NEHEMIAH 7 - KHYINGEI PU'TLOU Bible (BSI)

Raalmanbi Khounarei Lamkriyei Yenkallengkur Rapya Mshing Kansherkur

¹ Heirouri asitoubi hungthukura, touri raalpal heiwaya sachikur hillouri keine palshung shumtrum cheemkhar paalbangurbi, heitoubi shumtrum kngak thimi rapkhi, laasha thimi rapkhi, heirou Levia rapkhi khalbaangurbi bom lhakpikur;

² heitoubi keine keinaowa Hanani'le, raalpal kngaak raallui rapbei chaylampu upa Hananiah yakhuntaya Jerusalem Khulilya thikulnanungei lhousilla uparap khoine bom lhakpibi watlhou silnakur; kouweiyo toulanungri Hananiah'ri ya namyerouwei malungamkna thimi, heirou Dunpuya chi-rikrai thimikhat.

³ Heirouri keine yaya shun, “Jerusalemei palshung shumtrumrap heiri kinni kathukbongyen latrimak, heirou thungkhalyei kheenroukhi shumtrum kngak thimi rapne shalbongnung thungkhalbine, cheemkhar hang rotphopburbi horkhoulak. Heitoubi shumtrum kngak thimi rapkhi Jerusalem'rei thimi rapya khalthutbine, ai'aiyei bichani leiyerlak, heitoubi ai'aiyei leina cheem maishukra ngaakyerlak.

⁴ Heirou Jerusalem Khulil heiwari beimakne tang, heirou maryakhi maryalei; heiya heiyei rilla yuldabi klei thimiri mshing chungmaklei, heirou cheem rapkhi sabaangmakhui.”

⁵ Heirouri keiyei Dunpune keiyei ukningra illhakpibi, yama upa raple, lhou'urpu upa raple heirou kulyom rapya khulbung kartilnanungei toubi ungyerkur. Heitoubi keine yaya bommai shullam hilthungne thimi mshing kansherkur. Heirouri keine thimi mshing kansherbi thinarouri, raalmannarei lamkriyei yenkallengkur thimi rapbei minlam rapya asitoubi loumayekhouya keine karthangkur.

⁶ Yai minlamrap heiri ram heirouwei thimi rapya Babylonia Krung Nebuchadnezzar'ne raalman khoine urlouheibi khounarei Jerusalem'ra, heirou Judah'ra yenkallengbi, ai'aiyei khukarthil rapra hungpaalkur thimirap.

⁷ Heirou thimirap heile kalhonne yenkallengkur yaiyei ruipipu rapri Zerubbabel, Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, heirou Baanah yarap heiriya. Raalmanbi khounarei yenkallengkur Israel cheemkhurei thimi rapri:

⁸ Paroshyei chanapawa raprei thimi lishing-khnile, machale somretle-khni;

⁹ heirou Shephatiah'yei chanapawa raprei thimi macha-khyumle somretle-khni;

¹⁰ heirou Arah'yei chanapawa raprei thimi macha-thrukle, somngale-khni;

¹¹ heirou Jeshua'le Joabei shullamrei yenrankur Pahath-moab'yei chanapawa raprei thimi lishing-khnile, macha-chotle, chiple-chot;

¹² heirou Elam'yei chanapawa raprei thimi lishing-khatle, macha-khnile, somngale-phali;

¹³ heirou Zattu'yei chanapawa raprei thimi macha-chotle somlile-phanga;

¹⁴ heirou Zaccai'yei chanapawa raprei thimi macha'enile somruk;

¹⁵ heirou Binnui'yei chanapawa raprei thimi macha-thrukle, somlile-chot;

¹⁶ heirou Bebai'yei chanapawa raprei thimi macha-thrukle, somnile-chot;

¹⁷ heirou Azgad'yei chanapawa raprei thimi lishing-khnile, macha-khyumle, somnile-khni;

¹⁸ heirou Adonikam'yei chanapawa raprei thimi macha-thrukle, somrukle-eni;

¹⁹ heirou Bigvai'yei chanapawa raprei thimi lishing-khnile, somrukle-eni;

²⁰ heirou Adin'yei chanapawa raprei thimi macha-thrukle, somngale-phanga;

²¹ heirou Ater'yei chanao, Hezekiahyei shullamrei yenrankur chanapawa raprei thimi somkole-chot;

²² heirou Hashum'yei chanapawa raprei thimi macha-khyumle, somnile-chot;

²³ heirou Bezai'yei chanapawa raprei thimi macha-khyumle, somnile-phali;

²⁴ heirou Hariph'yei chanapawa raprei thimi machale chiple-khni;

²⁵ heirou Gibeon'yei chanapawa raprei thimi somkole-phanga;

²⁶ heirou Bethlehem'le, Netophah'rei thimirap napawa machale-somshrile-chot;

²⁷ heirou Anathoth'rei thimikhi napawa machale-somnile-chot;

²⁸ heirou Beth-Azmaveth'rei napawa somlile-khni;

²⁹ heirou Kiriath-Jearim'le Chephirah, heirou Be-eroth'rei thimikhi napawa macha-enile, somlile-khyum;

³⁰ heirou Ramah'le, Geba'rei thimi napawa macha-thrukle, somnile-khat;

³¹ heirou Michmas'rei thimi napawa machale somnile-khni;

³² heirou Bethel'le, Ai'rei thimikhi napawa machale, somnile-khyum;

³³ heirou Nebo mnaak lhang'khatrei napawa somngale-khni;

³⁴ heirou Elam lhang'khatrei napawa lishing-khatle, macha-khnile, somngale-phali;

³⁵ heirou Harim'yei chanapawa raprei thimi macha-khyumle, somni;

³⁶ heirou Jericho'rei napawa rapkhi napung macha-khyumle, somlile-phanga;

³⁷ heirou Lod'le, Hadid, heirou Ono'yei chanapawa rapkhi napung macha-enile, somnile-khat;

³⁸ heirou Senaah'yei chanapawa rapkhi napung lishing-khyumle, macha-takole somthum kyao.

³⁹ Heirou suipipu rapkhi: Jeshua'yei cheemkhur shullamrei yenrankur Jedaiahyei chanapawa rapkhi thimi macha-takole, somretle-khyum;

⁴⁰ heirou Immer'yei chanapawa raprei thimi lishing-khatle, somngale-khni;

⁴¹ heirou Pashhur'yei chanapawa raprei thimi lishing-khatle, macha-khnile, somlile-eni;

⁴² heirou Harim'yei chanapawa raprei thimi lishing-khatle, chiple-eni kyao.

⁴³ Heirou Levia rapkhi: Jeshua'yei chanao raprei yenrankur Kadmi-el'le Hodevah'yei chanapawa rapkhi napung somretle-phali.

⁴⁴ Heirou Laasha thimi rapkhi: Laarung Asaphbei chanao rapkhi napung machale-somlile-chot.

⁴⁵ Heirou Palshung shumtrum kngaak thimi rapkhi: Shallumyei chanapawa raple, Ater'yei chanapawa raple, Talmon'yei chanapawa raple, Akkub'yei chanapawa raple, Hatita'yei chanapawarap, heirou Shobei'yei chanapawa rapkhi napung machale-somthumle-chot kyao.

⁴⁶ Heirou Pucheemra Puwatlhou tou thimi rapkhi: Ziha'yei chanapawarap, Hasupha'yei chanapawarap, Tabbaoth'yei chanapawa rapkhi;

⁴⁷ Keros'yei chanapawarap, Sia'yei chanapawarap, Padon'yei chanapawa rapkhi;

⁴⁸ Lebana'yei chanapawa'rap, Hagaba'yei chanapawa'rap, Shalmai'yei chanapawa rapkhi;

⁴⁹ Hanan'yei chanapawa'rap, Giddel'yei chanapawarap, Gahar'yei chanapawa rapkhi;

⁵⁰ Re-aiah'yei chanapawa'rap, Rezin'yei chanapawa'rap, Nekoda'yei chanapawa rapkhi;

⁵¹ Gazzam'yei chanapawa'rap, Uzza'yei chanapawa'rap, Paseah'yei chanapawa rapkhi;

⁵² Besai'yei chanapawa'rap, Meunim'yei chanapawa'rap, Nephushesim'yei chanapawa rapkhi;

⁵³ Bakbuk'yei chanapawa'rap, Hakupha'yei chanapawa'rap, Harhur'yei chanapawa rapkhi;

⁵⁴ Bazlith'yei chanapawa'rap, Mehida'yei chanapawa'rap, Harsha'yei chanapawa rapkhi;

⁵⁵ Barkos'yei chanapawa'rap, Sisera'yei chanapawa'rap, Temah'yei chanapawa rapkhi;

⁵⁶ Neziah'yei chanapawa'rap, heirou Hatipha'yei chanapawa rapkhi kyao.

⁵⁷ Heirou Solomon'yei shok rapbei chanao raprei: Sotai'yei chanapawa'rap, Sophereth'yei chanapawa'rap, Perida'yei chanapawa rapkhi;

⁵⁸ Jaala'yei chanapawa'rap, Darkon'yei chanapawa'rap, Giddel'yei chanapawa rapkhi;

⁵⁹ Shephatiah'yei chanapawa'rap, Hattil'yei chanapawa'rap, Pochereth-hazzebeim'yei chanapawa'rap, Amon'yei chanapawa rapkhi kyao.

⁶⁰ Heisitoubi Pucheemyei watlhou tourap Nethinim raple, Solomon'yei shok rapbei chanapawa'rap namma heiri pulni thimi macha-khyumle, somkole-khni tlung.

⁶¹ Heirou thimirap thakhi Tel-Mela'rei, Tel-Harsha'rei, Cherub'rei, Addon'rei heirou Immer'rouwei yenkallengkurkhi kyao; heiya yarap heiri yaipawa rapbei minlam rapkhi heirou yaya yenranna shullamkhi raphamuchang'makura, heineri yarap heiri Israel rapko, nimakeiyo toukhi kandangne muchangmaklei.

⁶² Yarap heiri Delaih'yei chanapawarap, Tobiah'yei chanapawa'rap, heirou Nekoda'yei chanapawa'rap, ya thimi macha-thrukle, somlile-khni.

⁶³ Heirou Suipipu rapbei chanapawa rapri: Hobeiah'yei chanapawa'rap, Hakkoz'yei chanapawa'rap, heirou Barzillai'yei chanapawa rapkhi kyao; (Yane Gilead'rei Barzillai'yei cha-nyul rapya nu khoine loukhounarei, aiyei minlamkhi heiyei minya heisi thulbi ungrilkur).

⁶⁴ Ya rapya yai patar rapbei shullamra minlam shutphanarou koutamrou kyaowo touri rapha-muchangmakura; heitounei ngammei yayari phung kanremak thimi rapme toubine, suipipu rapbei shullamrei yaoyermakne louthutdurbi hulthutkur.

⁶⁵ Heitounei ngamrou Tirshatha'ne yanungei chay piwurbine, suipipu khatni Urim'le Thummim baangbine Pu'tlou kallangthinei lhou toubongyenri yane yerrouwei khying anchumya mainungei yamakhuirou toubine shunkur.

⁶⁶ Heirou kulyomei thimi mshing nammari pulni lishing somlile-khnile, macha-khyumle, somruk tlunglei;

⁶⁷ heiyakhi duinara, yaiyei shok'napawa raple, shok-napuiya rapkhi kyao; yarap heiri pulni lishing-enile, macha-khyumle, somthumle-eni tlung; heirou Laarungwa, heirou Sheirungwi rapkhi pulni thimi macha-khnile, somlile-phanga.

⁶⁸ Heirou yaiyei sapuk rapri macha-enile, somthumle thruk, heitoubi sapuk-mandi rapkhi macha-khnile, somlile-phanga kyao;

⁶⁹ heirou yaiyei ut rapkhi macha-phali'le, somthumle-phanga kyao; heirou yaiyei gadha rapkhi lishing-thrukle, macha-enile somni kyao.

⁷⁰ Heisitoubi cheemkhur uparap thanekhi lhou churbaangna'ranungei heitrungpikur. Heisitoubi Rampu Tirshatha'ne sina drachma lishing-khatle, kulpak somngale, heirou suipipu rapbei baangnungei shamb rapkhi macha-phangale, somthumkhi heipilhakkur.

⁷¹ Heitoubi cheemkhur uparap thanekhi lalthum marpeina keira sina drachma lishing-somnile heirou kulngou mina lishing-khnile, macha-khnikhi heipilhakur.

⁷² Heirou thimicham kulyom rapbei heipilhakkur heiwakhi sina drachma lishing-somnile, kulngou mina lishing-khnile, heirou suipipu rapbei shamb rapkhi somrukle-eni kyao.

⁷³ Asinungri suipipu rapkhi, Levia rapkhi, shumtrum kngak thimi rapkhi, laarung rapkhi, heirou thimirap thale touri Pucheemyei wattouwa raple, heirou Israellei thimirap nammakhi yaiyei Khukarthil rapbei rilla paalkarbilbine leiyura. Heisitoubi Israellei chanaorap nammane tlun-eni tlung tanglarou yaiyaiyei khukarthil rapra paalbine leikur.