1 CHAANLAM 6 - KHYINGEI PU'TLOU Bible (BSI)

Suipipu Levi'yei Shullamrei Chanaorap:

¹ Levi'yei chanapawa rapri: Gershon, Kohath, heirou Merari.

² Heirou Kohath'yei chanapawa rapri: Amram, Izhar, Hebron, heirou Uzziel.

³ Heirou Amram'yei chanao rapri: Aaron, Moses, heirou Miriam. Heirou Aaron'yei chanapawa rapri: Nadab, Abihu, Eleazar, heirou Ithamar.

⁴ Heirou Eleazar'ne Phinehas'ya pukkhou, heirou Phinehas'ne Abishua'ya pukkhou;

⁵ heirou Abishua'ne Bukkiya pukkhou; heirou Bukki'ne Uzzi'ya pukkhou;

⁶ heirou Uzzini Zerahiah'ya pukkhou, heirou Zerahiah'ne Meraioth'ya pukkhou;

⁷ heirou Meraioth'ne Amariah'ya pukkhou, heirou Amariah'ne Ahitub'ya pukkhou;

⁸ heirou Ahitub'ne Zadok'ya pukkhou, heirou Zadok'ne Ahima-az'ya pukkhou;

⁹ heirou Ahima-az'ne Azariah'ya pukkhou, heirou Azariah'ne Johanan'ya pukkhou;

¹⁰ heirou Johanan'ne Azariah'ya pukkhou,(heirou a heine Jerusalem'ra Solomon'yei sabaangurkhou Pucheemra suipipu khoine watlhou toubine leikhou);

¹¹ heirou Azariah'ne Amariah'ya pukkhou, heirou Amariah'ne Ahitub'ya pukkhou;

¹² heirou Ahitub'ne Zadok'ya pukkhou, heirou Zadok'ne Shallum'ya pukkhou;

¹³ heirou Shallum'ne Hilkiah'ya pukkhou, heirou Hilkiah'ne Azariah'ya pukkhou.

¹⁴ heirou Azariah'ne Seraiah'ya pukkhou, heirou Seraiah'ne Jehozadak'ya pukkhou;

¹⁵ heirou Umpune Judah'le, Jerusalem'ya Nebuchadnezzar'yei hutra raal manlouyerbine urloukur kheenrou Jehozadak'yakhi urlouheikur.

¹⁶ Levi'yei chanapawa rapri: Gershon, Kohath, heirou Merari.

¹⁷ Heirou Gershom'yei chanapawa rapri: Libni, heirou Shimei.

¹⁸ Heirou Kohath'yei chanapawa rapri: Amram, Izhar, Hebron, heirou Uzziel.

¹⁹ Merari'yei chanapawa rapri: Mahli, heirou Mushi. Yarap heiri Levi'yei shullam hilthungne mayethutkur cheemkhur-bommaiyei minlamthil.

²⁰ Gershomei chanapawari Libni, Libni'yei chanapawari Jahath, Jahath'yei chanapawari Zimmah.

²¹ Heirou Zimmah'yei chanapawari Joah, Joah'yei chanapawari Iddo, Iddo'yei chanapawari Zerah, Zerah'yei chanapawari Jeatherai.

²² Heirou Jeatherai'yei chanapawari Kohath, Kohath'yei chanapawari Amminadab, Amminadab'yei chanapawari Korah, heirou Korah'yei chanapawari Assir.

²³ Heirou Assir'yei chanapawari Elkanah, Elkanah'yei chanapawari Ebiasaph, heirou Abiasaphbei chanapawari Assir.

²⁴ Heirou Assir'yei chanapawari Tahath, Tahath'yei chanapawari Uriel, Uriel'yei chanapawari Uzziah, heirou Uzziah'yei chanapawari Shaul.

²⁵ Heirou Elkanah'yei chanapawa rapri: Amasai, heirou Ahimoth.

²⁶ Heirou Elkanah'yei shullamri: Ahimoth'yei chanapawa Zophai, Zophai'yei chanapawari Nahath;

²⁷ Nahath'yei chanapawari Eliab, Eliabei chanapawari Jeroham, heirou Jerohamei chanapawari Elkanah.

²⁸ Heirou Samuel'yei chanapawa rapri: Joelni chanapawa samran, heithangrou Abijah'ne khintam tlung chanapawa.

²⁹ Merari'yei chanapawari: Mahli, Mahli'yei chanapawari Libni, Libni'yei chanapawari Shimei, heirou Shimei'yei chanapawari Uzzah.

³⁰ Heirou Uzzah'yei chanapawari: Shime-a, Shime-a'yei chanapawari Haggiah, heirou Haggiah'yei chanapawari Asaiah.

Pucheemra Laarung Khoirap

³¹ Asinungri Mardingpina Theengkung heiwaya Pucheemra yenlhakbi khoukur hillouri, David'ne Pucheemyei Laarung khoine watlhou tounanungei khalthutkur thimi rapri yarap heiriya:

³² Yarap heini khuiluphi'yei Pucheem maibongra laa shabine, Solomon'ne Jerusalem'ra Pucheem sabaangbongyen watlhou toubine leiwurkhou; heisitoubi yane yaiyei Puwatlhouwei lammitrap hilthungne watlhou toukhou.

³³ Heirou yarap heini yaiyei chanao raple kalhonne laarungei watlhou toubi leikhou thimirap: Kohathia cheemkhurrei laarung rapri: Laarungwa Heman, Joel'yei chanapawa, Samuel'yei chanapawa;

³⁴ Elkanah'yei chanapawa, Jerohamei chanapawa, Eliel'yei chanapawa, Toah'yei chanapawa.

³⁵ Zuphbei chanapawa, Elkanah'yei chanapawa, Mahath'yei chanapawa, Amasaiyei chanapawa.

³⁶ Elkanah'yei chanapawa, Joel'yei chanapawa, Azariah'yei chanapawa, Zephaniah'yei chanapawa;

³⁷ Tahath'yei chanapawa, Assir'yei chanapawa, Ebiasaphbei chanapawa, Korah'yei chanapawa;

³⁸ Izhar'yei chanapawa, Kohath'yei chanapawa, Levi'yei chanapawa, Israel'yei chanapawa.

³⁹ Heirou Heman'yei naowa Asaph'ne aiyei thya lhangra mayungbine watlhou trungbine laarung khoine leikhou: Asaph'ri Berechiah'yei chanapawa, Shime-a'yei chanapawa;

⁴⁰ Michael'yei chanapawa, Ba-aseiah'yei chanapawa, Malchijah'yei chanapawa;

⁴¹ Ethni'yei chanapawa, Zerah'yei chanapawa, Adaiah'yei chanapawa;

⁴² Ethan'yei chanapawa, Zimmah'yei chanapawa, Shimei'yei chanapawa;

⁴³ Jahath'yei chanapawa, Gershomei chanapawa, Levi'yei chanapawa, yarap heiriya.

⁴⁴ Heirou yaiyei thyoi lhangra mayungbi watlhou churtrungkhou laarung rapri: yaiyei teinao Merari'yei chanapawa rapri: Ethan, Kishi'yei chanapawa, Abdi'yei chanapawa, Malluch'yei chanapawa;

⁴⁵ Hashabiah'yei chanapawa, Amaziah'yei chanapawa, Hilkiah'yei chanapawa;

⁴⁶ Amzi'yei chanapawa, Bani'yei chanapawa, Shemer'yei chanapawa;

⁴⁷ Mahli'yei chanapawa, Mushi'yei chanapawa, Merari'yei chanapawa, Levi'yei chanapawa, yarap heiriya.

⁴⁸ Heirou Levi'yei teinaorap deiyakhi Dunpuwei Khuiluphi Cheemra watlhou namma touyernanungei khalthutbi lhoubom lhakpikhou.

⁴⁹ Heiya Aaron'le, aiyei chanapawa rapneri, Dunpuwei shikrui Moses'ne chay piwurkhou hilthungne, Malamput hongna khrahpal doura makatnei Puwatlhourap, mrohkun ikna khrahpal dourei watlhoura, heirou Khying bomra Israel rapnung'tlim lhukthutpinei makatput makatnei Puwatlhou nammaya toukhou.

⁵⁰ Heitoubi Aaron'yei chanapawa rapri: Eleazar, aiyei chanapawari Phinehas, aiyei chanapawari Abishua;

⁵¹ heirou aiyei chanapawari Bukki, aiyei chanapawari Uzzi, aiyei chanapawari Zerahiah;

⁵² aiyei chanapawari Meraioth, aiyei chanapawari Amariah, aiyei chanapawari Ahitub;

⁵³ aiyei chanapawari Zadok, aiyei chanapawari Ahima-az.

Levia Rapbei Leina Ram

⁵⁴ Asinungri Aaron'yei chanapawa Kohathia cheemkhur-bommairei chanao rapnungei paalna ram heiwari, yaiyei ram rikarchunna rilla lamlkriyei meirui khingthinarei hungdakur hilthungne yai siruk khoine paalbi leilei.

⁵⁵ Judah'yei ram rilla klei Hebron khukarthil heiwale, heiyei karhilne klei halsilna ramhang heiwakhi yanungei piwurla;

⁵⁶ heiya khukarthil heiyei phailou raple, heiyei yulbomrap heiri Jephunneh'yei chanapawa Caleb'nungei piwurla.

⁵⁷ Heirou Aaron'yei chanapawa rapnungei trukyulna khukarthilrap khoine- Hebron, Libnah, heirou heiyei halsilna ramhangkhi, Jattir'le, Eshtemoa'le, heitoubi heiyei halsilna ramhangkhi kyaone piwurla.

⁵⁸ Helen heirou heiyei halsilna ramhangkhi kyaone, heirou Debir'le heiyei halsilna ramhangkhi kyaone;

⁵⁹ Ashan heile, heirou heiyei halsilna ramhangkhi kyaone, heirou Beth-shemesh'le heiyei halsilna ramhangkhi kyaone piwurla.

⁶⁰ Heirou yane Benjamin cheemkhur'rouweikhi- Geba'le, heiyei halsilna ramhangkhi kyaone, Alemeth heile heiyei halsilna ramhangkhi kyaone, heirou Anathothle heiyei halsilna ramhangkhi kyaone yane phaloukur. Heisitoubi yanungei touri Kohathia cheemkhur-bommai rapnungei piwurkhou ramle khukarthilrap heiri nammane chiple-khyumbil tlunglei.

⁶¹ Kohathia cheemkhurrei yu-cha rapnungei meirui khingnarei hungdakur khukarthil raple, heiyei halsilna ramhang raple kalhonne piwurkhou heiwari Manasseh'yei cheemkhur lhang'khatreiri khukarthil chiptamngei.

⁶² Heirou Gershomei cheemkhur-bommai rapnungei piwurkhouri Bashan'rei klei Issachar cheemkhurle, Asher cheemkhur, Naphtali heirou Kulkung lhangei Manasseh cheemkhur raprei khukarthil chiple-khyum piwurkhou.

⁶³ Heirou Merari'yei cheemkhur-bommai chanao rapnungei meirui khingnarei hungdakur hilthungne, Reuben, Gad heirou Zebulun cheemkhur'rouwei khukarthil chiple-khni khaipikur.

⁶⁴ Heisitoubi Israellei chanao rapne Levia rapnungei khukarthil raple heirou halsilna ramhangle kalhonne yanungei khaipikur.

⁶⁵ Heisitoubi yane Levia rapnungei mintlangkur khukarthilrap heiya meirui khingthibine Judah'yei cheemkhur'yei chanao raprei, Simeon cheemkhur'yei chanao raprei, heirou Benjamin cheemkhur'yei chanao raprouwei khaithutbine yerkhaipikur.

⁶⁶ Heirou Kohathia cheemkhurrei chanaorap thanungei yaiyei ram ri-karchunna rilla Ephraimei cheemkhur'rouwei khukarthil thakhi, heiyei halsilna ramhang raple kalhonne khaipikur.

⁶⁷ Heirou yanungei trukyulna khoine piwurkhou khukarthil rapri: Ephraim Lhungdou ramrei klei khukarthil Shechem'le, heiyei halsilna ramhangle, heirou Gezerkhi, heiyei halsilna ramhangle kalhonne yanungei khaipikur.

⁶⁸ Jokmeam'le, heiyei halsilna ramhangkhi, heirou Beth-Horon'le, heiyei halsilna ramhangkhi kyaone;

⁶⁹ Aijalon'le, heiyei halsilna ramhangkhi, heirou Gath-Rimmon'le, heiyei halsilna ramhangkhi kyaone pikur.

⁷⁰ Heirou Manasseh'yei cheemkhur lhangkhat'rouweikhi yanungei piwurkhou khukarthil rapri: Aner'le, heiyei halsilna ramhangkhi, heirou Bileam'le, heiyei halsilna ramhangkhi kyaone Kohathia cheemkhurrei chanaorap nammanungei khaithutbine piwurkhou.

⁷¹ Gershomei chanao rapnungei Manasseh cheemkhur lhang'khatrei khaithutbi piwurkhou khukarthil rapri: Bashan ramrei Golan'le, heiyei halsilna ramhang'le, heirou Ashtaroth'le, heiyei halsilna ramhangkhi kyaone piwurkhou.

⁷² Heirou Issachar cheemkhur'rouwei pikur khukarthil rapri: Kedesh'le, heiyei halsilna ramhangkhi, Daberath'le, heiyei halsilna ramhangkhi;

⁷³ heirou Ramoth'le, heiyei halsilna ramhangkhi, Anem'le, heiyei halsilna ramhangkhi yane phaloukur.

⁷⁴ Heirou Asher cheemkhur'rouwei pikur khukarthil rapri: Mashal'le, heiyei halsilna ramhangkhi, Abdon'le, heiyei halsilna ramhangkhi;

⁷⁵ Hukokle, heiyei halsilna ramhangkhi, heirou Rehob'le, heiyei halsilna ramhangkhi kyaone;

⁷⁶ heirou Naphtali'yei cheemkhur'rouwei piwurkhou khukarthil rapri: Galilee'yei Kedesh'le, heiyei halsilna ramhangkhi, Hammon'le, heiyei halsilna ramhangkhi kyaone yanungei piwurkhou.

⁷⁷ Heirou Levia cheemkhurrei Merari'yei chanao rapnungei piwurkhou Zebulun cheemkhurrei khukarthil rapri: Rimmono'le, heiyei halsilna ramhangkhi, Tabor'le, heiyei halsilna ramhangkhi kyaone;

⁷⁸ heirou Jordan Kungei sralla klei Jericho'le mai kallukrilbi klei Kulkung lhangrei Reuben cheemkhurrei yanungei khaipikur khukarthil rapri: Bezer'le, heiyei halsilna ramhangkhi, Jahzah'le, heiyei halsilna ramhangkhi kyaone;

⁷⁹ heirou Kedemoth'le, heiyei halsilna ramhangkhi, heirou Mephaath'le, heiyei halsilna ramhangkhi kyaone piwurkhou;

⁸⁰ heirou Gad cheemkhur'rouwei piwurkhou khukarthil rapri: Gileadei Ramoth'le, heiyei halsilna ramhangkhi, Mahanaim'le, heiyei halsilna ramhangkhi;

⁸¹ heirou Heshbon'le, heiyei halsilna ramhangkhi, heirou Jazer'le, heiyei halsilna ramhangkhi kyaone yanungei piwurkhou.