उत्पत्ती 10 - पवित्र शास्त्र RV (Re-edited) Bible (BSI)

नोहाच्या मुलांचे वंशज

¹ नोहाचे पुत्र शेम, हाम व याफेथ ह्यांची वंशावळी येणेप्रमाणे : जलप्रलयानंतर त्यांना मुलगे झाले.

² याफेथाचे मुलगे : गोमर, मागोग, मादय, यावान, तुबाल, मेशेख व तीरास.

³ गोमरचे मुलगे : आष्कनाज, रीपाथ व तोगार्मा.

⁴ यावानाचे मुलगे : अलीशा, तार्शीश, कित्तीम व दोदानीम.

⁵ ह्यांनी समुद्रकाठालगत भाषा, कुळे व राष्ट्रे ह्यांपरत्वे निरनिराळे देश वसवले.

⁶ हामाचे मुलगे : कूश, मिस्राईम, पूट व कनान.

⁷ कूशाचे मुलगे : सबा, हवीला, साब्ता, रामा व साब्तका; आणि रामाचे मुलगे : शबा व ददान.

⁸ कूशाला निम्रोद झाला; तो पृथ्वीवर महारथी होऊ लागला.

⁹ तो परमेश्वरासमोर बलवान पारधी झाला, म्हणून ‘निम्रोदासारखा परमेश्वरासमोर बलवान पारधी’ असे म्हणण्याचा प्रघात आहे.

¹⁰ शिनार देशात बाबेल, एरक, अक्काद व कालने ही त्याच्या राज्याचा आरंभ होत.

¹¹ त्या देशातून तो पुढे अश्शूरास गेला व त्याने निनवे, रहोबोथ-ईर व कालह ही वसवली;

¹² तसेच निनवे व कालह ह्यांच्या दरम्यान त्याने रेसन शहर वसवले; हेच ते मोठे शहर होय.

¹³ मिस्राईम ह्याला लूदीम, अनामीम, लहाबीम, नाप्तुहीम,

¹⁴ पात्रुसीम, कास्लूहीम (ह्यांच्यापासून पलिष्टी झाले) व कफतोरी हे झाले.

¹⁵ कनान ह्याला सीदोन हा पहिला मुलगा आणि हेथ,

¹⁶ यबूसी, अमोरी, गिर्गाशी,

¹⁷ हिव्वी, आर्की, शीनी,

¹⁸ अर्वादी, समारी व हमाथी हे झाले; पुढे कनानी कुळांचा विस्तार झाला.

¹⁹ कनान्यांची सीमा सीदोनाहून गरारास जाण्याच्या वाटेवर गज्जापर्यंत आणि सदोम, गमोरा, आदमा व सबोईम ह्यांच्याकडे जाण्याच्या वाटेवर लेशापर्यंत होती.

²⁰ कुळे, भाषा, देश व राष्ट्रे ह्यांपरत्वे वर सांगितलेली हामाची ही संतती आहे.

²¹ शेम हा सर्व एबर वंशाचा पूर्वज व याफेथाचा वडील बंधू, ह्यालाही संतती झाली.

²² शेमाचे मुलगे : एलाम, अश्शूर, अर्पक्षद, लूद व अराम.

²³ अरामाचे मुलगे : ऊस, हूल, गेतेर व मश.

²⁴ अर्पक्षदास शेलह झाला, व शेलहास एबर झाला.

²⁵ एबरास दोन मुलगे झाले, एकाचे नाव पेलेग होते, कारण त्याच्या दिवसांत पृथ्वीची वाटणी झाली; त्याच्या भावाचे नाव यक्तान होते.

²⁶ यक्तानास अलमोदाद, शेलेफ, हसर्मावेथ, येरह,

²⁷ हदोराम, ऊजाल, दिक्ला,

²⁸ ओबाल, अबीमाएल, शबा,

²⁹ ओफीर, हवीला व योबाब असे मुलगे झाले; हे सगळे यक्तानाचे मुलगे.

³⁰ त्यांची वस्ती मेशापासून पूर्वेकडील डोंगर सफार ह्याकडे जाण्याच्या वाटेवर होती.

³¹ कुळे, भाषा, देश व राष्ट्रे ह्यांपरत्वे ही शेमाची संतती आहे.

³² पिढ्या व राष्ट्रे ह्यांपरत्वे ही नोहाच्या वंशजांची कुळे सांगितली आहेत; जलप्रलयानंतर त्यांची पृथ्वीवर भिन्नभिन्न राष्ट्रे झाली.