JOSHUA 19 - KHYINGEI PU'TLOU Bible (BSI)

Simeon Cheemkhurnung Khaithutpikur Ram

¹ Heitoubi khintam tlung meirui khingthikur heiwari Simeon'yei cheemkhur-bommai mshing hilthungni likarsui thangura, heitoubi yaiyei yuldana ram ri heiwari Judahyei chanao rapbei ri tlakra dawura.

² Heisitoubi yaiyei yuldana ram heiwari Sheba toubikhi ung Beer-sheba, heirou Moladah;

³ heirou Hazar-shual, Bala heirou Ezem,

⁴ heirou Eltolad, Bethul heirou Hormah;

⁵ heirou Ziklag, Beth-Marcaboth, heirou Hazar-Susah;

⁶ heirou Beth-Lebaoth, heirou Sharuhen: yarap heiri yaiyei yultlai rapkhi kyaoni khukarthil chiple khyum.

⁷ Ain, Rimmon touri En-Rimmon, Ether heirou Ashan, yarap heiri yaiyei yultlai rapkhi kyaoni khukarthil phalitam.

⁸ Heitoubi khukarthilrap heiyei karhilni klei yultlairap nammakhi kyaoni, Negeb touri khate lhangra Ramah toubikhi ung Baalath-Beer'bil yudalei. Awari Simeon'yei cheemkhur bommai mshing hilthungni yerkhaipikur yul dana ramthil.

⁹ Simeon'yei chanao rapbei yul dananungei ram siruk heiwari Judah'yei ram sirukrei lhang'khat khaithutbini yerkhaipikur; kouweiyo toulanungri, Judah'yei chanao rapnungeiri ram siruk heiwari tangachaklei. Heisitounei ngamrou Simeon'yei chanao rapni Judahyei chanao rapbei ram sirukrouwei phabini yaihangra paalthungkur.

Zebulunyei Ram Siruk Yerkhaipikur

¹⁰ Asinungri khyumbui tlung ram yerkhainei meirui heiwari Zebulun'yei chanao rapnungei yaiyei cheemkhur-bommai mshing hilthungni hungdawura. Heitoubi yaiyei ram ri karchunna heiwari Sarid'bil wadalei.

¹¹ Heitoubi yaiyei ri heiwari kulrel lhangrani Samadru ruithungni katringurbi, heirou Marala touri Mareal'ra katkhingralbi, heitoubi Dabbasheth'ra katkhinghoikur, heitoubi Jokne-am'yei kulkung lhangei Wadi'bil kadalei.

¹² Heitoubi ri heiwari Sarid rouweini kulkung lhangra khreilhakurbini, heitoubi Chisloth-tabor'bil wadalei; heirou Daberath'ra kawurbi Japhia katkhingralkur.

¹³ Heirouweini Gath-hepher'yei kulkung lhangra katrallurbini Eth-kazin'bil wadakur, heitoubi heirouweini Rimmon lhangra wawurbi Neah'bil wadakur.

¹⁴ Heitoubi ri heiwari Hannathonyei khalu lhangra katkhingkulbini, heitoubi Jipthah-El phaikarbil kadongkur.

¹⁵ Heitoubi ri heiyei rilla koolphopkur ram rapri: Kattath, Nahalal, Shimron, Idala, heirou Bethlehem'khi kyao. Heirapri yaiyei yultlai rapkhi kyaoni khukarthil chiple khni tlung.

¹⁶ Yaiyei yultlai rapkhi kyaoni Zebulun'yei cheemkhur chanao rapni yaiyei cheemkhur bommai mshing hilthungni phakur yul dana ram siruk rapri ariya.

Issachar Cheemkhurnung Yerkhaipikur Ram

¹⁷ Heitoubi ram yerkhainei phalitam tlung meirui khingthi heiwari Issacharyei chanao rapnungei yaiyei cheemkhur-bommai mshing hilthungni hungdawura.

¹⁸ Heitoubi yairam heiyei ri karchunna heiwari Jezreel, heirou Chesulloth kyaoni heirou Shunemkhi;

¹⁹ Haphara-im, Shion, heirou Anaharath;

²⁰ heirou Rabbith, Kishion, heirou Ebez,

²¹ heirou Remeth, En-gannim, En-haddah heirou Beth-pazzez.

²² Heitoubi yairam ri karchunna heiwari Tabor kadabi, heirou Shahazumah heirou Beth-shemesh'bil yu'tlunglei; heisitoubine yaiyei ram ri karchunna heiwari Jordan kungbil yudonglei. Heirapri yaiyei yultlai rapkhi kyaoni khukarthil chiple thruk.

²³ Issacharyei chanaorap, yaiyei cheemkhur-bommai mshing hilthungni phakur yul dana ramri yultlai rapkhi kyaoni khukarthil rapri ariya.

Asher Cheemkhuryei Ram Rikarchunna

²⁴ Asinungri ram yerkhainei phangatam tlung meiruithi heiwari Asheryei chanao rapbei cheemkhur-bommai mshing hilthungni hungdawura.

²⁵ Heitoubi yaiyei ri karchunna ram heiwari Helkath, Hali, Beten heirou Achshaph;

²⁶ heirou Allammelech, Amad heirou Mishal; heitoubi kulrel lhangrari Carmel heirou Shihor-libnath'bil wa'tlunglei.

²⁷ Heitoubi heirouweini kulkung lhangra khreilhakurbi Beth-Dagon wadalei; heitoubi Zebulun'le ri karchunrillei; heitoubi khalu lhangrani Iph'tah-El touri Jiphthah-El phaikar lhangra kabi Beth-Emek'le Nei-El katkhinghoibi heirou Cabulyei thyoi lhangra katringbaangkur.

²⁸ Heitoubi Ebron heirou Rehob heirou Hammon heirou Kanah heirou Shidon yultang kadani ri karchunrilkur.

²⁹ Heitoubi ri heiwari Ramah lhangra khreilhakurbi, heirou raalpalni kuikoolkur Tyre khukarthilbil ka'tlunglei, heitoubi ri heiwari Hosah lhangra khreilhakurthu, heitoubi Mahalab touri Mehebel'le Achzibei khorui lhangei Samadru ruira wadongkur.

³⁰ Heitoubi Ummah, heirou Aphek heirou Rahobkhi kyaoni, yaiyei yultlai rapkhi kyaoni khukarthil somnile khni.

³¹ Asheryei chanao rapni yaiyei cheemkhur bommai mshing hilthungni yai yultlai rapkhi kyaoni yaiyei yul dananungei phakur ramri ariya.

Naphtali'yei Rikarchunna Ramrap

³² Yul dana ram yerkhainei thruktam tlung meirui khingthi heiwari Naphtali'yei chanao rapnungei yaiyei cheemkhur-bommai mshing hilthungni hungdawura.

³³ Heitoubi yaiyei ram ri heiwari Heleph'rouwei waiyoubini, Za-anannim'yei bok'heengyao koolphopbini, heitoubi Adami-nekeb, heirou Jabneel wadani, heirou Lakkum'bil wadabini heitoubi Jordan kungra rikarchun wadonglei.

³⁴ Heirouri ri karchunna heiwari kulrel lhangra khreilhakurbini Aznoth-Tabor wadabi, heirouweini Hukkok'ra wadakur; heitoubi khate lhangra Zebulun yudabi, heirou kulrel lhangra Asher wa'tlunglei, heitoubi kulkung lhangrani Jordan kungra rikarchunrillei.

³⁵ Heitoubi yaiyei raalpal kuiphopkur khukarthilrap heiri: Ziddim, Zer, heirou Hammath, Rakkath heirou Chinnereth.

³⁶ heirou Adamah, heirou Ramah heirou Hazor;

³⁷ heirou Kedesh, heirou Edrei, heirou En-hazor;

³⁸ heirou Yiron heirou Migdal-El, Horem heirou Beth-anath, heirou Beth-shemesh; yarap heiri yaiyei yultlai rapkhi kyaoni khukarthil chiple tako.

³⁹ Naphtali'yei chanao rapni, yaiyei cheemkhur-bommai mshing hilthungni yul dananungei phakur heiwari, yaiyei yultlai rapkhi kyaoni khukarthil rapri ariya.

Dan Cheemkhurnung Yerkhaipikur Ramyei Rikarchunna Ram

⁴⁰ Ram yerkhairilnei enitam tlung meirui khingthikur heiwari Dan chanao rapbei cheemkhur-bommai mshing hilthungni hungdawura.

⁴¹ Heitoubi yairam ri karchunna heiwari Zorah, Eshta-ol heirou Ir-shemesh;

⁴² heirou Sha-alabbin, Aijalon heirou Ithla;

⁴³ heirou Elon, Timnah heirou Ekron;

⁴⁴ heirou Etekeh, Gilbethon, heirou Baalath;

⁴⁵ heirou Jehud, Bene-berak heirou Gath-Rimmon;

⁴⁶ heirou Me-jarkon, Rakkon'le Joppa'le mai kallukrilbi klei ramkhi koolphoplei.

⁴⁷ Heitoubi Dan chanao rapbei ram heiwari yanungei mandiachaknei ngamrou, yani Leshem'ra kabini raal dakur, heitoubi raal maniwurbi ram heiwaya lukloukur, heitoubi bi heiyei thimi rapya raalshon'ne shaat'hatdurchibi, ram heirou yuldakur; heitoubi yani Leshem'ya yai pataryei minya loubini Dan toubi thulpikur.

⁴⁸ Heisitoubi Dan'yei cheemkhur-bommai mshing hilthungni yanungei yul dananungei yerkhaipikur khukarthil raple yultlai rapri ariya.

Joshua'nung ram siruk khaithutpikur

⁴⁹ Heisitoubi yani yaiyei cheemkhur-bommai hilthungni yul dananungei ram yerkhairil luiwurbini, Israellei thimi rapni Nun'yei chanapawa Joshua'nungeikhi yul dananungei yaihangra ram yerkhaipikur.

⁵⁰ Umpuei chay hilthungni yani aiyei pilaklo toubi buchakur Ephraim Lhungdou ramra klei Timnath-Serah khukarthil heiwaya anungei khaipikur. Heisitoubi ani khukarthil heiwaya sabaangurbini bi heirou paalkur.

⁵¹ Suipipu Eleazar'le, Nun'yei chanapawa Joshua, heirou Israellei chanao rapbei cheemkhur kantangei Upa rapni Shiloh'yei Pucheemra Umpuei maibongra meirui khingthibini yerkhaipikur yuldana ram rapri arapriya. Heisitoubi yani ram yerkhaikril luilhakkur.