Yelemiya 45 - Amazwi Yakwe Leza 2013

Leza wapolelela Baluki

¹ Lii, ilili zwi lino kasema Yelemiya wanenyile Baluki, umwana wakwe Nelya, lino walemvile amazwi kwene yaa muli kalata, ndi muno Yelemiya wamunenelanga ukuti avino alembe. Cali umu mwaka walenga iini, uwakwe Yeoyakimu, umwana wakwe Yosiya ukuya umwene wa ina Yuda.

² “We Baluki, Yawe Leza wa ina Izlaeli, wavwanga wati,

³ ‘Wemuno ukailizyanya uti, kalanda kasikolo ala nsyame mwe! Nemo Yawe akandundila sile ucuzi apa macuzi yane. Nintonta sana muno nkuteta, nsikukasula nu utulo!’ ”

⁴ Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

⁵ Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”