JAMES 4 - KHYINGEI PU'TLOU Bible (BSI)

Tlaipangpalkou Plui Khoi

¹ Naihangrei raal kardoukril heirou ngaal'ok thukril heiri kourei hungthukko? Heinaksi lhourap heiri nai ukning rilla karyom kardourilbi klei nai tlaipangei sharungya pilyerkniyei madu heiri.

² Nane tlaipangpallei putchei rapya madulei, heiya put heirapya nane phachangmaknei ngamrou nane thimi hatnungei marshik; nane putcheiya beimakne madulei, heiya nane phachangmak, heingammei nane ngaal'ok thukril, heirou raal kardouril. Nane nai maduya phachangmak, ngamri nane heinung'tlim Dunpunung shunchamaklei.

³ Heitoubi nane buchayei kaalnung nai buchakur heiwaya phamaklei, ngamri nai ukning heiri lhangaimaklei; nane putcheirap heiya naiyei nungwainanungeitom buchalei.

⁴ Malungamnamak thimirap, Tlaipangkou palui khoiyotou heiri Dunpuei karhoukril thimime touri mumakhuiko? Huhuni tlaipangkou palui hoiyanungri, ai'msha-aitamne Dunpuei karhoukril thimi hoicha'kna.

⁵ Heirou Khyingei Lailikra “Dunpune kai ukningra lhakpikur lhawai khying heiyei doura kalthi maduni leilei,” toubi kyun heiri chimmakme toubi khallurmak.

⁶ Heiya Dunpuei pikur kringpikhei heiri duini mantrang. Khyingei Lailikra kyun, “Dunpune tangcha thimiyari yanemak, heiya ukning khneem thiminungri kringpi kheiya pilei.”

⁷ Heiyanungri, nane Dunpunung pilhaklak. Heirou lhangaimak Satanya yapimak, heiyanungri ane nairouwei trukurou.

⁸ Dunpuei pongra yenkarnaklak, heiyanungri Ane neinungei karnakpirou. Borh thimirap nane nai hutya chikmathailak, heirou lhangai karsa thimirap, nane nai ukningya marthingyerlak.

⁹ Nane klah-malungshine heirou kanrilni chapbalo, heitoubi nai klao heiri chapnara, heirou naiyei hakrao heiri kanrilnara hoiyerrou!

¹⁰ Heirou Puei maibongra nai ukningya nimyerlak, heiyanungri Ane naya mathumbangpirou.

Christen Teinao Rapni Klallei Pichar Tourilmaknung Shun

¹¹ Keiyei teinaorap, nane khatle-khat tlou karkhalrilmak. Heirou huhuni Christen teinao khatya tlou yeetpilanung nimanung aidoura pichar toupilanungri, ane Tloulamya kyeet nimanung heiwaya pichar tou thimi hoilei. Heirou nane tloulamyei doura pichar toulanungri, heiyanung nari Tloulamya hilthung thimi nimaklei, heiya heiyei doura pichar tou thimi hoilei.

¹² Ngamri tloulamya pikur heiri Dunpu'tomni, heirou pichar pukhi Aitamtomni. Heirou Atomne kalpikhi mane heirou maangyerkurkhi mane. Naiyei palui rapya pichar touthimi nari huwo?

Tangcha Thimiya Tlousher

¹³ “Angtu nimanung ningayei tlainirou kane khukarthil khatra wachangbi, heitoubi bi heitamrou kumkhat leibine heirou lal holbi tuy chungne langlhakrou,” toubi kyun thimirap nari asinung Keiyei kyunya ninglhaklak.

¹⁴ Ngamri ningatou tlainirou neiyei rongchan kouthukrouwo touri nane mumaklei! Kouweiyo toulanungri, nari phai'rameine lepcha leikhoubi kanchaikur heinakrimlei.

¹⁵ Heiya nai yunrouri atoubi leilei: “Pune yapiyanungri kane ringrou, heitoubi anaksi lhou nimanung heinaksi lhouya tourou.”

¹⁶ Heiya naneri nai tangchanara nungkngai hoilei; heinaksi tangchanarei nungkngai namyerwa heiri klal.

¹⁷ Heiyanungri, hukounak khatne chimya toubom thukme toubi mureri toumakne dongkur thimi heinungeiri borhyei mral klei.