JOSHUA 15 - KHYINGEI PU'TLOU Bible (BSI)

Judahyei Ram Rikarchunna

¹ Judah'yei chanao rapni yaiyei cheemkhur bommairap hilthungni ram yerkhainara meirui khulthangbi phakur ramrap heiwari khate lhangra Edom'rouweini Zin ramthing yudongna phani rikarchunrilkur.

² Heitoubi yaiyei khate lhangrei rikarchunna ram heiwari Mittiyei Samadru yongdongna hillouweini, khate lhangrei Samadru ruithung yenringsundabi;

³ heitoubi Maaleh-Akrabbim lhung-tungnabil; heitoubi heirouweini Zin Ramthingra yukralbini khate lhangra Kadesh-Barnea'bil, heirou Hezron yu'tlungni rikarchunrilbi, heitoubi Addar'rouweini katringbangurbi Karka lhangra khreilhakur.

⁴ Heitoubi Azmon lhangra heiringbi Egyptbei Wadi kungbanbil ri karchunrilkur, heirouni Mediterranea Samadru'bil kadani ri karchunyerkur. Yai khate lhangrei ri karchunna ramri awariya.

⁵ Heitoubi kulkung lhangrari Mittiyei Samadru'bil ri karchunrilbi Jordan kungsobil kadakur. Heitoubi khalu lhangrakhi Samadrura Jordan kungso'rouwei katringurbi;

⁶ heirou Beth-Hogla'ra rikarchunrilkur, heitoubi Beth-Arabah'yei khalu lhangra katkhingralbi, Reubenyei chanapawa Bohanyei thilthlungbil kadani rikarchunrilkur.

⁷ Heitoubi khalu lhangrei ri karchunnari Achor phaikar rouwei katringbini Dabir'bil kadalei, heitoubi heirouwei khalu lhangra khreilhakurbi, phaikarei khate lhangra klei Adummim lhungsole mai kallukrilbi klei Gilgal'ra ka'tlunglei; heisitoubi ri heiwari heisi katringbi En-Shemesh yui leinabil kadabi, heirou En-rogelbil kadongkur.

⁸ Heitoubi rikarchunna heiwari Beth-Hinnom'yei phaikara katringurbini, heirou Jebusi'yei (Jerusalem touya mu'kna) khate lhangei lhunglimra kadalei. Heitoubi bi heirouwei katringurbi Hinnom phaikarei kulrel lhangra klei lhungdouthung katkhinghoiwurbini khalu lhangra Rephaim phaikar kadongnabil ri karchunrilkur.

⁹ Heitoubi ri karchunna heiwari lhungdoura katkhinghoiwurbi Nephtoahrei yuiso leinara yenkhreisundabi, heirou Ephron Lhungdourei khukarthil rapbei lhangra yenkhingralbi, heitoubi Baalah touri Kiriath-jearim lhangra yenkhreisundakur.

¹⁰ Heitoubi Baalah'rouweini rikarchunna heiwari kulrel lhangra klei Seir Lhungdoura khreilhakur, heitoubi heirouweini Jearim Lhungdou touri Chesalon woithungni khalu lhangra katringbaangkur, heitoubi Beth-shemesh'ra yenringsundabi, heirou Timnah'ra yenkhingralkur.

¹¹ Heitoubi ri karchunna heiwari Ekron'yei khalu lhangrei lhunglimthung yenkhingralbi, heitoubi Shikkeron lhangra khreilhakur, heirouri Baalah'yei Lhungdouthung katkhinghoibi heirou Jabneelra rikarchunrilkur. Heisitoubi ri heiwari Samadru'ra wadongkur.

¹² Heitoubi kulrel lhangrei ri karchunnari Mediterranea Samadru ruithungni wakarchunrilkur. Judah'yei cheemkhur bommai hilthungni yerkhaibi kuikoolkur ram ri karchunnari awariya.

¹³ Heitoubi asinungri Judah'yei chanao rapbei hangrouwei, Jephunneh'yei chanapawa Caleb'nungei, Umpune Joshua'nung chay piwurkhou hilthungni, aiyei cheemkhur bommai rapnungei pikur ramri minkhoini tlanglanungri, Hebron toubikhi ung Kiriath-Arba heiwari. (Arba'ri Anak'yei pa).

¹⁴ Heitoubi Caleb'ne ram heirouwei Anak'yei chanapawa napung'khyum touri: Sheshai'le, Ahiman heirou Talmai'ya hulthutloukur, yarap heiri Anak'yei chanaothil.

¹⁵ Heirouri ani bi heirouweini Debir'ra yuldabi klei thimi rapya raal dananungei kakur; bongnungri Debiryei minri Kiriath-Sepher toubine ungkhou.

¹⁶ Heirou Caleb'ne kyun: “Huhuni Kiriath-Sepher'ya raal dabini manikur thimi heiwanungei keiyei chanapuiya Achsah'ya nu khoini louyerrou.”

¹⁷ Heisi tounarouri, Caleb'yei teinaowa Kenoz'yei chanapawa Othniel'ne raal dabini maniwurbi lukloukur; heitounei ngammei Caleb'ne aiyei chawi Achsah'ya anungei nu khoini pikur.

¹⁸ Heirouri Achsah'ne Othniel'nungei wachangei kheenrou ani shalwanungei shunbini aiyei pawarouwei ram khat bunanungei wathoulhakbi kyun. Heisi tounarouri Achsah'ne aiyei gadha dourei yongchumyeinung Caleb'ne anungei loukngai: “Nangri kouya bunileiyo?”

¹⁹ Heirou Achsah'ne loumallang: “Nangni keiya kringpibi khate lhangrei touri Negeb ramya khaipithungurlari, yuileina ramkhi bei khaipilaklo.” Heitounei ngamrou Caleb'ne anungei khalu lhangrei yuileinale daakrei touri khate lhangrei yuileina ramkhi khaipikur.

Judahyei Khukarthilrap

²⁰ Judahyei chanao rapnungei yaiyei cheemkhur bommai hilthungni khaithutpikur yul dana ramri daakrei mayekur heirapriya.

²¹ Judahyei cheemkhur chanao rapbei phakur ramri, khate lhangei yutongnara Edom'le rikarchunna ramruithung klei khukarthil rapri: Kabzeel'le, Eder heirou Jagur heiriya;

²² heirou Kinah, Dimonah heirou Adadah;

²³ heirou Kadesh, Hazor, heirou Ithnan;

²⁴ Ziph, heirou Telem, heirou Be-aloth;

²⁵ heirou Hazor-Hadattah, heirou Keri-oth-Hezron (Hazor toubikhi ung);

²⁶ Amam heirou Shema heirou Moladah;

²⁷ heirou Hazar-Gaddah heirou Heshmon, heirou Beth-Pelet;

²⁸ heirou Hazar-shual, heirou Beer-sheba heirou Biziothiah.

²⁹ Baalah, Iim heirou Ezem;

³⁰ heirou Eltolad, heirou Chesil heirou Hormah.

³¹ heirou Ziklag heirou Madmannah heirou Sansannah;

³² heirou Lebaoth, Shilhim, Ain heirou Rimmon; yarap heiri yaiyei yultlairap kyaoni khukarthil somnile tako.

³³ Heitoubi khate lhangei lhungso phaikara klei rapri: Eshta-ol heirou Zorah heirou Ashnah,

³⁴ heirou Zanoah heirou En-gannim, Tappuah heirou Enam;

³⁵ Jarmuth heirou Adullam, Socoh, heirou Azekah;

³⁶ heirou Sha-araim heirou Adithaim heirou Gederah heirou Gederothaim; yarap heiri yaiyei yultlairap kyaoni khukarthil chiple phali.

³⁷ Zenan, Hadashah heirou Migdal-gad,

³⁸ heirou Dilean, Mizpeh heirou Joktheel;

³⁹ Lachish, Bozkath heirou Eglon;

⁴⁰ heirou Cabbon, Lahmam heirou Chitlish;

⁴¹ heirou Gederoth, Beth-Dagon, Naamah heirou Makkedah; yarap heiri yaiyei yultlairap kyaoni khukarthil chiple thruk.

⁴² Libnah, Ether heirou Ashan,

⁴³ heirou Iphtah, Ashnah heirou Nezib;

⁴⁴ heirou Keila, Achzib heirou Mareshah; yarap heiri yaiyei yultlairap kyaoni khukarthil takotam klei.

⁴⁵ Ekron heirou heiyei karhillei klei yultlai raple kalhonni klei rapri:

⁴⁶ Ekron'rouweini Samadru lhangra Ashdod waphani klei yultlairap heirou khukarthil rapkhi;

⁴⁷ Ashdod'le heiyei karhillei klei khukarthil raple yultlai rapkhi; Gaza'le heiyei karhillei klei yultlai rapkhi; Egyptbei yuileinabi touri Wadi yu'tlungni, heirou Mediterranea Samadru wadani heiyei ruithung dabi klei yultlairap heirou khukarthil rapkhi kyao.

⁴⁸ Heirou Lhungdou ramra klei khukarthil rapri: Shamir heirou Jattir heirou Socoh,

⁴⁹ heirou Dannah heirou Kiriath-Sannah touri Debir.

⁵⁰ Heirou Anab, Eshtemoh heirou Anem;

⁵¹ heirou Goshen, Holon heirou Giloh; yarap heile yultlairap kyaoni khukarthil chiple khat.

⁵² Arab, Dumah heirou Eshan;

⁵³ heirou Janim, Beth-Tappuah heirou Aphekah,

⁵⁴ heirou Humtah heirou Kiriath-Arba touri Hebron heirou Zior; yarap heile yaiyei yultlairap kyaoni khukarthil takotam.

⁵⁵ Maon, Carmel, Ziph heirou Juttah;

⁵⁶ heirou Jezreel, Jokde-am heirou Zanoah;

⁵⁷ Kain, Gibeah heirou Timnah; heirap heile yultlairap kyaoni khukarthil chiptam.

⁵⁸ Halhul, Beth-zur heirou Gedor;

⁵⁹ heirou Maarath, Beth-Anoth heirou Eltekon; yarap heile yaiyei yultlairap kyaoni khukarthil thruktam.

⁶⁰ Kiriath-Baal touri Kiriath-Jearim heirou Rabbah, yarap heile yaiyei yultlairap kyaoni khukarthil khintam.

⁶¹ Shitnrui Ramthingra klei khukarthil rapri: Beth-Arabah, Middin heirou Secacah,

⁶² heirou Nibshon heirou Mittiyei Khukarthil heirou En-Gedi; yarap heile yaiyei yultlairap kyaoni khukarthil thruktam.

⁶³ Heiya Jerusalem'ra yuldabi klei Jebusia rapyari Judah'yei thimi rapni hulthutchangmakur; heitounei ngamrou Jebusia rapni Judahyei thimi raple Jerusalemra angtu ramphani paalmalnabi leileikhui.