इय्योब 25 - पवित्र शास्त्र RV (Re-edited) Bible (BSI)

देवापुढे मानव न्यायी ठरत नाही असे बिल्ददचे म्हणणे

¹ मग बिल्दद शूही म्हणाला,

² “प्रभुत्व चालवणे व भीती दाखवणे हे देवाकडेच आहे; तो उर्ध्वलोकी शांती राखतो.

³ त्याच्या सैन्यांची गणती करता येईल काय? त्याचा प्रकाश कोणावर पडत नाही?

⁴ मर्त्य मानव देवापुढे नीतिमान कसा ठरेल? स्त्रीपासून जन्मलेला पुरुष निर्मळ कसा ठरेल?

⁵ पाहा, त्याच्या दृष्टीने चंद्रही निस्तेज आहे, आणि तारेही निर्मळ नाहीत.

⁶ तर मर्त्य मानव, जो केवळ कीटक, मानवपुत्र जो केवळ कृमी, त्याची काय कथा!”