Neemiya 7 - Amazwi Yakwe Leza 2013

Yalinda umusumba

¹ Walanga yamalila ukukuululula ilinga inkwika ni milyango yonsi ningo, alino kwali ukusontelapo yakalinda ya mpongolo, yakiimba ya nyimbo, nga na ina Levi.

² Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

³ Nayapile ni lamulo inti, “Mwayula sile impongolo zya musumba wa Yelusalemu lino kwakaya, nupya mwayala nu kupikilizya ningo lino yakalinda yacilipo lino ilanzi litali liwe. Nupya mwatola yakalinda ukufuma sile umu ikazi amu Yelusalemu. Yamwi yali nu kulalinda pano yayasontelela ukuya umu kulinda, alino yamwi apipi na mang'anda yao.”

Utantiko wa antu awelulwike ukufuma uku uzya

⁴ Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

⁵ Alino Leza alanda nani apakuti nkonganike asambazi, ni ntunguluzi pamwi na antu yonsi apakuti yangapituluka umu mazina yao. Ali vino natantike amazina yakwe yao atandikile ukuwela ukufuma uku uuzya. Vivyo ali vino nazanyile ivyalemvilwe mwenemo:

⁶ Yaa ali antu amu muputule wa mpanga yakwe Yuda awelulwike ukufuma mu uzya yano Nebukadineza umwene waku Babiloni walemile nu kuyasenda umu uzya. Cila muntu wawelulwike ku Yelusalemu nu ku Yuda, uku musumba wa kumwao.

⁷ Intunguluzi zyao izya tungulwile cila umba a Zelubabeli, Yesyua, Neemiya, Azaliya, Laamiya, Naamani, Modekai, Bilisyani, Misipeleti, Bigivai, Neumu nga na Baana. Utantiko wa mazina ya ina Izlaeli awelulwike ukufuma umu uzya. Fwandi ii ali mpendwa ya onsi amu mutundu wa ina Izlaeli.

⁸ Amu luko lwakwe Palosyi yafisile ku mpendwa 2, 172

⁹ Amu luko lwakwe Syefatiya 372

¹⁰ Amu luko lwakwe Ala 652

¹¹ Amu luko lwakwe Paati Moabu (akuli kuti Amu luko lwakwe Yesyua na Yoabu) 2, 818

¹² Amu luko lwakwe Elamu 1, 254

¹³ Amu luko lwakwe Zatu 845

¹⁴ Amu luko lwakwe Zakai 760

¹⁵ Amu luko lwakwe Binui 648

¹⁶ Amu luko lwakwe Bebai 628

¹⁷ Amu luko lwakwe Azigadi 2, 322

¹⁸ Amu luko lwakwe Adonikamu 667

¹⁹ Amu luko lwakwe Bigivai 2,067

²⁰ Amu luko lwakwe Adini 655

²¹ Amu luko lwakwe Ateli, kuli kuti Hezekiya, 98

²² Amu luko lwakwe Hasyumu 328

²³ Amu luko lwakwe Bezai 324

²⁴ Amu luko lwakwe Halifi 112

²⁵ Amu luko lwakwe Gibyoni 95

²⁶ Aonsi aku Betelemu nu ku Netofa, yali 188

²⁷ Aonsi aku Anatoti yali 128

²⁸ Aonsi aku Beti Azimaveti yali 42

²⁹ Aonsi aku Kilyati Yealimu, Kefila na Beeloti yali 743

³⁰ Aonsi aku Lama na Geba yali 621

³¹ Aonsi aku Mikimasyi yali 122

³² Aonsi aku Betele na aku Ai yali 123

³³ Aonsi aku Nebo muze yali 52

³⁴ Amu luko lwakwe Elamu muze yali 1, 254

³⁵ Amu luko lwakwe Halimu yali 320

³⁶ Aku Yeliko yali 345

³⁷ Aku Lodi, Hadidi na aku Ono yali 721

³⁸ Aku Senaa yali 3, 930

³⁹ Yasimapepo yali ndi vii: amu luko lwakwe Yedaya (kuli kuti amu mupanda wakwe Yesyua) yali 973

⁴⁰ Amu luko lwakwe Imeli yali 1,052

⁴¹ Amu luko lwakwe Pasyuli yali 1,247

⁴² Amu luko lwakwe Halimu yali 1,017

⁴³ Aina Levi nayo yali ndi vii: amu nko zyakwe Yesyua na Kadimiyeli (kuli kuti amu mupanda wakwe Hodaviya) yali 74

⁴⁴ Yakiimba ya nyimbo nayo yali ndi vii: amu luko lwakwe Asafu yali 148

⁴⁵ Yakalinda yaku Ng'anda ikulu yakwe Yawe yali ndi vii: amu nko zyakwe Syalumu, Ateli, Talimoni, Akubu, Hatila na Syobai, yonsi pamwi yali 138.

⁴⁶ Aomvi aku Ng'anda ikulu yakwe Yawe nayo yali ndi vii: amu nko zyakwe Ziaa, Hasufa na Tabaoti.

⁴⁷ Amu nko zyakwe Kelosi, Sia na Padoni,

⁴⁸ amu nko zyakwe Lebana, Hagaba na Syalimai,

⁴⁹ amu nko zyakwe Hanani, Gideli na Gaali,

⁵⁰ amu nko zyakwe Leaya, Lezini na Nekoda,

⁵¹ amu nko zyakwe Gazamu, Uza na Paseya,

⁵² amu nko zyakwe Besai, Meunimu na Nefusimu,

⁵³ amu nko zyakwe Bakibuki, Hakufa na Haliuli,

⁵⁴ amu nko zyakwe Baziluti, Meida na Halisya,

⁵⁵ amu nko zyakwe Balikosi, Sisela na Temaa,

⁵⁶ amu nko zyakwe Neziya na Hatifa.

⁵⁷ Amu mupanda wa yaomvi yakwe Solomoni nayo yali ndi vii: amu nko zyakwe Sotai, Sofeleti na Pelida,

⁵⁸ amu nko zyakwe Yaala, Dalikoni na Gideli,

⁵⁹ amu nko zyakwe Syefatiya, Hatili, Pokeleti Hazebaimu na Amoni.

⁶⁰ Aomvi aku Ng'anda ikulu yakwe Yawe ukwikapo na amu mupanda wa yaomvi yakwe Solomoni, yonsi pamwi yali 392.

⁶¹ Nayauze pali yao awelulwike, lelo citamanyika ningo ndi cakuti ivikolwe vyao vyali ivina Izlaeli, yafumile umu misumba ii Tele Mela, Tele Halisya, Kelubi, Adoni na Imeli.

⁶² Amu mupanda wakwe Delaya, Tobiya na Nekoda yonsi pamwi yali 642.

⁶³ Pali na yasimapepo yaa: afumile umu mipanda yakwe Hobaya, Hakozi na Balizilai (kuli kuti wiyo uwatwite umwana umwanaci wakwe Balizilai umwina Gileadi, uwamilwanga kwi zina kwene lilyo).

⁶⁴ Antu yao yalondelizye amazina yao umu mpapulo zyonsi. Lelo kutali ukuzanapo nanti cimwi icakulondolola kuno yafuma. Icalenzile kuti yayafumizye pali usimapepo apamulandu wakuti yazanwa ukuya amifitalila, yasi yasangululwe.

⁶⁵ Umulasi wayapile ilamulo lyakuntalya ivyakulya vyamuzilo ivya usimapepo, mpaka sile kuce kuloleke simapepo uwakupendola kuli Tumimu na Ulimu.

⁶⁶ Fwandi iuvi lyonsi pyu lyafisile ukumpendwa yakwe 42, 360,

⁶⁷ ukwaula ukupendelako azya anaci na onsi yao afisile uku mpendwa ukulingana 7, 337. Nga yakweti yakimbila ya nyimbo aonsi na anaci 245.

⁶⁸ Alino impendwa ya imfwalasi yali 736. Nyumbu nazyo zyali 245.

⁶⁹ Ingamila nazyo zyali 435. Yapunda yene yali 6, 720.

⁷⁰ Aikolo yamwi a ndupwa ali pakupeela ivyawila, ivya kwazwilizya kweneko umulimo. Umulasi ali pakwika umu cipao impiya 1,000 zyakwe zaabu. Imbale nazyo 50. Ivyakuzwala vyakwe yasimapepo nazyo 530.

⁷¹ Akalamba ya ndupwa nayo yatuula umu cipao ca milimo impiya zyakwe zaabu ukulingana amakilogalamu 168 na zyakwe siluva nazyo amakilogalamu 1, 250.

⁷² Alino antu yonsi asyala nayo yapeela icuma cakwe zaabu ukulingana na makilogalamu 168, alino na cakwe siluva naco ukulingana na makilogalamu 140, ni nsalu zya usimapepo nazyo 67.

⁷³ Yasimapepo aina Levi na antu yamwi, aikalanga umu Yelusalemu, yakatumikila amu Ng'anda ikulu yakwe Leza na yakalinda ya mpongolo pamwi na yakiimba ya nyimbo, pamwi na ina Izlaeli asyala yaile yikala umu mizi ni misumba yamu Yuda.