JOSHUA 12 - KHYINGEI PU'TLOU Bible (BSI)

Israel Rapni Raal Manekur Krung Rapbei Minlamrap

¹ Israel rapni raal maniwurbi ram lukloukur Krung rapbei minlam raple, heirou yaiyei ramkhi Jordan kung heiralbi klei ram'rouweini kulkung lhangra Arnon phaikareini Hermon Lhungdou kaphani, heirou kulkung lhangrani Arabahyei phaikar nammakhi kyaoni lukloukur.

² Heirou Amoria rapbei Krung Sihon'yakhi raal maniwurkhou; ani Heshbon'ra Krungkul sheembini, Arnon phaikar wadongnara klei Aroer khukarthil heirouweini, Gilead'yei phaikar lhang'khatkhi, heirou Ammonia rapbei ram rikarchunna ram Jabok kung waphani koolphopbi Krung khoini paalkhou.

³ Heitoubi kulkung lhangrani Arabah'yei phaikar'rouweini Chinnereth'yei Samadru kadani, heirou Arabah'yei Samadru yongdani, heirou kulkung lhangrani Beth-jeshimoth rouweini khate lhangrani Pisgah'yei lhungso yongdani koolphopbini Krung khoini paalkhou.

⁴ Heitoubi Ephraim cheemkhurrei himaleina hangrei thimi napung'khat, Bashan'yei Krung Og'neri Ashtaroth'le heirou Edrei'ra Krungkul sheembini paalkhou. Aiyei Krungram ri karchunnari,

⁵ Hermon Lhungdou ramkhi, Salecah ramkhi, heirou Bashan'yei ram nammakhi, Geshuria'yei ram rikarchunna waphani, heirou Ma-acathia'yei ram rikarchunni, heirou Gileadei ram lhang'khatkhi, heirou Heshbon'yei Krung Sihon'yei ram rikarchunna waphani ani koolphopbi paalkhou.

⁶ Heirouri Umpuei shikrui Moses'ne heirou Israel chanao rapni yarapya maniwurbini, heitoubi Umpuei shikrui Moses'ne yaiyei ramrap heiwaya Reuben cheemkhurrei thimi rapnung, Gad'yei cheemkhur heirou Manasseh'yei cheemkhur lhang'khatdei thimi rapnungei yul dana ram khoini yerkhaipikur.

Joshuane Raal Manekur Krungrap

⁷ Asinungri Joshua'ne Israel raple kalhonni raal dabini manikur Krung rapri: Jordan kung heiralbi klei kulkung lhangei Lebanon phaikar rillei ram Baal-gad rouweini Halak Lhungdoura Seir kaphani maniwurbi lukloukur, (heitoubi Joshua'ne ram heiwaya Israellei cheemkhur rapnung, yaiyei thimi mshing hilthungni yul dananungei yerkhaipikur.

⁸ Lhungdou ramrapri, nimna phaikarkhi, Arabah ramkhi, mathuksundana Lhungdou ramkhi, shitnrui Ramthingkhi heirou khate lhangei Negeb phaikar ramkhi, Hittia rapbei ram, Amoria rapbei ram, Caanania rapbei ram, Perizzia rapbei ram, Hivia rapbei ram heirou Jebusia rapbei ram rapkhi namma yerkhailoukur):

⁹ Jerichoei Krungkhi, heirou Bethel pongra klei Ai khukarthilyei krungkhi;

¹⁰ Jerusalem'yei krungkhi, Hebron'yei krungkhi;

¹¹ Jarmuth'yei krungkhi, Lachish'yei krungkhi;

¹² Eglon'yei krungkhi, Gezer'yei krungkhi;

¹³ Debir'yei krungkhi, Geder'yei krungkhi;

¹⁴ Hormah'yei krungkhi, Arad'yei krungkhi;

¹⁵ Libnah'yei krungkhi, Adullam'yei krungkhi;

¹⁶ Makkedah'yei krungkhi, Bethel'yei krungkhi;

¹⁷ Tappuah'yei krungkhi, Hepher'yei krungkhi;

¹⁸ Aphek'yei krungkhi, Lasharon'yei krungkhi;

¹⁹ Madon'yei krungkhi, Hazor'yei krungkhi;

²⁰ Shimron-Meron'yei krungkhi, Achshaphbei krungkhi;

²¹ Taanach'yei krungkhi, Megiddo'yei krungkhi;

²² Kedesh'yei krungkhi, Carmel rillei klei Jokne-am'yei krungkhi;

²³ Naphath-dor bungchouna ramrei klei Dor'yei krungkhi, Galilee ram rillei klei Goiim'yei krungkhi;

²⁴ Tirzah'yei krungkhi kyaoni raal manikur; heisitoubi ya krungrap napung somthumle khatya maniwurbi lukloukur.