Yoswa 21 - Amazwi Yakwe Leza 2013

Misumba ya ina Levi

¹ Lyene intunguluzi zya ng'anda zya ina Levi iziya kuli simapepo Eleaza, na Yoswa umwana umonsi wakwe Nuni, nga ni ntunguluzi zya ng'anda zya mitundu yuze ya ina Izlaeli.

² Kuku kwene ku Syilo mu mpanga ya Kenani iziyanena iziti, “Yawe wapile ilamulo kupitila muli Mose ukuti mulinzile kutupela impanga iyakwikala mwenemo, kumwi na manyika akucemelamo iviteekwa vitu.”

³ Acino ukulingana ni lamulo lyakwe Yawe, aina Izlaeli yapeela aina Levi imisumba ii kumwi na manyika ukufuma mu vyaupyanyi vyao.

⁴ Amu luko lwakwe Koati mu mutundu wakwe Levi, ali yano yali akutandikilapo ukupelwa imisumba, uluko nu luko. Aina Levi amu mupanda wakwe simapepo Aaloni yapilwe imisumba ikumi na itatu ukufuma mu mutundu wakwe Yuda, na wakwe Simeoni nga na Benjamini.

⁵ Asyala amu mupanda wakwe Koati yapilwe imisumba ikumi ukufuma mu mutundu wakwe Efulemu, na wakwe Dani nu mutundu pakasi wakwe Manase.

⁶ Amu mupanda wakwe Gelisyoni yapilwe imisumba itatu ukufuma mu mutundu wakwe Isakali, na wakwe Asyeli, na wakwe Nafutali nu mutundu pakasi wakwe Manase mu Basyani

⁷ Amu mupanda wakwe Melali yapilwe imisumba ikumi na iili, uluko nu luko, ukufuma mu mutundu wakwe Lubeni, na wakwe Gadi, na wakwe Zebuluni.

⁸ Acino aina Izlaeli yapile aina Levi imisumba ii kumwi na manyika yakweyo, wakwe vino Yawe wapile ilamulo kupitila muli Mose.

⁹ Ukufuma mu mutundu wakwe Yuda na wakwe Simeoni aina Izlaeli yapezile imisumba ii

¹⁰ ku amu mupanda wakwe Aaloni afumile mu nko zyakwe Koati izya ina Levi, pamulandu wakuti yali ankolelo ukupelwa icipande cao.

¹¹ Yene yapilwe umusumba wa Kilyati Aliba (kuli kuti, Hebuloni), kumwi na manyika yakweo ukuzinguluka, mu mpanga ya myamba yakwe Yuda. (Aliba wali icikolwe cakwe Anaki.)

¹² Lelo impanga iyaya ku musumba uu kumwi ni mizi iya mumbali yapilwe kuli Kalebu umwana wakwe Yefune kuti iye iyakwakwe.

¹³ Amu mupanda wakwe Aaloni simapepo yalinzile kupelwa Hebuloni (umusumba wa kuzinamo umuntu wino yapela umulandu wa katwe), nga nu musumba wa Libina,

¹⁴ ni misumba ii: Yatili, Esyitemoa,

¹⁵ Holoni, Debili,

¹⁶ Aini, Yuta nga nu wa Beti Syemesyi, kumwi ni mpanga yakweyo yamulemvwe iyakucemela mwenemo. Imisumba ino yapilwe ukufuma ku mitundu ii iili yonsi pamwi yali fundimbali.

¹⁷ Ukufuma ku mutundu wakwe Benjamini, yapilwe imisumba ii: Gibyoni, Geba,

¹⁸ Anatoti nga nu wa Alimoni, kumwi ni mpanga yakweyo iyakucemela mwenemo iviteekwa. Yonsi pamwi yali imisumba ini.

¹⁹ Imisumba ikumi na itatu kumwi ni mpanga yakweyo yamulemvwe iyakucemela mwenemo iviteekwa yapilwe kuli yasimapepo, amu mupanda wakwe Aloni.

²⁰ Inko zyuze izya mu mutundu wakwe Levi asile pa ana yakwe Koati nayo yapilwe imisumba imwi ukufuma mu mpanga yakwe Efulemu.

²¹ Mu mpanga ya myamba yakwe Efulemu yapilwe Syekemu (umusumba wa kuzinamo umuntu wino yapeela umulandu wa utazi wa katwe), nga nu musumba wa Gezeli,

²² nu wa Kibuzaimu nu wa Beti Holoni, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

²³ Ukufuma mu mutundu wakwe Dani yapilwe imisumba ii: Eliteke, Gibetoni,

²⁴ Aiyaloni nga nu wa Gatilimoni, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

²⁵ Ukufuma mu mutundu pakasi wakwe Manase yapilwe umusumba wa Taanaki nu wa Gati Limoni, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba iili.

²⁶ Imisumba yonsi ikumi kumwi ni mpanga yakweyo yamulemvwe iyakucemela mwenemo yapilwe ku nko zyuze izyasyala zyakwe Koati.

²⁷ Inko zya ina Levi izya mu mutundu wakwe Gelisyoni zyapilwe imisumba ii: ukufuma mu luko lwa mutundu pakasi wakwe Manase, zyapilwe Golani umu Basyani (umusumba wa kuzinamo umuntu wino yapeela mulandu wa utazi wa katwe) nga nu musumba wa Besyitela, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba iili.

²⁸ Ukufuma mu mutundu wakwe Isakali yapilwe imisumba ii: Kisyioni, Dabelati,

²⁹ Yalamuti nga nu wa Enganimu, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

³⁰ Ukufuma mu mutundu wakwe Asyeli, yapilwe imisumba ii: Misyali, Abadoni,

³¹ Helekati nga nu wa Leobu, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

³² Ukufuma mu mutundu wakwe Nafutali, yapilwe umusumba wa Kedesyi umu Galile (umusumba wa kuzinamo umuntu wino yapeela umulandu wa utazi wa katwe), nga nu musumba wa Hamoti Doli nu wa Kalitani, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba itatu.

³³ Imisumba yonsi pyu iya nko zya ina Gelisyoni yali ikumi na itatu, kumwi ni mpanga yakweyo yamulemvwe iyakucemela mwenemo.

³⁴ Yonsi asilepo mu mutundu wakwe Levi yano yali amu luko lwakwe Melali, nayo yapilwe imisumba ii: ukufuma mu mutundu wakwe Zebuluni yapilwe imisumba ii: Yokoneamu, Kalita,

³⁵ Dimuna, nga nu wa Naalali, kumwi ni mpanga yakweyo iyakucemela mwenemo iviteekwa. Yonsi pamwi yali imisumba ini.

³⁶ Ukufuma mu mutundu wakwe Lubeni, yapilwe imisumba ii: Bezeli, Yaazi,

³⁷ Kedemoti nga nu musumba wa Mefaati, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

³⁸ Ukufuma mu mutundu wakwe Gadi, yapilwe umusumba wa Lamoti mu mpanga ya Gileadi (umusumba wa kuzinamo umuntu wino yapeela umulandu wa utazi wa katwe), ni misumba ii: Maanaimu,

³⁹ Hesyiboni nga nu wa Yazeli, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

⁴⁰ Imisumba yonsi iyapilwe ku ina Levi asilepo, amu nko zyakwe Melali, yali ikumi na iili.

⁴¹ Imisumba ya ina Levi iyali mu mpanga ino aina Izlaeli yapokolwile yonsi pamwi yali amakumi yani na cinani, kumwi ni mpanga yakweyo yamulemvwe iyakucemela mwenemo.

⁴² Cila musumba pali ii waikwatile impanga yamulemvwe iyakucemela mwenemo ukuuzinguluka. Vivyo avili vino cali kuli cila musumba.

Aina Izlaeli yapoka impanga yonsi

⁴³ Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

⁴⁴ Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

⁴⁵ Kutali nanti ulayo onga pa malayo asuma yano Yawe walavile aina Izlaeli uno utafikiliziwe. Amalayo yonsi kwene yafikiliziwe.