ISAIAH 20 - KHYINGEI PU'TLOU Bible (BSI)Egypt'le Ethiopiaei Ngamra Pu'tlou Shunthutpi 1 Assyria'yei Krung Sargon'ne aiyei raallui upa Tartanya Ashdod'ra heiyilnarou, ani raal dabine heiwaya maniwurbi lukloukur kumrou; 2 Umpune Amoz'yei chanapawa Isaiah'nung, “Chawalo, heitoubi neiyei shintlakrei ramolphi msuiphop heiwaya shutdurbi, heitoubi neihorei khorkhang rapkhi lhukwurbine chawalo,” toubi shunpikur. Heisi tounarouri ani heirapya lhukthutdurbi hakthilni karwaichakur. 3 Heirouri Umpune kyun, “Keiyei shik Isaiah'ne shintlak ruikhi msuimakni, heirou khorkhangkhi tungmakni hakthilni kum-khyumbil Egypt'le Ethiopiaei mu'kna hutlha khoine karwaichakur heinakrimni, 4 Assyria'yei krungni Egyptbei thimi rapya raalman khoine urlouheirou, heitoubi Ethiopia rapne miramra karkhupkhi khammakni heirou lingkhamkhi hyilmakni hakthilni heirou khorkhangkhi tungmakni, douwa-shunpar lhuimakni, Egypt rapbei rikraiknaei shakrung khat khoine ruilourouwa. 5 Heirouri yani Ethiopia rapya yai malungamkhou, heirou Egypt rapya yaiyei tangchana bom khoine leikhou heiwari karshukmakni hungdongrouwa. 6 Heirouri Samadru rui nimna ramra paalbi klei lim rapne asitoubi yunnarouwa: ‘Thilak, kanikhi ram heiwaya malungamkhoubi, kaya Assyria krungei hutrouwei kalthutpinanungei heitruklhakhou. Heiya asinungri kari koura loukartleirouwo?’ ” |
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.
Bible Society of India