Yoswa 12 - Amazwi Yakwe Leza 2013

Yamwene yano Mose wacimvizye

¹ Yaa ali yamwene ya mpanga ilya yano Mose pamwi na ina Izlaeli yacimvizye, nupya yano yaposile impanga yao lwaku ufumondaka wakwe Yodani, ukutandikila ku Cifoloma ca Alinoni ukufika nu ku Mwamba wa Helimoni nu ku lusansa lonsi lwa ufumondaka wa Alaba:

² Siooni umwene wa ina Amoli wino wikalanga ku Hesyiboni. Wene wateekanga ukufuma ku Aloeli mu mbali ya Luzi lwa Alinoni ukwikapo nu mukonko onsi ukufika nu ku Luzi lwa Yaboki, ululi umupaka wa ina Amoni, ukulundapo na citika wa mpanga ya Gileadi.

³ Wene wateekanga na lwaku ufumondaka wa Alaba ukutandikila kuli Yemba wa Galile ukufika na kuli Yemba wa Alaba (kuli kuti Yemba wa Musilya), nu kulunduluka ku Beti Yesyimoti, ukufika nu kwisika lya mutentemuko wa Mwamba wa Pisiga lwaku kaeya.

⁴ Aina Izlaeli iyacimvya na Ogi kwene, umwene waku Basyani, wenga pa ina Lefaimu asilepo, uwateekanga ku Asyitaloti nu ku Edilei.

⁵ Uwene wakwe wafisile mpaka ku Mwamba wa Helimoni nu ku Saleka, kumwi na Basyani wensi ukufika nu ku mupaka wa ina Gesyuli na ina Maaka, nga na citika wa mpanga ya Gileadi lwaku mupaka wakwe Siooni umwene waku Hesyiboni.

⁶ Mose, umuomvi wakwe Yawe, pamwi na ina Izlaeli iyayacimvya nga apeela ni mpanga yao ku amu mutundu wakwe Lubeni, nu ku amu mutundu wakwe Gadi, nu ku mutundu pakasi wakwe Manase.

Yamwene yano Yoswa wacimvizye

⁷ Yaa ali yamwene ya mpanga ino Yoswa na ina Izlaeli yacimvizye lwaku lusansa lwaku uwondaka wa Luzi lwa Yodani, ukutandikila ku Baali Gadi mu Cifoloma ca Lebanoni ukufika nu ku Mwamba wa Halaki, uwalemela ulunga nu ku Seili. Yoswa aankanya impanga yao ku mitundu ya ina Izlaeli ukulingana ni mendela zya mitundu yao kuti iye icaupyanyi cao.

⁸ Impanga kwene iyo yali ya myamba, misana ya twamba yaku uwondaka, ni ya Alaba, ukwisika lya mutentemuko wa mwamba, ulwanga, ni mpanga ya Negebu. Mu mpanga kwene iyo umwikalanga aina Hiti, na ina Amoli, na ina Kenani, na ina Pelizi, na ina Hivi nga na ina Yebusi.

⁹ Yamwene yano wacimvizye aya: umwene waku Yeliko, umwene waku Ai pipi nu ku Betele,

¹⁰ umwene waku Yelusalemu, umwene waku Hebuloni,

¹¹ umwene waku Yalamuti, umwene waku Lakisyi,

¹² umwene waku Egiloni, umwene waku Gezeli,

¹³ umwene waku Debili, umwene waku Gedeli,

¹⁴ umwene waku Holima, umwene waku Aladi,

¹⁵ umwene waku Libina, umwene waku Adulamu,

¹⁶ umwene waku Makeda, umwene waku Betele,

¹⁷ umwene waku Tapuua, umwene waku Hefeli,

¹⁸ umwene waku Afeki, umwene waku Lasyaloni,

¹⁹ umwene waku Madoni, umwene waku Hazoli,

²⁰ umwene waku Syimuloni Meloni, umwene waku Akisyafu,

²¹ umwene waku Taanaki, umwene waku Megido,

²² umwene waku Kedesyi, umwene waku Yokoneamu mu Kalimeli,

²³ umwene waku Doli (mu nkumba yakwe Yemba), umwene waku Goimu mu Giligali

²⁴ umwene waku Tiliza, yonsi pamwi yali yamwene amakumi yatatu na wenga.