HOSEA 3 - KHYINGEI PU'TLOU Bible (BSI)

¹ Heirouri Umpune keinung shunpikur, “Nangne hanuikhi wabine, aiyei teinao rapne malungshibi klei chorit naimak napuiya heiwiya malungshilak. Heirou Umpune Israel rapya malungshipi heinaksine nangnekhi aya malungshipilak; yani thrai deiya malungshiya hoiyabikhi, heirou thrainung makat putya chamaikurya hoiyanungkhi, Keineri yaya beimakne malungshipi.”

² Heisi tounarouri ayari shekel chiple phangale, heirou mumcha shangphai khatle lhangkhat pibine louwurkhoula.

³ Heirouri Keine anungei shun, “Nangri chaan khatrek keiyei khoine leirou dawa; heirou nangne hanui kallengne chorit naimakei lhouya toumakrou da; nimanung nangri napawa deiyeikhi hoimakarou da. Heiyanungri Keikhi neiyei khoine leirouwa.

⁴ Kouweiyo toulanungri, Israellei douwa rapne Krungkhi naimakne, nimanung ruichingpirou thimikhi yaomakne, nimanung yani Umpunungei khrumna putkhi makatmakne, heirou thrailha rapyakhi khrummakne kum kounak tlani paalkhouweirou.

⁵ Heihillouri Israellei douwa rapne yenkallengbi, heitoubi yaiyei Dunpu, Umpuya heirou yaiyei Krung David'yakhi yenrapharou; heitoubi hilluirouri yani Umpuya heirou Aiyei thang lhangaiya chi-kanchunni yenraphaheirou.”