Zakaliya 3 - Amazwi Yakwe Leza 2013

Icilolwa cakwe Simapepo Mukulu

¹ Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

² Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

³ Yoswa ala aimilile apipi nu mungeli wakwe Yawe, azwite ni nsalu zya vikwi.

⁴ Nga alino umungeli wilya anena yayo aimi inkolelo yakwe ati, “Simulini, zulini umuntu wiyo insalu zyakwe zya vikwi.” Lyene umungeli anena Yoswa ati, “Walola, nemo nakufumizya uyi wako nga lyene namakuzwika insalu iziswepe.”

⁵ Lyene umungeli wilya anena yayo aimi ati, “Zwikini Yoswa icisote iciswepe uku mutwe.” Nayo avino yacita, yamuzwika insalu ziswepe, ala nu mungeli aimi apipi.

⁶ Alino mungeli wakwe Yawe anena Yoswa ati,

⁷ “Yawe Wamaka yonsi wavwanga wati, ‘Wemo ndi umayela amasunde yane, umaomba imilimo ino nkupiile, ale wewe umaya umukalamba wa ng'anda yane, ni misolo yane yonsi kwene. Nu kuvwa namauvwanga amapepo yako ndi vino nkauvwa amapepo ya angeli yaa aimilile apa nkolelo.

⁸ “ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

⁹ Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

¹⁰ Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.