नहेम्या 7 - पवित्र शास्त्र RV (Re-edited) Bible (BSI)

नहेम्या यरुशलेमेवर अधिकारी नेमतो

¹ कोट बांधण्याचे काम संपल्यावर मी त्याला दरवाजे बसवले आणि द्वारपाळ, गायक व लेवी ह्यांची नेमणूक केली;

² तेव्हा मी आपला भाऊ हनानी व गढीचा अधिपती हनन्या ह्यांना यरुशलेमेचे अधिकारी नेमले; हा हनन्या इमानी असून इतर पुष्कळ लोकांहून देवाचे भय विशेष बाळगत असे.

³ मी त्यांना सांगितले, “उन्हाचा ताप होईपर्यंत यरुशलेमेच्या वेशी उघडू नयेत, लोक काम करीत असता वेशींचे दरवाजे लावून त्यांना अडसर घालावेत, यरुशलेमकरांचे पहारे नेमावेत आणि प्रत्येकाने आपापल्या घरासमोर पहारा करावा.”

⁴ नगर विस्तीर्ण व मोठे होते, पण त्यात लोक थोडे असून अद्यापि घरे बांधली नव्हती.

बंदिवासातून परतणार्‍यांची यादी

⁵ सरदार, शास्ते व इतर लोक जमा करून त्यांची वंशावळीप्रमाणे गणती करावी असे माझ्या देवाने माझ्या मनात घातले. जे प्रथम यरुशलेमेत आले होते त्यांच्या वंशावळीची वही मला सापडली व तिच्यात हे लिहिलेले सापडले :

⁶ बाबेलच्या नबुखद्नेस्सर राजाने जे लोक धरून नेले होते त्यांतले त्या मुलखात राहत होते ते लोक बंधमुक्त होऊन यरुशलेमेस व यहूदातील आपापल्या नगरांत परत गेले ते हे :

⁷ येशूवा, नहेम्या, अजर्‍या, राम्या, नहमानी, मर्दखय, बिलशान, मिस्पेरेथ, बिग्वई, नहूम, व बाना. जे जरूब्बाबेलबरोबर आले ते हेच. इस्राएल लोकांतल्या मनुष्यांची संख्या ही होती :

⁸ परोशाचे वंशज दोन हजार एकशे बहात्तर.

⁹ शफाट्याचे वंशज तीनशे बहात्तर.

¹⁰ आरहाचे वंशज सहाशे बावन्न.

¹¹ येशूवा व यवाब ह्यांच्या कुळांतील पहथ-मवाबाचे वंशज दोन हजार आठशे अठरा.

¹² एलामाचे वंशज एक हजार दोनशे चौपन्न.

¹³ जत्तूचे वंशज आठशे पंचेचाळीस.

¹⁴ जक्काईचे वंशज सातशे साठ.

¹⁵ बिन्नुईचे वंशज सहाशे अठ्ठेचाळीस.

¹⁶ बेबाईचे वंशज सहाशे अठ्ठावीस.

¹⁷ अजगादाचे वंशज दोन हजार तीनशे बावीस.

¹⁸ अदोनीकामाचे वंशज सहाशे सदुसष्ट.

¹⁹ बिग्वईचे वंशज दोन हजार सदुसष्ट.

²⁰ आदीनाचे वंशज सहाशे पंचावन्न.

²¹ हिज्कीयाच्या आटेराचे वंशज अठ्ठ्याण्णव.

²² हाशूमाचे वंशज तीनशे अठ्ठावीस.

²³ बेसाईचे वंशज तीनशे चोवीस.

²⁴ हारीफाचे वंशज एकशे बारा.

²⁵ गिबोनाचे वंशज पंचाण्णव.

²⁶ बेथलेहेम व नटोफा येथील माणसे एकशे अठ्ठ्याऐंशी.

²⁷ अनाथोथाची माणसे एकशे अठ्ठावीस.

²⁸ बेथ-अजमावेथाची माणसे बेचाळीस.

²⁹ किर्याथ-यारीम, कफीरा व बैरोथ येथील माणसे सातशे त्रेचाळीस.

³⁰ रामा व गेबा येथील माणसे सहाशे एकवीस.

³¹ मिखमासाची माणसे एकशे बावीस.

³² बेथेल व आय येथील माणसे एकशे तेवीस.

³³ दुसर्‍या नबोची माणसे बावन्न.

³⁴ दुसर्‍या एलामाचे वंशज एक हजार दोनशे चौपन्न.

³⁵ हारीमाचे वंशज तीनशे वीस.

³⁶ यरीहोचे वंशज तीनशे पंचेचाळीस.

³⁷ लोद, हादीद व ओनो ह्यांचे वंशज सातशे एकवीस.

³⁸ सनावाचे वंशज तीन हजार नऊशे तीस.

³⁹ याजक : यदयाच्या कुळातील येशूवाच्या घराण्यातील नऊशे त्र्याहत्तर.

⁴⁰ इम्मेराचे वंशज एक हजार बावन्न.

⁴¹ पशहूराचे वंशज एक हजार दोनशे सत्तेचाळीस.

⁴² हारीमाचे वंशज एक हजार सतरा.

⁴³ लेवी : येशूवाचे वंशज, कदमीएलाचे होदवाच्या वंशजांतले, चौर्‍याहत्तर.

⁴⁴ गाणारे : आसाफाचे वंशज एकशे अठ्ठेचाळीस.

⁴⁵ द्वारपाळ शल्लूमाचे वंशज, अटेराचे वंशज, तल्मोनाचे वंशज, अक्कूबाचे वंशज, हतीताचे वंशज, शोबाचे वंशज, एकशे अडतीस.

⁴⁶ नथीनीम : सीहाचे वंशज, हशूफाचे वंशज, तब्बावोथाचे वंशज,

⁴⁷ केरोसाचे वंशज, सीयाचे वंशज, पादोनाचे वंशज,

⁴⁸ लबोनाचे वंशज, हगाबाचे वंशज, सल्माईचे वंशज,

⁴⁹ हानानाचे वंशज, गिद्देलाचे वंशज, गहाराचे वंशज,

⁵⁰ रायाचे वंशज, रसीनाचे वंशज, नकोदाचे वंशज,

⁵¹ गज्जामाचे वंशज, उज्जाचे वंशज, पासेहाचे वंशज,

⁵² बेसाईचे वंशज, मऊनीमाचे वंशज, नफूशेसीमाचे वंशज,

⁵³ बकबुकाचे वंशज, हकूफाचे वंशज, हर्हूराचे वंशज,

⁵⁴ बसलीथाचे वंशज, महीदाचे वंशज, हर्षाचे वंशज,

⁵⁵ बर्कोसाचे वंशज, सीसराचे वंशज, तामहाचे वंशज,

⁵⁶ नसीहाचे वंशज, हतीफाचे वंशज.

⁵⁷ शलमोनाच्या चाकरांचे वंशज, सोताईचे वंशज, सोफेरेथाचे वंशज, परिदाचे वंशज.

⁵⁸ यालाचे वंशज, दर्कोनाचे वंशज, गिद्देलाचे वंशज.

⁵⁹ शफाट्याचे वंशज, हत्तीलाचे वंशज, हस्सबाइमाच्या पोखरेथाचे वंशज, आमोनाचे वंशज.

⁶⁰ सर्व नथीनीम व शलमोनाच्या चाकरांचे वंशज मिळून तीनशे ब्याण्णव होते.

⁶¹ तेल-मेलह, तेल-हर्शा, करूब, अद्दोन व इम्मेर येथून जे वर आले ते हेच; पण ते इस्राएलांपैकी होते की नव्हते ह्याविषयी त्यांना आपापले पितृकूळ व आपापली वंशावळी दाखवता आली नाही;

⁶² दलायाचे वंशज, तोबीयाचे वंशज, नकोदाचे वंशज, सहाशे बेचाळीस.

⁶³ याजकांपैकी : हबायाचे वंशज, हक्कोसाचे वंशज व बर्जिल्लयाचे वंशज; ह्या बर्जिल्लयाने गिलादी बजिल्लय ह्याच्या कन्यांपैकी एकीशी लग्न केले, आणि त्याचे नाव घेतले.

⁶⁴ ह्यांनी आपल्या वंशावळीचे पत्र इतर वंशावळ्यांच्या पत्रांत शोधून पाहिले, पण ते सापडले नाही, म्हणून ते अशुद्ध ठरून त्यांना याजकपदाच्या यादीतून काढून टाकले.

⁶⁵ तिर्शाथा (प्रांताधिपती) ह्याने त्यांना सांगितले की, “उरीम व थुम्मीम धारण करणारा याजक उभा राहीपर्यंत तुम्ही कोणी परमपवित्र पदार्थ खाऊ नयेत.”

⁶⁶ सर्व मंडळीतले लोक मिळून बेचाळीस हजार तीनशे साठ भरले;

⁶⁷ त्यांखेरीज त्यांच्या सात हजार तीनशे सदतीस दास-दासी व दोनशे पंचेचाळीस गाणारे व गाणारणी होत्या.

⁶⁸ त्यांचे घोडे सातशे छत्तीस, खेचरे दोनशे पंचेचाळीस,

⁶⁹ उंट चारशे पस्तीस व गाढवे सहा हजार सातशे वीस एवढी होती.

⁷⁰ पितृकुळांच्या प्रमुखांपैकी काहींनी ह्या कार्यास मदत केली. तिर्शाथाने एक हजार दारिक1 सोने, पन्नास कटोरे व पाचशे तीस याजकीय वस्त्रे एवढी भांडारात जमा केली.

⁷¹ पितृकुळातील आणखी काही पुरुषांनी ह्या कामाच्या खजिन्यात वीस हजार दारिक सोने, आणि दोन हजार दोनशे माने1 रुपे पावती केले.

⁷² वरकड लोकांनी वीस हजार दारिक सोने, दोन हजार माने रुपे आणि सदुसष्ट याजकीय वस्त्रे पावती केली.

⁷³ ह्या प्रकारे याजक, लेवी, द्वारपाळ, गायक व इतर काही लोक; नथीनीम व सर्व इस्राएल आपापल्या नगरांत राहू लागले. सातवा महिना आला तेव्हा सर्व इस्राएल आपापल्या नगरात होते.