१ इतिहास 2 - पवित्र शास्त्र RV (Re-edited) Bible (BSI)

इस्राएलाचे मुलगे

¹ इस्राएलाचे पुत्र हे : रऊबेन, शिमोन, लेवी, यहूदा, इस्साखार, जबुलून,

² दान, योसेफ, बन्यामीन, नफताली, गाद व आशेर. यहूदाचे वंशज

³ यहूदाचे पुत्र हे : एर, ओनान व शेला; हे तिघे कनानीण बथ-शूवा हिच्या पोटी त्याला झाले. यहूदाचा ज्येष्ठ पुत्र एर हा परमेश्वराच्या दृष्टीने दुष्ट असल्यामुळे त्याला त्याने जिवे मारले.

⁴ यहूदाची सून तामार हिच्यापासून त्याला पेरेस व जेरह हे झाले; यहूदाला एकंदर पाच पुत्र झाले.

⁵ पेरेसाचे पुत्र : हेस्रोन व हामूल;

⁶ जेरहाचे पुत्र : जिम्री, एथान, हेमान, कल्कोल व दारा असे एकंदर पाच.

⁷ कर्मीचा पुत्र आखान; ह्यानेच समर्पित वस्तूसंबंधाने आगळीक करून इस्राएलास क्लेश दिला.

⁸ एथानाचा पुत्र अजर्‍या.

⁹ हेस्रोनास झालेले पुत्र यरहमेल, राम व कलुबाय हे होत.

¹⁰ रामास अम्मीनादाब झाला आणि अम्मीनादाबास यहूदा वंशाचा सरदार नहशोन हा झाला;

¹¹ नहशोनाला सल्मा झाला, व सल्माला बवाज झाला;

¹² बवाजाला ओबेद झाला व ओबेदाला इशाय झाला;

¹³ इशायाचा ज्येष्ठ पुत्र अलीयाब, दुसरा अबीनादाब, तिसरा शिमा,

¹⁴ चवथा नथनेल, पाचवा रदाय,

¹⁵ सहावा ओसेम व सातवा दावीद हे पुत्र झाले;

¹⁶ व त्यांच्या बहिणी सरूवा व अबीगईल ह्या होत. सरूवेचे अबीशय, यवाब व असाएल असे तिघे पुत्र होते.

¹⁷ अबीगईलीस अमासा झाला. अमासाचा बाप येथेर इश्माएली हा होता.

¹⁸ कालेब बिन हेस्रोन ह्याला त्याच्या बायका अजूबा व यरियोथ ह्यांच्यापासून संतती झाली. अजूबेचे पुत्र येशेर, शोबाब व अर्दोन हे होत.

¹⁹ अजूबा मेल्यावर कालेबाने एफ्राथेशी लग्न केले, तिच्या पोटी त्याला हूर झाला.

²⁰ हूरास ऊरी झाला व ऊरीस बसालेल झाला.

²¹ नंतर हेस्रोन हा गिलादाचा बाप माखीर ह्याच्या कन्येपाशी गेला; तो साठ वर्षांचा असता त्याने तिच्याशी लग्न केले व तिच्या पोटी त्याला सगूब झाला.

²² सगूबास याईर झाला; ह्याची गिलाद प्रांतात तेवीस नगरे होती.

²³ गशूर व अराम ह्यांनी त्यांच्यापासून हव्वोथयाईर व कनाथ आणि त्यांच्या आसपासची खेडीपाडी अशी एकंदर साठ नगरे हस्तगत केली. गिलादाचा बाप माखीर ह्याची ही संतती होय.

²⁴ हेस्रोन हा कालेब-एफ्राथ येथे मृत्यू पावल्यावर त्याची बायको अबीया हिच्या पोटी त्याला तकोवाचा बाप अश्हूर हा झाला.

²⁵ हेस्रोनाचा ज्येष्ठ पुत्र यरहमेल ह्याचे पुत्र : ज्येष्ठ पुत्र राम, बुना, ओरेम, ओसेम व अहीया हे होत.

²⁶ यरहमेलाची अटारा नावाची दुसरी एक बायको होती; ती ओनाम ह्याची आई होय.

²⁷ यरहमेलाचा ज्येष्ठ पुत्र राम ह्याचे पुत्र : मास, यामीन व एकर.

²⁸ ओनामाचे पुत्र : शम्मय व यादा; शम्मयाचे पुत्र : नादाब व अबीशूर.

²⁹ अबीशूराच्या बायकोचे नाव अबीहाईल असे होते; तिच्या पोटी त्याला अहबान व मोलीद हे झाले.

³⁰ नादाबाचे पुत्र; सलेद व अप्पईम; सलेद निपुत्रिक मेला.

³¹ अप्पईमाचा पुत्र इशी. इशीचा पुत्र शेशान. शेशानाचा पुत्र अहलय.

³² शम्मयाचा भाऊ यादा ह्याचे पुत्र : येथेर व योनाथान; येथेर हा निपुत्रिक मेला.

³³ योनाथानाचे पुत्र : पेलेथ व जाजा. यरहमेलाची संतती ही.

³⁴ शेशानास पुत्र नव्हते; कन्या होत्या. त्याचा यरहा नावाचा एक मिसरी चाकर होता.

³⁵ शेशानाने आपली कन्या, आपला चाकर यरहा ह्याला दिली; तिच्या पोटी त्याला अत्ताय झाला.

³⁶ अत्तायास नाथान झाला, नाथानास जाबाद झाला;

³⁷ जाबादास एफ्लाल झाला; एफलालास ओबेद झाला;

³⁸ ओबेदास येहू झाला, येहूस अजर्‍या झाला;

³⁹ अजर्‍यास हेलस झाला, हेलसाला एलासा झाला;

⁴⁰ एलासाला सिस्माय झाला, सिस्मायास शल्लूम झाला;

⁴¹ शल्लूमास यकम्या झाला; यकम्यास अलीशामा झाला.

⁴² यरहमेलाचा भाऊ कालेब ह्याचा ज्येष्ठ पुत्र जीफाचा बाप मेशा; हेब्रोनाचा बाप मारेशा ह्याचा वंशही त्याच्यापासूनच झाला.

⁴³ हेब्रोनाचे पुत्र : कोरह, तप्पूर, रेकेम व शमा.

⁴⁴ शमास रहम झाला. तो यर्कामाचा बाप; रेकेमास शम्मय झाला.

⁴⁵ शम्मयाचा पुत्र मावोन; मावोन बेथसूराचा बाप.

⁴⁶ कालेबाची उपपत्नी एफा हिला हारान, मोसा व गाजेज हे झाले; हारानास गाजेज झाला.

⁴⁷ यादायाचे पुत्र : रेगेम, योथाम, गेशान, पेलेट, एफा व शाफ.

⁴⁸ कालेबाची उपपत्नी माका हिला शेबेर व तिर्‍हना हे झाले.

⁴⁹ ह्यांशिवाय तिला मद्मानाचा बाप शाफ, आणि मखबेना व गिबा ह्यांचा बाप शवा हे झाले; कालेबाची कन्या अखसा.

⁵⁰ ही कालेबाची संतती होय. एफ्राथेच्या पोटचा ज्येष्ठ पुत्र होर, ह्याचा पुत्र किर्याथ-यारीमाचा बाप शोबाल हा होता.

⁵¹ सल्मा हा बेथेलहेमाचा बाप; हारेफ हा बेथगादेराचा बाप.

⁵² किर्याथ-यारीमाचा बाप शोबाल ह्याच्या वंशात हारोवे व अर्धे मनुहोथवासी हे झाले.

⁵³ किर्याथ-यारीम ह्याची कुळे : इथ्री, पूथी, शुमाथी व मिश्राई; ह्यांच्यापासून सराथी व एष्टाबुली ही निघाली.

⁵⁴ सल्माचे वंशज : बेथलेहेम, नटोफाथी, अटरोथ-बेथ-यवाब, आणि अर्धे मानहतवासी म्हणजे सारी;

⁵⁵ आणि याबेस येथे राहणारी लेखकांची कुळे म्हणजे तिराथी, शिमाथी व सुकाथी; ही रेखाब घराण्याचा मूळ पुरुष हम्मथ ह्याच्या वंशातली केनी कुळे होत.