MATTHEW 1 - KHYINGEI PU'TLOU Bible (BSI)

Jesu Christa'ya Yenranna Puirie-Parie

¹ Tlou awari Abraham heirou David'yei yu-cha, Jesu Christa'ya yenranna puirie-parieyei minlamrap: Abraham'rouwei waiyoubine Krung David, heirou yai hillei chaan phane yaiyei puirie-parie rapbei minlam rapya myethutbi leilei.

² Abraham'ri Isaac'yei pa, heitoubi Isaac'ri Jacobei pa, heirou Jacob'ri Judah'le aiyei teinao rapbei pa,

³ heirou Judah'ne Perez'le, Hezron'yei pa, heirou Hezron'ri Ram'yei pa,

⁴ heitoubi Ram'ri Amminadabei pa, heirou Amminadab'ri Nashon'yei pa, heitoubi Nashon'ri Salmon'yei pa,

⁵ heirou Salmon'ri Boaz'yei pa, (aiyei puiri Rahab toubi ung), heitoubi Boaz'ri Obedei pa, (aiyei puiri Ruth toubi ung), heirou Obed'ri Jesse'yei pa,

⁶ heitoubi Jesseri Krung David'yei pa. Heitoubi David'ri Solomonyei pa, (aiyei puiri Uriah toubi ung),

⁷ heirou Solomon'ri Rehoboamei pa, heitoubi Rehoboam'ri Abijah'yei pa, heirou Abijah'ri Asa'yei pa,

⁸ heirou Asa'ne Jehoshaphat'yei pa, heirou Jehoshaphat'ri Joram'yei pa, heitoubi Joram'ri Uzziah'yei pa,

⁹ heirou Uzziah'ri Jotham'yei pa, heirou Jotham'ne Ahaz'yei pa, heitoubi Ahaz'ri Hezekiah'yei pa,

¹⁰ heirou Hezekiah'ne Manasseh'yei pa, heirou Manasseh'ri Amos'yei pa, heirou Amos'ri Josiah'yei pa,

¹¹ heitoubi Josiah'ri Jechoniah'le aiyei teinao rapbei pa, yarap heiri Babylonia'yei hutra kulchalbi leiyeinung pukkhou. Babylonia hutra kulchalna'rouwei malhetthutkur hillei waiyoubi Jesu'ya hungpukna billei nutar-patar rapbei minlam myethutlei.

¹² Jechoniah'ri She-alti-el'yei pa, heirou She-alti-el'ri Zerubabel'yei pa,

¹³ heirou Zerubabel'ri Abiudei pa, heitoubi Abiud'ri Eliakim'yei pa, heirou Eliakim'ri Azor'yei pa,

¹⁴ heirou Azor'ne Zadokei pa, heirou Zadok'ri Achimyei pa, heitoubi Achimri Eliudyei pa,

¹⁵ heirou Eliud'ne Eleazar'rei pa, heirou Eleazar'ne Mathan'yei pa, heitoubi Mathan'ri Jacobei pa,

¹⁶ heirou Jacob'ri Christa toubi ung Jesu'ya pukpikhou Maryei Shal Josephbei pa.

¹⁷ Heisitoubi Abraham'rei waiyoubi David'yei kheen phane chaan chiple phali tlunglei, heitoubi David'rei waiyoubi Babylonia'ne kulchalkur kheen hungphane chaan chiple phali, heitoubi Babylonia'ne kulchalkur heirouweine Christa'bil chaan chiple phali tlunglei.

Jesu Christaya Puk

¹⁸ Jesu Christa'ya pukri asitoubi louhoikhou. Aiyei pui Mary heiri Joseph'ne ngaimankhoubi leiyeinang, heirou yakhuntane lourilbongnang, a heiwiri Lhawai Khyingei nao urbine pukrou youleime toubi muwurla;

¹⁹ heirou aya ngaimankhou shalnungtou Joseph heiwari chimmei lhouyatom tou thimi hoinei ngamrou, ane Marya'ri khulbungei maibongra muyernimaknei ngamrou, aitamtom munne Marya karkhaiwurnanung wairangkur.

²⁰ Heiya ani heisi ningchabi leiyeinang, thilak, Dunpuei Thangring khatne aiyei rmongra loumuyerbine asitoubi loushunkur, “David'yei chanapawa Joseph, Marya neiyei nunungei klouri chimaklo, ngamri, aiyei urbi klei nao heiri Lhawai Khyingei nao;

²¹ Ane chanapawa khat pukrou, heirou nangne aiyei min Jesu toubine ungrou- heiyei ngamri Ane Aiyei thimi rapya yaiyei borh'rouwei kalthutpirou.”

²² Asinungri thukkur tlou namyerwa heiri Dunpune bongei Thimkhui rapnung shunthutdurkhou heirapya chimne hungtlung'yernanung toukhou.

²³ “Shal dunmakpi nangaka khatne nao urbi chanapawa khat pukrou, heitoubi aiyei minri ‘Immanuel’ touri ‘Kaya kalhonpi Pu Dunpu’ toubine ungrou.”

²⁴ Heisitoubi Joseph'ne ipnarei kanthoubi, Dunpuei Thangringei loushunpikur heinakne aiyei nu Marya ruilhakbine loukur.

²⁵ Heiyanungkhi ane aiyei nu heine nao pukbongyen rkhum tilkhoumak. Heirou Joseph'ne aiyei min heiri Jesu toubi thulpikur.