1 CHAANLAM 7 - KHYINGEI PU'TLOU Bible (BSI)

Issachar'yei Shullamrei Yenraankur Chanaorap

¹ Asinungri Issachar'yei chanapawa napung-phali klei, yarap heiri: Tola, Puyah, Jashub, heirou Shimron.

² Heirou Tola'yei chanapawa rapri: Uzzi, Rephaiah, Jeri-el, Jahmai, Ibsam, heirou Samuel, yarap heini yai cheemkhurrei upathil. Tola'yei shullamrei thimi mshingri lishing somnile-khnile machathrukbil raalla chamani sireikhei raallui khoine David'ne Krung hoiyei chaanrou min mayebangkhou.

³ Heirou Uzzi'yei chanapawari Izrahiah; heirou Izrahiah'yei chanapawa rapri: Michael, Obadiah, Joel, Isshiah, yateinao phanga heiri yai cheemkhurrei upathil.

⁴ Heirou yaraple kalhonne yaiyei cheemkhur shullam hilthungne raallanungei khalthutkur raalluiri lishing somthumle'thruk tlunglei, kouweiyo toulanungri, yarapri nu chungwani loukhoubi chanapawa rapkhi chungwani pukkhou.

⁵ Heisitoubi Issachar'rei cheemkhur-bommairei chanao rapbei hangra thimi lishing somshrile enibil raallui lhouwarap leikhou.

Benjamin'yei Shullamrei Yucharap

⁶ Benjamin'yei chanapawa napung-khyum heiri: Bela, Becher, heirou Jedia-el.

⁷ Heirou Bela'yei chanapawa rapri: Ezbon, Uzzi, Uzziel, Jerimoth, heirou Iri, yateinao phanga. Heitoubi yarap heiri yai cheemkhur-bommaiyei cheemkhur uparap khoine klei, heirou shullamrei sireikhei raalluirap napawari lishing somnile-khnile, somthumle-phalibil tlunglei.

⁸ Heirou Becher'yei chanapawa rapri: Zemirah, Joash, Eliezer, Eli-o-enai, Omri, Jeremoth, Abijah, Anathoth, heirou Alemeth. Yarap namma heiri Becher'yei chanapawathil.

⁹ Heitoubi yarap heiri yai cheemkhur-upa thang knaiyei mayebangurnarei thimi mshingri, sireikhei raallui rapthilkhi pulni lishing somnile macha-khnibil tlunglei.

¹⁰ Heirou Jedia-el'yei chanapawari Bilhan. Heirou Bilhan'yei chanapawa rapri: Jeush, Benjamin, Ehud, Chenaanah, Zethan, Tarshish, heirou Ahishahar.

¹¹ Yarap namyerwa heiri Jediel'yei cheemkhurrei upathil. Heirou yai cheemkhurrei khoine raalla chamani sireikhei napawathilkhi lishing chiple enile macha-khnibil tlunglei.

¹² Heirou Shupphim'le, Huppimri Ir'yei chanapawarap; heirou Hushim'ri Asher'yei chanapawa.

Naphtali'yei Chanapawarap

¹³ Naphtali'yei chanapawa rapri: Jahziel, Guni, Jezer, heirou Shallum. Yarap heiri Bilhan'yei yu-charap.

Manasseh'yei Shullamrei Yu-charap

¹⁴ Manasseh'yei chanapawa rapri: Asri-el, (Ayari Manasseh'yei nukhuwi, Aramean nyulwini pukkhou); heirou ani Gilead'yei pa Machir'yakhi pukkhou.

¹⁵ Heirou Machir'ne Huppim'le, Shuppim'yei charwi Maacahya nu khoine loukhou. Heirou Machir'yei naowari Zelophehad toubine ung. Heirou Zelophehad'ri chanapawa khatthakhi pukkhoumak, heiya chanapuiya'tomngei.

¹⁶ Heirou Machir'yei nu Maacah'ne chanapawa khat pukkhou, heirou aiyei puiwini aiyei min Peresh toubine thulpikur; heirou Peresh'yei naowaei minri Sheresh toubine ung. Heirou aiyei chanapawa rapri: Ulam, heirou Rakem.

¹⁷ Heirou Ulam'yei chanapawari Bedan. Yarap heiri Manasseh'yei chanapawa Machir'yei chanapawa Gilead'yei chanapawathil.

¹⁸ Heirou Gilead'yei charwi Hammolechethni Ishhod, heirou Abi-ezer, heirou Mahlaya pukkhou.

¹⁹ Heirou Shemida'yei chanapawa rapri: Ahian, Shechem, Likhi heirou Aneam.

Ephraimei Shullamrei Yu-charap

²⁰ Heirou Ephraimei chanapawa rapri: Shuthela; heirou Shuthela'yei chanapawari Bered, heirou aiyei chanapawa Tahath, aiyei chanapawa Ele-adah, aiyei chanapawa Tahath.

²¹ Zabad'ri aiyei chanapawa; heirou Shuthela'ri aiyei chanapawa. Heirou Shuthela'yei chanapawa rapri Ezer, heirou, heiya yakhu teinaoyari Gath thimi rapne hatdurpila, ngamri yane Gath rapbei hal mucharou changnarei louhatkur.

²² Heirouri yaipa Ephraim'ne yanung'tlim tlaini kounakbil tlani chapbine khi-kanrilkhou; heitounei aiyei cheemkhur-rokhurrei teinao rapne aya khi-kanrilya malung damnanungei malhimkhou.

²³ Heirouri ani aiyei muwi'yei leinara changbi rkhum-phitho tilrilkur; heirouri aiyei nuwini nao urwurbi chanapawa khat pukkur; heitoubi ani aya min Beriah toubine thulpikur; kouweiyo toulanungri aiyei bommaira likarsuimak thukwurnei ngammei heinaksi minya thulpikur.

²⁴ Heirou aiyei chawi'yei minri Sheerah toubi ung, ani khalu-lhangrei Beth-Horon'le, khate-lhangei Beth-Horon, heirou Uzzen-Shirah khukarthil rapya sabaangurkhou.

²⁵ Heirou Rephah'le, Resheph'ri aiyei chanapawathil, heirou Reshephbei chanapawari Tela, heirou Tela'yei chanapawari Tahan.

²⁶ Heirou Tahan'yei chanapawari Ladan, heirou Ladan'yei chanapawari Ammihud, heirou Ammihudei chanapawari Elishama;

²⁷ heirou Elishama'yei chanapawari Non heirou Nun'yei chanapawari Joshua.

²⁸ Heirou yaiyei paalna ramle, yaiyei khukarthil rapri Bethel, heirou heiyei karhillei klei yultlai rapri kulkung lhangrani Naaran, heirou kulrel lhangrari Gezer, heirou heiyei yultlairap, heirou Shechemle, heiyei karhillei klei yultlai rapkhi, heirou Ayyah wa'tlungni klei yultlai rapkhi yaolei;

²⁹ heirou Manasseh chanao rapbei ramle rikarchunna rui thungei klei Beth-shean'le, heiyei yultlai rapkhi, Taanachle, heiyei yultlai rapkhi; Megiddo'le, heiyei yultlai rapkhi; Dor'le, heiyei yultlai rapkhi yaolei. Khukarthilrap heiyei rilla Israellei Lim Josephbei chanao rapne paalkhoulei.

Asher'yei Shullamrei Yenraankur Chanaorap

³⁰ Asher'yei chanapawa rapri: Imnah, Ishvah, Ishvi, heirou Beriah, heirou yaiyei charwiri Serah.

³¹ Heirou Beriah'yei chanapawa rapri: Heber, heirou Malchiel, heirou Malchiel'ri Berzaith'yei pa.

³² Heirou Heber'yei chanao rapri: Japhlet, Shomer(Shemer toubikhi unglei), heirou Hotham, heirou yai charwi Shua.

³³ Heirou Japhlet'yei chanapawa rapri: Pasaeh, Bimhal, heirou Ashvath. Yarap heiri Japhlet'yei chanapawathil.

³⁴ Heirou Shomer touri Shemer'yei chanapawa rapri: Ahi, Rohgah, Jehubbah, heirou Aram.

³⁵ Heitoubi Asher'yei naowa Helem'yei chanapawa rapri: Zophah, Imna, Shelesh, heirou Amal.

³⁶ Heirou Zophah'yei chanapawa rapri: Shua, Harnepher, Shual, Beri, heirou Imrah,

³⁷ Bezer, Hod, Shamma, Shishah, Ithran, heirou Be-era.

³⁸ Heirou Jether'yei chanapawa rapri: Jephunneh, Pispa, heirou Ara.

³⁹ Heirou Ulla'yei chanapawa rapri: Arah, Hanniel, heirou Rizia.

⁴⁰ Yarap namma heiri Asher'yei chanapawathil; heirou yai cheemkhurrei upathil, heirou raalla sireikhei lhouwathil. Heitoubi yaiyei cheemkhur shullamrei khalthutkur raallui rapri lishing somnile'thrukbil tlunglei.