Biblia Todo Logo
Bìoball air-loidhne

- Sanasan -

1 CHAANLAM 4 - KHYINGEI PU'TLOU Bible (BSI)


Hur heirou Asher'yei Shullamrei Yenraankur Yu-charap:

1 Judah'yei chanapawa rapri: Perez, Hezron, Carmi, Hur, heirou Shobal.

2 Heirou Shobal'yei chanapawa Re-aiah'ne Jahath'ya pukkhou, heirou Jahath'ne Ahumai'le, Lahad'ya pukkhou. Yarap heiri Zorathia shullamrei yenraankur cheemkhur-bommaithil.

3 Heitoubi Etam'yei chanapawa rapri: Jezreel, Ishma, heirou Idbash; heirou yai charwi'yei minri Hazzelelponi toubine ung.

4 Heirou Penuel'ne Gedor'ya pukkhou, heirou Ezer'ne Hushah'ya pukkhou. Heirou Hur'yei shullamrei yenraankur chanapawa rapri: Ephrathah'yei chanapawa samran heirou Bethlehem'yei pa.

5 Tekoa'yei pari Ashur, heirou aiyei nu napung'khni leikhou; khatri Helah heirou khatpiri Naarah.

6 Heirou Naarah'ne Ashur'nungei pukkhou chanapawa rapri: Ahuzzam, Hepher, Temeni, heirou Haahashtari. Yarap heiri Naarah'yei chanapawathil.

7 Heirou Helah'yei pukkhou chanapawa rapri: Zereth, Izhar touri Zohar, heirou Ethnan.

8 Heirou Coz'ne Anub, heirou Zobebah touri Haz-zobebah'ya pukkhou. Heirou Harum'yei chanapawa Aharhel'yei cheemkhur-bommai'ya yenraankur.

9 Heirou Jabez'yari aiyei teinaorap deiyakhi duine rikrai khrumnapi; heirou aiyei puiwini aya Jobez toubine min thulpikhou, “Ngamri klah-mrimle kalhonne keine aya pukkhoume” toubine ungkna.

10 Asinungri Jabez'ne Israellei Dunpu'nung ungraochabi, “O Dunpu, keiya Nangne bei kringpibi phor pipilaklo; heitoubi keiyei ramkhi ri'karchunna marya duiyerpilaklo, heirou Neihutne keiya bei ngaaksilpibine, klah dayerpimaklo” toubine shunchakur. Heirouri Dunpune aiyei shunchakur heiwaya tlungyerpikur.

11 Heirou Shuah touri Shuhah'yei teinaowa Chelub'ne Mehirya hungpukkur; heitoubi Mehir'ne Eshton'ya hungpukkur.

12 Heirou Eshton'ne Beth-Rapha, Paseah, heirou Irnahash'yei pa Tehinnah'ya hungpukkur. Yarap heiri Recah'rei thimirap.

13 Asinungri Kenaz'yei chanapawa rapri: Othniel, heirou Seraiah. Heirou Othniel'yei chanapawari Hathath heirou Meonothai.

14 Heirou Meonothai'ri Ophrah'yei pa; heirou Seraiah'ne Ge-Harashim'yei pa Joab'ya pukkhou; kouweiyo toulanungri, yarap heiri hutsha khei thimithil.

15 Jephunneh'yei chanapawa Caleb'yei chanapawa rapri: Iru, Ela, heirou Naam; heirou Ela'yei chanapawari Kenaz.

16 Heirou Jehallelel'yei chanapawa rapri: Ziph, Ziphah, Tiri-a, heirou Asarel.

17 Heirou Ezrah'yei chanapawa rapri: Jether, Mered, Epher, heirou Jalon. Heirou Jered'ne Pharaoh'yei chanapuiya Bithi-ah'ya nu khoine loubi, heitoubi ani Miriam, Shammai, heirou Ishbahya pukkhou. Heirou Ishbah'ne Eshtemoa'ya pukkhou.

18 Heirou Mered'ne Judah'yei nyul khatkhi loubine heirou ani Gedar'yei pa Jered'le, Soco'yei pa Heber, heirou Zanoah'yei pa Jehuthielya pukkhou.

19 Heirou Hodiah'ne Naham'yei charwiya nu khoine loubine, heitoubi ani Garmia cheemkhurrei Keila'yei pale, Ma-acathia cheemkhurrei Eshtemoa'yei paya pukkhou.

20 Heirou Shimon'yei chanapawa rapri: Amnon, heirou Rinnah, Ben-Hanan, heirou Tilon. Heirou Ishi'yei chanapawa rapri: Zoheth, heirou Ben-Zoheth.

21 Heirou Judah'yei chanapawa Shela'yei chanapawa rapri: Lecah'yei pa Er, heirou Mareshah'yei pa Laadah, heirou Beth-Ashbea ramra phaikhringei muiphai shinbi lhou toukhou thimi rapbei cheemkhur-bommaiyei thimi raple,

22 heirou Cozeba'rei thimi Jokim'khi, heirou Moabra pu khoine paalbi klei thimi Joash, heirou Saraph heirou Jashubi-Laem'ra klei thimirap, ya heiriya. Cheemkhur-bommairap heiyei mayekhou wari heiwari bongei loumayekhou lailikrei klou warithil.

23 Yarap heiri Netaim'ra loupukkhou Shela'yei yu-charap, heirou yarap heiri yai Krungei phusa thimirap khoine loupaalkhou thimi.


Simeon'yei Shullamrei Yenraankur Yu-charap:

24 Heirou Simeon'yei chanapawa rapri: Nemuel, heirou Jamin, Jarib, Zerah, heirou Shaul.

25 Heirou Shaul'yei chanapawari Shallum, heirou Shallum'yei chanapawari Mibsam, heirou Mibsam'yei chanapawari Mishma.

26 Heirou Mishma'yei chanapawari Hammuel, heirou Hammuel'yei chanapawari Zaccur, heirou Zaccur'yei chanapawari Shimei.

27 Asinungri Shimei'yei chanapawarap napung chiple'thruk klei, heirou chanapuiya napung'thrukkhi klei; heiya aiyei teinao rapri chanapawa chungni pukkhoumaklei, heirou Judah'yei cheemkhur-bommaira thimikhi chungduiyerkhoumak.

28 Heirou Shimei'yei chanao rapne Beer-sheba, Moladah, heirou Hazar-shual;

29 Bilhah, Ezem, Tolad,

30 Bethuel, Hormah, Ziklag,

31 Beth-Marcaboth, Hazar-susim, Beth-Biri, heirou Sha-araim ramra yuldabi paalkhou. Heirou yane heiyei khukarthil rapya David'ne Krung hunghoikur ramphani paalkhou.

32 Heirou yaiyei paalkhouna yultlai rapri: Etam, Ain, Rimmon, Tochen, heirou Ashan, yulthung phanga heiriya.

33 Heirou heirapyakhi duinara yultlairap deirapkhi khukarthil karhilne paalbine Baal khukarthil waphane paalkhou. Heirapri yai paalkhouna ramle, yultlairap hoikhou; heirou yultlairap heirouwei yaiyei shullamei chaanlam wariya mayekhou.

34 Meshobab'le, Jamlech'le, heirou Joshah'ri Amaziah'yei chanaorap;

35 heirou Joel'le, Jehu'ri Asi-el'yei chanapawa, Seraiah'yei chanapawa, Joshibiah'yei chanapawa;

36 heirou Eli-o-enai, Ja-akobah, Jeshohaiah, Asaiah, Adi-el, Jesimiel, Benaiah,

37 Ziza, yarap heiri Shiphi'yei chanapawa, Allon'yei chanapawa, Jedaiah'yei chanapawa, Shimri'yei chanapawa, Shemai'yei chanapawa;

38 mintlangkur yarap heiri yaiyei cheemmai-shullamei ruichingpi purap khoine leikhoubi, heirou yai pa rapbei cheemmai-bommai rapya tangne katduiyerkur.

39 Heitoubi yarap heiri Gedor khukarthil'yei palshung pura ramphani yulda karyouwurbi, phaikar'yei kulkung lhangra rampha yaiyei yao silnanungei ramya thiphabi paalkur.

40 Heirou yane bi heirouwei lhangai marngirna ram, chikhrik khungni, houdaina kyingei maryakur yao silnanungei ramya raphamukur. Ngamri bi heirouri Hamia rapne lamkrine paalbi louklei.

41 Heitoubi arouwei mintlangkur thimirap heini Judah'ra Hezekiah'ne Krung khoine thrungbine lei'yei kallou, yane Hamia rapya raal dabine, yaiyei khuiluphi cheem rapya toumangurbi, heitoubi bi heitamrou paalbine louklei Meunim rapyakhi toumangurpi; heineri yarap heiri angtu rampharou mitdurchiya. Heisitoubi thimirap heini bi heirou kyingne paalbine yenleiheikur. Ngamri bi heiwari yaiyei yaorul rapya silnanungei ramkhi lhangai-maryane klei.

42 Heirou yarap heirouwei, Simeon'yei chanapawa raprouwei thimi macha-phanga touri Pelatiah, Ne-ariah, Rephaiah, heirou Uzziel raple kalhonne, Ishi'yei chanapawa rapne ruichingpi purap khoine ruibi Seir Lhungdoura kakakur.

43 Heitoubi yane Amalekia rapbei kartleithungkur touri himaleithungkur thimi rapya namma toumaangurpi; heisitoubi yane bi heirouei angtu ramphani paalbine yenleiheikur.

Maring Naga Bible - KHYINGEI PU'TLOU

Copyright © 2013 by The Bible Society of India

Used by permission. All rights reserved worldwide.

Bible Society of India
Lean sinn:



Sanasan