EZRA 10 - KHYINGEI PU'TLOU Bible (BSI)

Dunpu'le Yakantlangrilbi Thiktilkur

¹ Heirou Ezra'ne ukning hungle kalhonne Dunpuei Pucheem maibongra thleira kalletchani chapbine shunchabi louleiyei kaalnung, thimirap beimak chungni, napawa rapkhi, napuiya rapkhi heirou naoshun-naopar rapkhi kyaone aiyei leinara wakartilkur, heitoubi yane malungdouni beimak chapkur.

² Heirouri Elam cheemkhurrei napawa Jehiel'yei chanapawa Shecaniah'ne Ezra'nung kyun, “Kane kakou leimalkna Lim rapbei chanapuiya rapya nu khoine lourilwurbine, kaiyei Dunpuei bomra malungamkna yaomakei lhouya touwurla; heisiya hoiyanungkhi, Israel rapnungeiri malungamkya khat leileihui.

³ Heineri asinung kane kaiyei Dunpule yarilnei tloubom khat mardingrilbi, heitoubi kai upawaei shunmatukur tloule, heirou Dunpuei chaytlouya mayekbi chi-kanchunkur thimi rapbei kya hilthungne, kani kaiyei lim deirei nu raple, heirou yai pukkur chanao rapyakhi malhetbi shalyerwurase. Heisitoubi Chaylam hilthungne lhou toulaksu.

⁴ Kanthouwalo, awari neitounung lhoume, heiya kane neiya trungpinungei leiyura, heineri krakni lhou toulaklo.”

⁵ Heirouri Ezra'ne loukanthoubi, heitoubi suipipu upa raple, Levia raple, heirou Israelrap nammanung shunbine urbaangkur tloubom heiyei hilthungne lhou tounanungei toubi tlou kantomyerkur.

⁶ Heirouri Ezra'ne Dunpuei Pucheem maibong'rouwei kanthouwurbi, heitoubi Eliashibyei chanapawa Jehohanan'yei cheem bomthora wachangbi masa yarekkur. Ane bi heirou wachangbinekhi, ani mumtolkhi shaimak, heirou yuikhi mongmak, koungameiyo toulanungri ani raalmankur thimi rapbei malungamnamak lhounung heinung'tlim ukningra kanrilni klah doubine leikur.

⁷ Heisitoubi yane ram karyoune khulpao chilbine, Judah'le Jerusalem'ra klei raalmankur thimirap nammaya Jerusalem'ra kartilnungei shunkur.

⁸ Heirou thimi huhuni paochilkur hilthungne, khyumniyei rilla wa'tlungmak yaowanungri, tlou sempipu raple, yama upa rapbei chaytlou hilthungne thimi heiwaei putchei-lalthum rapya lungloubine, heitoubi ai'mshayakhi raalmankur thimi rapbei kulyomra yaoyermakne hulthutdurou da.

⁹ Heisi toubine Judah'yei thimirap nammale, Benjamin'yei thimirap nammani tlaini khyumniyei rillou Jerusalem'ra wakartilkur. Tlaini heiwari chiple-khni tlung tanglaei takoni tlung tlainirou yane kartilkur. Heiyei tlainirouri thimirap nammani Dunpuei Pucheemyei mangkhal maryanara tlouthuk heiyei ngamroule, nungkhi kalthi rowurnei ngamrou chi-kanchunrilbi ombine leikur.

¹⁰ Heirouri suipipu Ezra'ne katmayungbine yanungei shun, “Nane malungamnamakei lhouya touwurbine, heirou lim deirei napuiya rapya nu khoine loulhakbine Israel rapbei mralya lhakbangurla.

¹¹ Ngam heineri asinungri nani naipawa rapbei Dunpu, Umpuei bomra ukning hungbine, heitoubi Aiyei kningya toulak; heitoubi naitamni ram heirouwei thimi raprouwei laini kartleibi, heitoubi lim deirei nu rapyakhi karkhaiwurlak.”

¹² Heirouri kulyomrap nammani hou chouni loumallangbi kyun, “Heiwari chimhakme! Neiyei kyun heinaksini kanikhi heisibil toubom thukme.

¹³ Heisiya hoiyanungkhi bi arouri thimi chungnei ngamrou, heirou trum awari nungronei kheenkhi hoiyabine, kani mangkhal pura hangwalni mayungri yamaklei. Heitoubi lhou awakhi nungkhatnui-khniniyei rilla luilhakchangrou lhoukhi nimaklei; kouweiyo toulanungri tloubom awaei ngamrari ka thimi chungwani klalyei lhouya touwurkhoula.

¹⁴ Heineri kaiyei ruichingpi pu rapne kulyomrap nammaei rungkhlang silbine, heitoubi khukarthil kantangrei limdeirei nu loulhakur thimi rapne kartinrilkur tlaini raprou, ai'aiyei khukarthillei yama upa raple, heirou picharpu raple kalhonne wathukbine heinaksi lhouthuk heinung'tlim Dunpuei kaidoura meithukni malungkhakur heiwaya yertleng louthutdurbongyen yane lhou toubi luilhaklaksu.”

¹⁵ Kheen heirou Asahelyei chanapawa Jonathan'le Tikvah'yei chanapawa Jahzeiah yakhunta tomni tloubom heiwaya yanimakne louyitkur. Heirou yakhuntaei tloudoura Meshullam'le, heirou Levia Shabbethai yakhuntani yuntrungpikur.

¹⁶ Heisiyanungkhi raalmankur thimi rapne shunpikur chaytlou hilthungne lhou toukur. Heirou suipipu Ezra'ne cheemkhur kantangrei suipipu upa rapya mintlangbine khalthutkur. Heisitoubi yarapne tlunchip tlung tanglaei heidenirou khultilbine lhoubom heiwaya thilhakbi raphathut waiyoukur.

¹⁷ Heitoubi yane lim deirei napuiya rapya nu khoine loulhakur napawa rapya raphathutnei lhou heiwari heithangei kum lamkri tanglaei heidenirou luilhakur.

Nulou-Cha'lounara Manokkur Thimirap

¹⁸ Heirou suipipu rapbei chanao rapbei hangra lim deirei napuiya rapya nu khoine loulhakur thimirap thilhaknara raphamukur thimirap heiri: Jozadok'yei chanapawa Jeshua'yei chanao raple, aiyei teinaorap, Ma-aseiahle, Eliezer, Jarib, heirou Gedalaiah.

¹⁹ Heirou yane yaiyei nu-cha rapya karkhaiwurnungei yakantlangrilkur, heitoubi yaiyei borhya limnanungei khoine yaorullei yaopa khat malamput khoine makatkur.

²⁰ Heirou Immer'yei chanao rapreiri: Hanani'le, heirou Zebadiah'khi kyao;

²¹ heirou Harim'yei chanao rapreiri: Ma-aseiah'le, Elijah, Shemaiah, Jehiel, heirou Uzziah;

²² heirou Pashhur'yei chanao rapreiri: Eli-o-enai, Ma-aseiah, Ishmael, Nethanel, Jozabad, heirou Elasah ya rapkhi kyao.

²³ Heirou Levia rapreiri: Jozabad'le, Shimei, Kelaiah Pethahiah, Hudah, heirou Eliezer'khi loukyao.

²⁴ Heirou laarung rapreiri: Eliashib'le, heirou palshung shumtrum kngak thimi rapreiri: Shallum'le, Telem, heirou Uri'khi loukyao.

²⁵ Heirou Israellei Parosh'yei chanao rapreiri: Ramiah, Izziah, Malchijah, Mijamin, Eleazar, Hashabiah, heirou Benaiah;

²⁶ heirou Elamyei chanao rapreiri: Mattaniah, Zechariah, Jehiel, Abdi, Jeremoth, heirou Elijah;

²⁷ heirou Zattu'yei chanao rapreiri: Eli-o-enai, Eliashib, Mattaniah, Jeremoth, Zabad, heirou Aziza;

²⁸ heirou Bebai'yei chanao rapreiri: Jehohanan, Hananiah, Zabbei, heirou Athlai;

²⁹ heirou Bani'yei chanao rapreiri: Meshullam, Malluch, heirou Adaiah, Jashub, Sheal, heirou Jeremoth;

³⁰ Pahath-moab'yei chanao rapreiri: Adna, Chelal, Benaiah, Ma-aseiah, Mattaniah, Bezalel, Binnui, heirou Manasseh;

³¹ Harimyei chanao rapreiri: Eliezer, Isshijah, Malchijah, Shemaiah, Shime-on

³² Benjamin, Malluch, heirou Shemariah;

³³ heirou Hashumyei chanao rapreiri: Mattenai, Mattattah, Zabad, Eliphelet, Jeremai, Manasseh, heirou Shimei;

³⁴ Bani'yei chanao rapreiri: Ma-adai, Amram, Uel,

³⁵ Benaiah, Bedeiah, Cheluhi,

³⁶ Vaniah, Meremoth, Eliashib,

³⁷ Mattaniah, Mattenai heirou Jaasu,

³⁸ Binnui'yei chanapawa raprei, Shime-i,

³⁹ Shelemiah, Nathan, Adaiah,

⁴⁰ Machnadebei, Shashai, Sharai,

⁴¹ Azarel, Shelemiah, Shemariah,

⁴² Shallum, Amariah, heirou Joseph;

⁴³ Nebo'yei chanao rapreiri: Jeiel, Mattithiah, Zabad, Zebina, Jaddai, Joel, heirou Benaiah.

⁴⁴ Yarap namma heini lim deirei napuiya rapya nu khoine loukhou, heitoubi yarap thaeiri heinaksi napuiya rapne chanaokhi pukkhou.