EZRA 2 - KHYINGEI PU'TLOU Bible (BSI)

Raalmanbi Khounarei Yenkallengkur Thimi’mshing

¹ Asinungri yarap heiri Babylon'yei Krung Nebuchadnezzar'ne ram heirouwei manlouheibine Babylon'ra raalman khoine urlouheinarei malhetthutbi, heitoubi Jerusalem'ra heirou Judah'ra yenkallengbi, ai'aiyei cheemranung hungchangkur thimirap.

² Yarap heiri Zerubabel'le, Jeshua, Nehemiah, Seraiah, Reel-aiah, Mordecai, Bilshan, Mispar, Rehum, heirou Baanah'le kalhonbi yenkallengkur. Israel napawa rapbei thimi'mshingri:

³ Parosh'yei chanapawa rapri lishing-khnile macha-khatle somretle-khni;

⁴ Shephatiah'yei chanapawa rapri macha-khyumle somretle-khni;

⁵ Arahyei chanapawa rapri macha-enile somretle-phanga;

⁶ Pahath-moab'rei thimi Jeshua'le, Joabei chanapawa rapri lishing-khnile macha-chotle chiple-khni;

⁷ Elam'yei chanapawa rapri lishing khatle, macha-khnile, somngale-phali;

⁸ Zattu'yei chanapawa rapri macha-takole, somlile-phanga;

⁹ Zaccai'yei chanapawa rapri macha'enile somruk;

¹⁰ Baniyei chanapawa rapri macha-thrukle, somlile-khni;

¹¹ Bebai'yei chanapawa rapri macha-thrukle somnile khyum;

¹² Azgad'yei chanapawa rapri lishing-khatle, macha-khnile somnile-khni;

¹³ Adonikam'yei chanapawa rapri macha-thrukle somrukle thruk;

¹⁴ Bigvai'yei chanapawa rapri lishing-khnile, somngale thruk;

¹⁵ Adin'yei chanapawa rapri macha-phali'le, somngale-phali;

¹⁶ Hezekiah shullamrei Ateryei chanapawa rapri somkole-chot;

¹⁷ Bezai'yei chanapawa rapri macha-khyumle, somnile-khyum;

¹⁸ Jorah'yei chanapawa rapri machale chiple-khni;

¹⁹ Hashum'yei chanapawa rapri macha-khnile somnile-khyum;

²⁰ Gibbar'yei chanapawa rapri somkole-phanga;

²¹ Bethlehem'rei napawa rapri macha-khatle somnile-khyum;

²² Netopha'rei napawa rapri somngale thruk;

²³ Anathoth'rei napawa rapri machale somnile chot;

²⁴ Azmaveth'yei chanapawa rapri somlile-khni;

²⁵ Kiriath-Jearim'le, Chephirah, heirou Biroth'yei chanapawa rapri macha-enile somlile-khyum;

²⁶ Ramah'le, Geba'yei chanapawa rapri macha-thrukle, somnile-khat;

²⁷ Michmas'yei chanapawa rapri macha-khatle, somnilei-khni;

²⁸ Bethel'le, Ai'rei napawa rapri macha-khnile, somnile-khyum;

²⁹ Neboy'ei chanapawa rapri somngale khni;

³⁰ Magbish'yei chanapawa rapri macha-khatle, somngale thruk;

³¹ Elam'yei chanapawa deirapri lishing-khatle, macha-khnile somngale-phali;

³² Harim'yei chanapawa rapri macha-khyumle somni;

³³ Lod'le, Hadid, heirou Onoyei chanapawa rapri macha-enile somnile phanga;

³⁴ Jericho'rei napawa rapri macha-khyumle, somlile-phanga;

³⁵ Senaah'yei chanapawa rapri lishing-khyumle macha-thrukle somthum tlung.

Suipipu Rapkhi Raalmanbi Khounarei Yenkallengkur

³⁶ Suipipu rapri: Jeshua shullamrei Jedaiah'yei chanapawa rapri macha-takole, somretle-khyum;

³⁷ Immer'yei chanapawa rapri lishing-khatle, somngale khni;

³⁸ Pashhur'yei chanapawa rapri lishing-khatle macha-khnile, somlile-eni;

³⁹ Harim'yei chanapawa rapri lishing-khatle, chiple-eni tlung.

Levia Rapkhi Yenkallengkur

⁴⁰ Levia rapri: Hadaviah'yei shullamrei Jeshua'yei, heirou Kadmi-elyei chanapawa rapri somretle-phali;

⁴¹ Laarung rapri: Asaphbei chanapawa rapri macha-khatle somnile-chot;

⁴² Palshung shumtrum kngaak thimi rapri: Shallum'yei chanapawa raple, Ateryei chanapawa rap, Talmonyei cha napawarap, Akkubei chanapawa raple, heirou Hatita'yei chanapawa raple, heirou Shobei'yei chanapawa rapkhi pulne macha-khatle, somthumle-tako tlung.

⁴³ Pucheemrei shok rapbei chanao rapri: Ziha'yei chanao raple, Hasuphaei chanaorap, heirou Tabbaoth'yei chanao raple;

⁴⁴ Keros'yei chanapawa raple, Siaha'yei chanao raple, Padonyei chanao raple;

⁴⁵ Lebanah'yei chanao raple, Hagabah'yei chanao raple, Akkubei chanao raple;

⁴⁶ Hagabei chanaorap, Shalmai'yei chanao raple; Hanan'yei chanao raple;

⁴⁷ Giddel'yei chanao raple, Gahar'yei chanao raple, Re-aiah'yei chanao raple;

⁴⁸ Rezin'yei chanao raple, Nekoda'yei chanao raple, Gazzam'yei chanao raple

⁴⁹ Uzza'yei chanao raple, Paseah'yei chanao raple, Besai'yei chanao raple;

⁵⁰ Asnah'yei chanao raple, Me-unim'yei chanao raple, Nephisim'yeichanapawa raple;

⁵¹ Bakbuk'yei chanao raple, Hakupha'yei chanao raple, Harhur'yei chanao raple;

⁵² Bazluth'yei chanao raple, Mehida'yei chanao raple, Harsha'yei chanao raple;

⁵³ Barkos'yei chanao raple, Sisera'yei chanao raple, Temah'yei chanao raple;

⁵⁴ Neziah'yei chanao raple, heirou Hatipha'yei chanao rapkhi kyao.

⁵⁵ Solomon'yei shok rapbei chanao rapri: Sotai'yei chanao raple, Hassophereth'yei chanao raple, heirou Peruda'yei chanao raple;

⁵⁶ Jaala'yei chanao raple, Darkon'yei chanao raple, Giddel'yei chanao rapkhi;

⁵⁷ Shephatiah'yei chanao raple, Hattilyei chanao rapkhi, Pochereth-hazzebeim'yei chanao Ami'yeikhi kyao.

⁵⁸ Pucheemyei shok rapbei chanao raple, Solomon'yei shok rapbei chanao rapkhi nammani ya napung macha-khyumle somkole-khni tlung.

⁵⁹ Yarap heiri Tel-Mela, Tel-Harsha, Cherub, Addan, heirou Immer khukarthil raprei yenshalthutkur thimirap; heiya yarapri yai nutar-patar'rap heiri Israel cheemkhur raprei yenranko-ranmakko touri kanre-kandangni mrie shutthutchangmak:

⁶⁰ yarap heiri Delaiahyei chanapawa raple, Tobiahyei chanapawa raple, heirou Nekoda'yei chanapawa rap heiri pulni macha-thrukle, somngale-khni tlung.

Suipipu Rapbei Bom'rouwei Louthutkur

⁶¹ Heirouri suipipu rapbei chanao rapri: Habeiah'yei chanapawa raple, Hakkoz'yei chanapawa raple, Barzillai'yei chanapawa raple(yane Gilead'rei Barzillai'yei cha'nyul rapya loubine, yai yukpuk chanao rapya heisi ungnakur).

⁶² Yarapya yaiyei nutar-patar rapbei shullamei mrie yenraphabi thinarouri, yaiyei minrap heiri raphamumakura, heitounei ngammei yayari marmokkur thimi rapme toubine, suipipu rapbei hangra yaoyermakne hulthutkur.

⁶³ Heirouri Rampu Tirshatha'ne yaya chay piwurbi, yaihangra Urim'le, Thummim'nungei Puwatlhou tourou thimi suipipu thukbongyenri, yane Khyingei Puluk khangnara chathung-maithungnungei yamakrou toubine shunkur.

⁶⁴ Heiyei kartilkur kulyomrap namma heiri thimi'mshing kansherbi thinarouri pulni lishing somlile-khnile, macha-khyumle somrukbil tlung;

⁶⁵ heiya duinarakhi yaiyei shok'napawa raple, shok-napuiya rapkhi kansherthinarouri, thimi lishing-enile, macha-khyumle, somthumle-enibil tlung; heirou yaihangra laasha thimi napuiya-napawa'rap pulni macha-khni kyao.

⁶⁶ Yaiyei sapukkhi macha-enile, somthumle-thruk klei, heirou yai gadha rapkhi macha-khnile, somlile-phanga;

⁶⁷ yaiyei Ut rapkhi macha-phali'le, somthumle-phanga, heirou yaiyei gadha rapkhi lishing-thrukle, macha-enile somnibil tlung.

⁶⁸ Heirou yaihangrei cheemkhur uparap thanikhi Jerusalem'ra klei Umpuei Pucheemra wa'tlungei kheenrouri, Umpuei Pucheemyei cheemmun katyounanungei toubi ukningra pi'kni-pi'knine hutthulput rapkhi marthumni makatrilkur.

⁶⁹ Yaiyaiyei manecha hilthungne Pucheem sabaangnei lhou'ranungei pithutkur putcheirap heiwari sina drachma lishing somrukle khat, heirou kulshankhi mina lishing phanga heirou suipipu rapbei shamb rapkhi macha'khat kyaone pithutkur.

⁷⁰ Asinungri, suipipu raple, Levia raple, heirou thimirap thale, laarung raple, palshung shumtrum kngak thimi raple, heirou Pucheemyei shok rapne yaiyei khukarthil rapra leikhou, heitoubi Israelrap nammane yaiyei khukarthil rapra paalkhou.