१ इतिहास 7 - पवित्र शास्त्र RV (Re-edited) Bible (BSI)

इस्साखाराचे वंशज

¹ इस्साखाराचे पुत्र तोला, पुवा, याशूब व शिम्रोन असे चार.

² तोलाचे पुत्र : उज्जी, रकाया, यरीएल, यहमय, इबसाम व शमुवेल; हे आपला बाप तोला ह्याच्या घराण्याचे प्रमुख असून आपल्या पिढीतले शूर वीर पुरुष होते; त्यांची संख्या दाविदाच्या काळात बावीस हजार सहाशे होती.

³ उज्जीचा पुत्र इज्रह्या; इज्रह्याचे पुत्र मीखाएल, ओबद्या, योएल व इश्शीया असे पाच होते; हे सर्व प्रमुख पुरुष होते.

⁴ त्यांच्या कुळांप्रमाणे व पितृकुळांप्रमाणे लढाईच्या सैन्याच्या टोळ्यांत त्यांचे छत्तीस हजार पुरुष असत; कारण त्यांना बायका व मुले पुष्कळ होती.

⁵ इस्साखाराच्या सर्व कुळांतले त्यांचे भाऊबंद शूर पुरुष होते; वंशावळीत ते एकंदर सत्त्याऐंशी हजार नमूद झाले होते. बन्यामिनाचे वंशज

⁶ बन्यामिनाचे पुत्र : बेला व बेकेर व यदीएल असे तिघे.

⁷ बेलाचे पुत्र : एस्बोन, उज्जी, उज्जीएल, यरीमोथ व ईरी असे पाच; हे आपल्या पितृकुळाचे प्रमुख असून शूर वीर होते; वंशावळीत ते बावीस हजार चौतीस नमूद झाले होते.

⁸ बेकेराचे पुत्र : जमीरा, योवाश, अलियेजर, एल्योवेनय, अम्री, यरेमोथ, अबीया, अनाथोथ व अलेमेथ. हे सर्व बेकेराचे पुत्र.

⁹ ते आपापल्या पितृकुळांचे प्रमुख असून शूर वीर होते. वंशावळीत ते वीस हजार दोनशे नमूद झाले होते.

¹⁰ यदीएलाचा पुत्र बिल्हान; बिल्हानाचे पुत्र यऊश, बन्यामीन, एहूद, कनाना, जेथान, तार्शीश व अहीशाहर.

¹¹ हे सर्व यदीएलाचे वंशज; ते आपल्या पितृकुळांचे प्रमुख असून शूर वीर होते; सेनेबरोबर जाण्यास लायक असे ते सतरा हजार दोनशे होते.

¹² ईराचे वंशज : शुप्पीम व हुप्पीम; आणि अहेराचे वंशज हुशीम.

नफतालीचे वंशज

¹³ नफतालीचे पुत्र यहसिएल, गूनी, येसेर व शल्लूम, ही बिल्हेची संतती.

मनश्शेचे वंशज

¹⁴ मनश्शेचे पुत्र : त्याच्या बायकोपासून त्याला अस्रीएल झाला; त्याच्या अरामी उपपत्नीपासून त्याला गिलादाचा बाप माखीर हा झाला.

¹⁵ माखीराने हुप्पीम व शुप्पीम ह्यांची बहीण बायको केली; तिचे नाव माका; दुसर्‍या पुत्राचे नाव सलाफहाद; सलाफहादाला मुलीच होत्या.

¹⁶ माखीराची बायको माका हिला पुत्र झाला. त्याचे नाव तिने पेरेस ठेवले व त्याच्या भावाचे नाव शेरेश होते. त्याचे पुत्र ऊलाम व रेकेम.

¹⁷ ऊलामाचा पुत्र बदान. गिलाद बिन माखीर बिन मनश्शे ह्याचे पुत्र हे :

¹⁸ त्याची बहीण हम्मोलेखेथ हिला इशहोद, अबीयेजेर व महला ही झाली.

¹⁹ शमीदाचे पुत्र : अह्यान, शेखेम, लिखी व अनीयाम.

एफ्राइमाचे वंशज

²⁰ एफ्राइमाचे पुत्र : त्याचा पुत्र शुथेलाह, त्याचा पुत्र बेरेद, त्याचा पुत्र तहथ, त्याचा पुत्र एलादा; त्याचा पुत्र तहथ,

²¹ त्याचा पुत्र जाबाद, त्याचा पुत्र शुथेलाह आणि एजेर व एलद; ह्यांना गथच्या मूळच्या रहिवाशांनी मारून टाकले, कारण त्यांची गुरेढोरे हरण करण्यासाठी ते गेले होते.

²² ह्यामुळे त्यांचा बाप एफ्राईम ह्याने बहुत दिवस शोक केला, आणि त्याचे भाऊबंद त्याचे सांत्वन करण्यासाठी आले.

²³ तो आपल्या बायकोपाशी गेला आणि ती गर्भवती होऊन तिला एक पुत्र झाला; त्याने त्याचे नाव बरीया (भाग्यहीन) असे ठेवले, कारण त्याच्या घराण्यावर दुर्दैव ओढवले होते.

²⁴ त्याची कन्या शेरा; तिने खालचे व वरचे बेथ-होरोन व उज्जेन-शेरा ही वसवली.

²⁵ त्याचे पुत्र रेफह व रेशेफ; रेशेफाचा पुत्र तेलह, त्याचा पुत्र तहन,

²⁶ त्याचा पुत्र लादान, त्याचा पुत्र अम्मीहूद, त्याचा पुत्र अलीशामा,

²⁷ त्याचा पुत्र नून व त्याचा पुत्र यहोशवा.

²⁸ त्यांची वतने व वसतिस्थाने ही होत : बेथेल व त्याच्यालगतची खेडी. पूर्वेस नारान, पश्‍चिमेस गेजेर व त्याची खेडी, शखेम व त्याची खेडी, गज्जा व त्याची खेडी येथपर्यंत;

²⁹ त्याप्रमाणेच मनश्शेच्या वंशजांच्या सीमेवरील बेथ-शान व त्याची खेडी, तानख व त्याची खेडी, मगिद्दो व त्याची खेडी, दोर व त्याची खेडी. ह्यांत इस्राएलाचा पुत्र योसेफ ह्याचे वंशज राहत होते.

आशेराचे वंशज

³⁰ आशेराजे पुत्र : इम्ना, इश्वा, इश्वी, बरीया व त्यांची बहीण सेराह.

³¹ बरीयाचे पुत्र : हेबेर व मालकीएल, हा बिर्जाविथाचा बाप.

³² हेबेरास यफलेट, शोमेर, होथाम व त्यांची बहीण शूवा ही झाली.

³³ यफलेटाचे पुत्र : पासख, बिम्हाल व अश्वाथ; ही यफलेटाची संतती.

³⁴ शेमेराचे पुत्र : अही, राहागा, यहूबा व अराम.

³⁵ त्याचा भाऊ हेलेम ह्याचे पुत्र सोफह, इम्ना, शेलेश व आमाल.

³⁶ सोफहाचे पुत्र : सूहा, हर्नेफेर, शूवाल, बेरी, इम्रा,

³⁷ बेसेर, होद, शम्मा, शिलशा, इथ्रान व बैरा.

³⁸ येथेराचे पुत्र : यफुन्ने, पिस्पा व अरा.

³⁹ उल्लाचे पुत्र : आरह, हन्निएल व रिस्या.

⁴⁰ हे सर्व आशेराचे वंशज होते; हे आपल्या पितृकुळांचे प्रमुख असून निवडक महावीरांचे व सरदारांचे अग्रणी होते; आणि लढाईच्या कामगिरीसाठी त्यांची टीप घेतली तेव्हा ते सव्वीस हजार भरले.