यहोशवा 15 - पवित्र शास्त्र RV (Re-edited) Bible (BSI)

यहूदाला देण्यात आलेला प्रदेश

¹ यहूदा वंशाला त्याच्या कुळांप्रमाणे चिठ्ठ्या टाकून जो भाग मिळाला तो अदोमाच्या सीमेपर्यंत आणि दक्षिणेकडे सीन रानापर्यंत अगदी दक्षिणेच्या सरहद्दीपर्यंत पसरला होता.

² त्यांच्या दक्षिण सीमेस क्षार समुद्राच्या दक्षिणेकडील खाडीपासून आरंभ झाला;

³ ती तशीच अक्रब्बीम नावाच्या चढणीच्या दक्षिणेकडे निघून सीन रानाच्या कडेने कादेश-बर्ण्याच्या दक्षिणेस गेली असून हेस्रोनाजवळून अद्दारावरून जाऊन कर्काकडे वळली आहे;

⁴ तेथून ती सीमा असमोनास जाऊन मिसरच्या नाल्यापर्यंत निघाली आहे; तिचा शेवट समुद्रानजीक झाला आहे; तुमची दक्षिण सीमा हीच.

⁵ त्यांची पूर्व सीमा यार्देनेच्या मुखापर्यंतच्या क्षार समुद्राच्या किनार्‍यापर्यंत ठरली आहे. आणि उत्तर सीमा यार्देनेच्या मुखाजवळील समुद्राच्या खाडीपासून सुरू होऊन,

⁶ बेथ-होग्लाच्या चढावावरून जाऊन बेथ-अराबाच्या उत्तरेकडे रऊबेनी बोहनच्या खडकापर्यंत गेली आहे;

⁷ तेथून ती सीमा आखोर खोर्‍यापासून दबीरापर्यंत जाऊन उत्तरेस गिलगालाकडे वळली आहे; हे गिलगाल अदुम्मीमाच्या चढावासमोर नदीच्या दक्षिणेस आहे. मग ती सीमा एन-शेमेश नावाच्या झर्‍याजवळून जाऊन तिचा शेवट एन-रोगेलास होतो.

⁸ तेथून ती सीमा हिन्नोमपुत्राच्या खोर्‍यातून यबूसी चढणीच्या दक्षिण भागावर म्हणजे यरुशलेमेच्या चढणीवरून पश्‍चिमेकडे हिन्नोमाच्या खोर्‍यासमोर आणि रेफाईम खोर्‍याच्या उत्तर टोकास असलेल्या पहाडाच्या माथ्यावर गेली आहे;

⁹ तेथून ती सीमा त्या पहाडाच्या माथ्यापासून नफ्तोहाच्या झर्‍यापर्यंत जाते व एफ्रोन डोंगरातील नगरांवरून निघून तेथून बाला उर्फ किर्याथ-यारीम येथपर्यंत पोहचते.

¹⁰ तेथून ती सीमा बालापासून पश्‍चिमेस वळसा घेऊन सेईर डोंगरास पोचून यारीम उर्फ कसालोन डोंगराच्या उत्तर बाजूस जाऊन बेथ-शेमेश येथे उतरते व तशीच तिम्नाकडे निघते;

¹¹ तेथून ती सीमा एक्रोनच्या उत्तर भागावरून शिक्रोनपर्यंत गेली आहे आणि बाला पहाडावरून यबनेलास निघाली आहे; ह्या सीमेचा शेवट समुद्रतीरी होतो.

¹² पश्‍चिमेची सरहद्द महासमुद्राचा किनारा होय. यहूदा वंशाला त्यांच्या कुळांप्रमाणे जो विभाग मिळाला त्याच्या ह्या चतु:सीमा होत.

कालेब हा हेब्रोन व दबीर ही नगरे हस्तगत करतो

¹³ परमेश्वराच्या सांगण्याप्रमाणे यफुन्नेचा मुलगा कालेब ह्याला यहोशवाने यहूदाच्या वंशजांबरोबर वतन दिले तेच किर्याथ-आर्बा उर्फ हेब्रोन होय; हा अर्बा अनाक्यांचा मूळ पुरुष.

¹⁴ कालेबाने शेशय, अहीमान व तलमय ह्या अनाकाच्या तीन वंशजांना तेथून घालवून दिले.

¹⁵ तेथून त्याने दबीराच्या रहिवाशांवर हल्ला केला; दबीराचे पूर्वीचे नाव किर्याथ-सेफर होते.

¹⁶ कालेब म्हणाला, “जो कोणी लढून किर्याथ-सेफर काबीज करील त्याला मी आपली मुलगी अखसा देईन.”

¹⁷ तेव्हा कालेबाचा भाऊ कनाज ह्याचा मुलगा अथनिएल ह्याने ते नगर घेतले; म्हणून कालेबाने आपली मुलगी अखसा त्याला दिली.

¹⁸ ती आली तेव्हा आपल्या बापापासून काही मागून घेण्यासाठी तिने त्याला चिथावले. ती गाढवावरून उतरली1 तेव्हा कालेबाने तिला विचारले, “तुला काय पाहिजे?”

¹⁹ ती म्हणाली, “मला एक देणगी द्या; तुम्ही मला नेगेब दिले आहे, तेव्हा मला पाण्याचे झरेही द्या;” तेव्हा त्याने वरचे झरे आणि खालचे झरे तिला दिले.

यहूदाला मिळालेली नगरे

²⁰ यहूदाच्या संतानाच्या वंशांतील कुळांप्रमाणे त्यांचे वतन हे :

²¹ यहूदाच्या संतानाच्या वंशाला दक्षिणेस अदोमाच्या सीमेजवळील ही नगरे मिळाली : कबसेल, एदेर व यागूर;

²² कीना, दीमोना व अदादा;

²³ केदेश, हासोर व इथनान;

²⁴ जीफ, टेलेम व बालोथ;

²⁵ हासोरहदत्ता व करीयोथ-हेस्रोन (हेच हासोर);

²⁶ अमाम, शमा व मोलादा;

²⁷ हसरगदा, हेष्मोन व बेथ-पेलेट;

²⁸ हसरशुवाल, बैर-शेबा व बिजोथा;

²⁹ बाला, ईयीम व असेम;

³⁰ एल्तोलाद, कसील व हर्मा;

³¹ सिकलाग, मद्मन्ना व सन्सन्ना;

³² लबावोथ, शिलहीम, अईन व रिम्मोन. अशी एकंदर एकोणतीस नगरे व त्यांखालील खेडी मिळाली.

³³ तळवटीतील नगरे ही : एष्टावोल, सरा व अषणा;

³⁴ जानोह, एनगन्नीम, तप्पूहा व एनाम;

³⁵ यर्मूथ, अदुल्लाम, सोखो व अजेका;

³⁶ शाराईम, अदीथईम, गदेरा व गदेरोथईम, अशी चौदा नगरे व त्यांखालील खेडी :

³⁷ सनान व दहाशा व मिग्दल-गाद;

³⁸ दिलान, मिस्पे व यकथेल;

³⁹ लाखीश, बसकाथ व एग्लोन;

⁴⁰ कब्बोन, लहमाम व किथलीश;

⁴¹ गदेरोथ, बेथ-दागोन, नामा व मक्केदा, अशी सोळा नगरे व त्यांखालील खेडी.

⁴² लिब्ना, एथेर व आशान;

⁴³ इफ्ताह, अषणा व नसीब;

⁴⁴ कईला, अकजीब व मारेशा; अशी नऊ नगरे व त्यांखालील खेडी.

⁴⁵ एक्रोन, त्याची उपनगरे व खेडी,

⁴⁶ एक्रोनाजवळची व पश्‍चिमेची अश्दोदाच्या बाजू-कडली सर्व नगरे व त्यांखालील खेडी.

⁴⁷ अश्दोद, त्याची उपनगरे व खेडी; गज्जा, त्याची उपनगरे व खेडी; मिसरचा नाला व महासमुद्राच्या तीरावरली नगरे.

⁴⁸ आणि डोंगरवटीतली नगरे ही : शामीर, यत्तीर व सोखो;

⁴⁹ दन्ना किर्याथ-सन्ना (हेच दबीर);

⁵⁰ अनाब, एष्टमो व अनीम;

⁵¹ गोशेन, होलोन व गिलो, अशी अकरा नगरे व त्यांखालील खेडी.

⁵² अराब, दूमा व एशान;

⁵³ यानीम बेथ-तप्पूहा व अफेका;

⁵⁴ हुमटा, किर्याथ-अर्बा (हेच हेब्रोन) व सियोर; अशी नऊ नगरे व त्यांखालील खेडी.

⁵⁵ मावोन, कर्मेल, जीफ व यूटा;

⁵⁶ इज्रेल, यकदाम व जानोह;

⁵⁷ काइन, गिबा व तिम्ना; अशी दहा नगरे व त्यांखालील खेडी.

⁵⁸ हल्हूल, बेथ-सूर, गदोर;

⁵⁹ माराथ, बेथ-अनोथ व एल्तकोन; अशी सहा नगरे व त्यांखालील खेडी.

⁶⁰ किर्याथ-बाल (हेच किर्याम-यारीम) व राब्बा; ही दोन नगरे व त्यांखालील खेडी.

⁶¹ रानातली नगरे ही : बेथ-अराबा, मिद्दीन व सखाखा;

⁶² निबशान, क्षारनगर व एन-गेदी; अशी सहा नगरे व त्यांखालील खेडी.

⁶³ यरुशलेमेत राहणार्‍या यबूसी लोकांना घालवून देणे यहूदाच्या वंशजांना शक्य झाले नाही म्हणून आजपर्यंत यबूसी लोक यरुशलेमेत यहूदाच्या वंशजांबरोबर राहत आहेत.