MALACHI 4 - KHYINGEI PU'TLOU Bible (BSI)

Umpu ei Tlaini

¹ “Thilak, Meibomra meithlan chok'naksine, tangcha thimi raple heirou khril lhangaimak thimi rapya kangnungei tlaini khat hungeirouhui,” toubine Thangwan-Shimleiyei Pu Umpune shunlei; “heitoubi heiyei tlainirouri yayari yrungkhi heirou bankhi koulhuimakni namma kaangtlumyerrou.

² Heiya Keiyei minya chi-rikraine cha thimirap nanungeiri tharmu chimmei kinni, kna buldamna louh'le kalhonni kathukheirou; heirouri halshangrei malhetthutkur halshun rapni hakraone chunchakur heinaksine nakhi langthouni haraorouwa.

³ Heirou Keine lhou heiwaya touthutkur tlainirouri, nane yekna lhangaimak thimi rapya naiyei hopangni tatmanuirouwa; heitoubi yarap heiri naiyei homairei rahui holchirouwa,” toubine Thangwan-Shimleiyei Pu Umpune shunlei.

⁴ “Keine Israelrap namanung'tlim Horeb Lhungdoura Keiyei shok Moses'nung piwurkhou Keiyei chaytlouwei lammitrap heirou picharrei lammit rapya nane ningthutrou da.”

⁵ “Thilak, Umpuei chi'kna heirou tangkur Tlaini hungthukbong maibongrou, Keine nanungei Thimkhui Elijah'ya yenmalhetpirou.

⁶ Heirou ane pawa rapbei ukningya yaiyei chanao rapnungei hollhakyerrou, heitoubi chanao rapbei ukningni yaiyei pawa rapnung hollhakyerbi, heitoubi ya khatle khat kringrilyerou; heinimanungri Keine naidoura tlaipangpal namma manchobi tlumyerrou.”