे शफूफामी कूळ; हूफामाचे हूफामी कूळ;

⁴⁰ बेला ह्याचे मुलगे अर्द व नामान हे होते. अर्दाचे अर्दी कूळ; नामानाचे नामानी कूळ.

⁴¹ आपापल्या कुळांप्रमाणे हे बन्यामिनाचे वंशज होत. त्यांची गणती केली ती पंचेचाळीस हजार सहाशे भरली.

⁴² दानाच्या मुलांपासून जी कुळे निर्माण झाली ती ही : शूहामाचे शूहामी कूळ. ही दानाची कुळे त्यांच्या कुळांप्रमाणे होत.

⁴³ सगळ्या शूहामी कुळांची गणती केली ती चौसष्ट हजार चारशे भरली.

⁴⁴ आशेराच्या मुलांपासून जी कुळे निर्माण झाली ती ही : इम्ना ह्याचे इम्नाई कूळ, इश्वीचे इश्वी कूळ; बरीया ह्याचे बरीयाई कूळ.

⁴⁵ बरीयाच्या वंशजांतल्या हेबेराचे हेबेरी कूळ व मलकीएलाचे मलकीएली कूळ.

⁴⁶ आशेराच्या मुलीचे नाव सेराह होते.

⁴⁷ ही आशेराच्या मुलांची कुळे; ह्यांची गणती केली ती त्रेपन्न हजार चारशे भरली.

⁴⁸ नफतालीच्या मुलांपासून जी कुळे निर्माण झाली ती ही : यहसेलाचे यहसेली कूळ, गूनीचे गूनी कूळ;

⁴⁹ येसेराचे येसेरी कूळ व शिल्लेमाचे शिल्लेमी कूळ.

⁵⁰ ही नफतालीची कुळे त्यांच्या कुळांप्रमाणे होत. ह्यांची गणती केली ती पंचेचाळीस हजार चारशे भरली.

⁵¹ इस्राएल लोकांची गणती झाली, ती सहा लक्ष एक हजार सातशे तीस भरली.

चिठ्ठ्या टाकून देशाची वाटणी

⁵² परमेश्वर मोशेला म्हणाला,

⁵³ “ह्यांच्या लोकसंख्येप्रमाणे देशाचे वतन ह्यांच्यामध्ये द्यायचे आहे.

⁵⁴ अधिक संख्येच्या वंशांना अधिक वाटा द्यावा व कमी संख्येच्या वंशांना कमी वाटा द्यावा; प्रत्येक वंशाला त्याच्या-त्याच्या संख्येप्रमाणे वतन द्यावे;

⁵⁵ पण चिठ्ठ्या टाकून जमीन वाटण्यात यावी; त्यांच्या वाडवडिलांच्या वंशांच्या नावांप्रमाणे त्यांना वाटा मिळावा.

⁵⁶ ते संख्येने अधिक असोत किंवा कमी असोत, त्यांची वतने चिठ्ठ्या टाकून वाटण्यात यावीत.

लेव्यांची कुळे

⁵⁷ लेव्यांपैकी ज्यांची गणती त्यांच्या कुळांप्रमाणे झाली ते हे : गेर्षोनाचे गेर्षोनी कूळ; कहाथाचे कहाथी कूळ व मरारीचे मरारी कूळ.

⁵⁸ लेव्यांची कुळे : लिब्नी कूळ, हेब्रोनी कूळ, महली कूळ, मूशी कूळ व कोरही कूळ. कहाथाला अम्राम झाला.

⁵⁹ अम्रामाच्या स्त्रीचे नाव योखबेद होते; ती लेवीची मुलगी होती; ती त्याला मिसर देशात झाली होती. तिला अम्रामापासून अहरोन व मोशे आणि त्यांची बहीण मिर्याम ही झाली.

⁶⁰ अहरोनाला नादाब, अबीहू, एलाजार व इथामार हे झाले.

⁶¹ नादाब व अबीहू ह्यांनी परमेश्वरासमोर अनधिकृत अग्नी नेला तेव्हा ते ठार झाले.

⁶² लेव्यांपैकी एक महिन्याच्या व त्यापेक्षा अधिक वयाच्या पुरुषांची गणती केली, ते तेवीस हजार भरले; इस्राएल लोकांबरोबर त्यांची गणती केली नव्हती; कारण त्यांना इस्राएल लोकांबरोबर वतन दिले नव्हते.

पहिल्या शिरगणतीतले कालेब व यहोशवा मात्र हयात

⁶³ मोशे व एलाजार याजक ह्यांनी मवाबाच्या मैदानात यरीहोजवळ यार्देन नदीतीरी इस्राएल लोकांची गणती केली ती इतकी भरली.

⁶⁴ सीनाय रानात मोशे व अहरोन याजक ह्यांनी इस्राएल लोकांची गणती केली होती तिच्यात ज्यांची गणती झाली होती त्यांच्यापैकी एकही पुरुष ह्या गणतीत नव्हता.

⁶⁵ कारण परमेश्वराने त्यांच्याविषयी सांगितले होते की ते रानातच मरतील. यफुन्नेचा मुलगा कालेब व नूनाचा मुलगा यहोशवा ह्यांच्याशिवाय त्यांच्यातला एकही पुरुष जिवंत राहिला नव्हता.