PARMAL 18 - KHYINGEI PU'TLOU Bible (BSI)

¹ Mi'deikou leichok heimak thimi rapri yai'msha-yaitam'tomya kluwei ningcha thimi, heitoubi thimi deini chimme toubi yarilna tloubomrari yane yanimakrou.

² Yuntlungmak thimi khatne tloubom khatya chimlei-chimmaklei toubi khalthikhi maklei; heitoubi aiyei kningri aitamtomne shingdui-heiduime toubine minungei mutpi'kni heitomngei.

³ Chimmakei lhoutou heile rikrai phakur heiri khatnakdik; kounakpi neiya mine rikrai-khrumna kya makuranungri heiyei khlangnung'tlim mine neiya thuithine samwurheirou.

⁴ Roushing klei thimi khatdei yunthutkur tloulhangrap heiri, kungrei tuysimnaksi, heirou yukna samadrurei yui khyingnaksi.

⁵ Pichar touyeinung klal thimiyari kalhopbine heirou lalmak thimiyari klal dayerlanungri chimmei pichar hoimakrou.

⁶ Yuntlungmak thimi rapbei tlou rkalkril heiri umnungei kunlhakbi louklei namkalnaksi.

⁷ Yuntlungmak thimi rapbei murrei kathuk tloune yaitamya maangyerkna, heirou yaitamei yunthutkur tlou rapne yaitamya chaang kamkna.

⁸ Miya yorcharilnei tlou yunkril heiri antui kmainaksi, heirou thimi rapne heinakyadik tounilei.

⁹ Yrathini lhou churnimak thimi heiri miya maangyernanungei waikraang thimiyei teinaonaksi.

¹⁰ Umpuei minri Mantrangkur Raalpal naksi, heirou tharmu chimne cha thimi rapne Anung wachangbi shuikngam makne kallerou.

¹¹ Dun thimi rapneri krungkul karhilni chouni sabangkur raalpalya malungamnakne yaiyei lal heiwirou tangni uklumbi leilei.

¹² Thimi khatne ukning khnim hoimakanungri, hukhatnekhi ayari rikrai-khrumpimak; heirou ukningra tangcha thimi heiri maangurheirou.

¹³ Nangne tlou mallangbongnung lamkrine louningrilak; khminni ninglhakbongnung mallangkurni lamriyanungri neitamyei yuntlungmakya mutkna, heitoubi rikraikhi pharou.

¹⁴ Thimi khatne nayei kaallou ringkniyei ukningni knaya kanthrambi doumani, heiya aiyei solungra ringkniyei ukningya makuranungri kouya touheirou, yendongkura.

¹⁵ Roushing klei thimiri kheenserrou marnobi mulhaknilei.

¹⁶ Bomtang thimi khatle murilniyanungri, anungei hutthul khat urbine wachanganungri aya murilnei tlakchaya phachangrou.

¹⁷ Pichar maibongrari lamkrine mayungbi tloukyun thimiya akou tlou mallangrillou thimi wathukbongyenri, aiyei kyun tlourap namyerwa heiri chim kmaldik.

¹⁸ Kounakpi mantrangnara lingthral khatnakdik khoi napawa napung'khnine picharyei maibongra tlou rkalrilbi maniril- changmaka'nungri, yakhuyei tlakra huni chim-chimmako toubi munanungei meirui thirilbi luilhakur kya.

¹⁹ Naiyei teinaokou yarillanungri nai tlakra Krungkul karhilni kuikoolkur raalpal'naksi mantrangni khatle-khat trungpirillou.

²⁰ Thimi khatne aiyei murrei yunthutkur tlou hilthungne ani hei chapharou; heitoubi aiyei murpaallei kathukkur tloulhang hilthungne ani ukthorou.

²¹ Thimi khatne aiyei maleini yunthutkur tloulhang hilthungne aiyei rongchan ringrou, nimanung hirou. Heineri aitamei yunthutkur tloulhang rapbei hei heiwari aitamne lukcharou.

²² Napawa khatne nu khat louphakuro touri likarsui lhangai, heitoubi heiwane mu'kyer touri ani Umpuei phor phawurla.

²³ Kanring thimi rapbei buchari kringpikheiya phananungei toume; heiya dun thimi rapneri thuithine mallangpi nimakneri deiri maklei.

²⁴ Thimi thaneri palui khoi tlamakne dongrilwurlei, heitoubi thaneri palui hoinarou pukkanthrin teinao rapyakhi duine chetrilni palui hoilei.