Yoswa 15 - Amazwi Yakwe Leza 2013

Impanga iyapilwe ku amu mutundu wakwe Yuda

¹ Impanga ino yankanyiziwe ku amu mutundu wakwe Yuda, uluko nu luko, yatandikila ku mupaka wa ina Edomu, nu kufika ku Lwanga lwa Zini ku lutwe lwaku kaeya.

² Umupaka wao uwaku kaeya watandikila api lambwa lwaku kaeya ku mpela yakwe Yemba wa Musilya,

³ wiza wapita nupya ku nzila ya mulundu wa Akilabimu, nga iutwalilila ku Zini, iukwela ukufuma lwaku kaeya ka Kadesyi Banea. Lyene iupita lwaku Heziloni nga iukwela ku Adali, nga iusenukila ku Kalaka.

⁴ Lyene apali pa kupita ku Azimoni iutuntukila ku Luzi lwa Eguputo, nga iusinta na muli Yemba. Ukwene uli mupaka uwaku kaeya wakwe Yuda.

⁵ Ku ufumondaka kwene umupaka a Yemba wa Musilya ukufika ku mawilo ya Luzi lwa Yodani. Umupaka waku katutu watandikila pi lambwa lyakwe Yemba pa mawilo ya Luzi lwa Yodani,

⁶ alino iulemela ku Beti Hogila nga iutwalilila lwaku katutu ka Beti Alaba ukufika nu Kwiwe lyakwe Boani umwana umonsi wakwe Lubeni.

⁷ Umupaka ulya lyene iuya ukupela ku Debili ukutandikila mu Cifoloma ca Akoli nga iusenukila ku katutu ku Giligali, apalungamine nu mulundu wa Adumimu lwaku kaeya ka luzi. Alino iutwalilila mpaka nu kufika ku manzi yaku Eni Syemesyi nga iupelela mu Eni Logeli.

⁸ Lyene umupaka uwo iukwela ku Cifoloma ca Beni Hinomu ukuya lwaku mutentemuko uwaku kaeya uwa ina Yebusi (kuli kuti Yelusalemu). Kufuma kuku iukwela pa mulundu lwaku uwondaka wa Cifoloma ca Hinomu lwaku lutwe lwaku katutu ka Cifoloma ca Lefaimu.

⁹ Alino ukufuma papela ya mulundu ulya umupaka iuya ku tufukoka twakwe Nefutoa, nga iufumila ku misumba ya Mwamba wa Efuloni nga iutentemukila ku Baala (kuli kuti, Kilyati Yealimu).

¹⁰ Alino lyene ukufuma ku Baala umupaka ulya iupetukila ku Mwamba wa Seili lwaku uwondaka, iupita kuya lwaku mutentemuko waku katutu ka Mwamba wa Yealimu (kuli kuti, Kesaloni), nga iutwalilila lwa kwisika ku Beti Syemesyi nga iulambila ku Timinaa.

¹¹ Umupaka ulya iuya lwaku mutentemuko wakwe Ekiloni, nupya iusenukila ku Syikeloni, iulambila ku Mwamba wa Baala nga iufika ku Yabuneele. Umupaka uwa iupelela muli yemba.

¹² Inkumba yakwe Yemba wa Adiliya uli mupaka waku uwondaka. Ikwene ili mipaka ya mutundu wakwe Yuda ukulingana ni nko zyao.

Kalebu wacimvya Hebuloni na Debili

¹³ Ukulingana ni lamulo lino Yawe wamupile, Yoswa apeela Kalebu umwana wakwe Yefune icipande ca mpanga mukasi ka mpanga yamu mutundu wakwe Yuda. Amupeela Kilyati Aliba, kuli kuti Hebuloni. (Aliba wali icikolwe cakwe Anaki.)

¹⁴ Ukufuma ku Hebuloni Kalebu azinga aina Anaki yatatu, amazina yao a Syesyai, Aiimani, na Talimai, amu mupanda wakwe Anaki.

¹⁵ Lino wafuma kuku alulema, aya alwisya aina Debili (ku mpiti yamanga umusumba ulya yati Kilyati Sefeli).

¹⁶ Lyene Kalebu avwanga ati, “Umonsi wensi alazanza nu kucimvya Kilyati Sefeli ndamupeela Akisa umwana wane umwanaci kuti aye umuci.”

¹⁷ Uwizile acimvya a Otinieli umwana umonsi wakwe Kenazi, umwina wakwe Kalebu. Acino Kalebu nawe amupeela Akisa umwana wakwe kuti aye umuci.

¹⁸ Uwanda umwi lino Akisa wafisile kuli Otinieli iya, amupamvya kuti alenge impanga kuli isi. Lino Akisa wika pali punda, Kalebu amuuzya ati, “Uzye icani cino ukasi kuti nkucitile?”

¹⁹ Nawe aasuka ati, “Nkulenga mumpeele tufukoka twa manzi, pasi pano mwampela impanga umu mpanga iyumalale iya Negebu.” Acino Kalebu amupeela tufukoka utwakupeela nu twakwisika.

Imisumba ya mutundu wakwe Yuda

²⁰ Cii cili caupyanyi ca mutundu wakwe Yuda, uluko nu luko.

²¹ Imisumba iyakumpela lwaku uwondaka iya mitundu yakwe Yuda mu Negebu ulunga nu mupaka wa Edomu aei: Kabizeele, Edeli, Yaguli,

²² Kina, Dimona, Adada,

²³ Kedesyi, Hazoli, Itinani,

²⁴ Zifi, Telemu, Bealoti,

²⁵ Hazoli Hadata, Kelyoti Heziloni (kuli kuti, Hazoli),

²⁶ Amamu, Syema, Molada,

²⁷ Hazali Gada, Hesyimoni, Beti Peleti

²⁸ Hazali Syuali, Belisyeba, Bizyotiya,

²⁹ Baala, Iimu, Ezemu,

³⁰ Elitoladi, Kesili, Holima,

³¹ Zikilagi, Madimana, Sansana,

³² Lebaoti, Syiliimu, Aini na Limoni. Yonsi pamwi yali imisumba amakumi yaili na fundimbali ni mizi yakweyo.

³³ Imisumba yaku misana ya twamba twaku uwondaka aei: Esyitaoli, Zola, Asyina,

³⁴ Zanowa, Enganimu, Tapuua, Enamu,

³⁵ Yalamuti, Adulamu, Soko, Azeka,

³⁶ Syaalaimu, Aditaimu na Gedela na Gedelotaimu. Yonsi pamwi yali imisumba ikumi na ini ni mizi yakweyo.

³⁷ Na Zenani, Hadasya, Migidala Gadi,

³⁸ Dileani, Mizipa, Yokotele,

³⁹ Lakisyi, Bozikati, Egiloni,

⁴⁰ Kaboni, Laamasi, Kitilisyi,

⁴¹ Gedeloti, Beti Dagoni, Naama na Makeda. Yonsi pamwi yali imisumba ikumi na mutanda ni mizi yakweyo.

⁴² Na Libina, Eteli, Asyani,

⁴³ Ifuta, Asyina, Nezibu,

⁴⁴ Keila, Akizibu na Malesya. Yonsi pamwi yali imisumba fundimbali, kumwi ni mizi yakweyo.

⁴⁵ Na Ekiloni, kumwi ni misumba ni mizi yakweo.

⁴⁶ Nga ukufuma ku Ekiloni ukuya lwaku ufumondaka, imisumba yonsi iyaya pipi na Asyidodi ni mizi yakweyo.

⁴⁷ Na Asyidodi, kumwi ni misumba ni mizi yakweyo. Na Gaza, kumwi ni misumba ni mizi yakweyo ukufika nu ku Luzi lwa Eguputo nga ni mpanga yamu nkumba yakwe Yemba wa Adiliya.

⁴⁸ Umu mpanga ya myamba mwali imisumba ii: Syamili, Yatili, Soko,

⁴⁹ Dana, Kilyati Sana (kuli kuti, Debili),

⁵⁰ Anabu, Esyitemoa, Animu,

⁵¹ Gosyeni, Holoni na Gilo. Yonsi pamwi yali imisumba ikumi na onga ni mizi yakweyo.

⁵² Alabu, Duma, Esyani,

⁵³ Yanimu, Beti Tapuua, Afeka,

⁵⁴ Humata, Kilyati Aliba (kuli kuti, Hebuloni) nga na Zioli. Yonsi pamwi yali imisumba fundimbali ni mizi yakweyo.

⁵⁵ Na Maoni, Kalimeli, Zifu, Yuta,

⁵⁶ Yezileele, Yokideamu, Zanowa,

⁵⁷ Kaini, Gibeya na Timinaa. Yonsi pamwi yali imisumba ikumi ni mizi yakweyo.

⁵⁸ Halaulu, Beti Zuli, Gedoli,

⁵⁹ Maalati, Beti Anoti na Eletekoni. Yonsi pamwi yali imisumba mutanda ni mizi yakweyo.

⁶⁰ Na Kilyati Baali (kuli kuti, Kilyati Yealimu) na Laba. Yonsi pamwi yali imisumba iili ni mizi yakweyo.

⁶¹ Mu lwanga mwali umusumba wa Beti Alaba, Midini, Sekaka,

⁶² Nibisyani, Musumba wa Musilya na Engedi. Yonsi pamwi yali imisumba mutanda ni mizi yakweyo.

⁶³ Lelo amu mutundu wakwe Yuda yaposiwe ukuzinga aina Yebusi yano yikalanga mu Yelusalemu. Na pilelo kwene aina Yebusi yacili ikala kuku pamwi na amu Yuda.