Neemiya 10 - Amazwi Yakwe Leza 2013

¹ Atandikilepo ukufwatika insimbi u mulasi Neemiya, umwana umonsi wakwe Hakaliya, nga na Zedekiya,

² Selaya, Azaliya, Yelemiya,

³ Pasyuli, Amaliya, Malikiya,

⁴ Hatusyi, Syebaniya, Maluki,

⁵ Halimu, Melemoti, Obadiya,

⁶ Danieli, Ginetoni, Baluki,

⁷ Mesyulamu, Abiya, Miyamini,

⁸ Maaziya, Biligai na Syemaya. Yakwene aali yasimapepo.

⁹ Aina Levi yali a Yesyua umwana umonsi wakwe Azaliya, Binui uwamu mutundu wa ana aonsi yakwe Henadadi, Kadimiyeli,

¹⁰ na aomvi yauze aina Levi yaa: Syebaniya, Hodiya, Kelita, Pelaya, Hanani,

¹¹ Mika, Leobu, Hasyabiya,

¹² Zakuli, Syelebiya, Syebaniya,

¹³ Hodiya, Bani na Beninu.

¹⁴ Intunguluzi zya antu zyali aizi: Palosyi, Paati Moabu, Elamu, Zatu, Bani,

¹⁵ Buni, Azigadi, Bebai,

¹⁶ Adoniya, Bigivai, Adini,

¹⁷ Ateli, Hezekiya, Azuli,

¹⁸ Hodiya, Hasyumu, Bezai,

¹⁹ Halifi, Anatoti, Nebai,

²⁰ Magipyasyi, Mesyulamu, Hezili,

²¹ Mesyezabeli, Zadoki, Yadua,

²² Pelatiya, Hanani, Anaya,

²³ Hosyea, Hananiya, Hasyuba,

²⁴ Haloesyi, Pilia, Syobeki,

²⁵ Leumu, Hasyabuna, Maaseya,

²⁶ Aiya, Hanani, Anani,

²⁷ Maluki, Halimu na Baana.

²⁸ Swemuno twasyala, yasimapepo, aina Levi, yakalinda ya mpongolo ya Ng'anda ikulu yakwe Leza, yakiimba, aomvi aku Ng'anda ikulu yakwe Leza, nga na antu yonsi yano yaipaatula ku mitundu yuze ya inamasi, kuti yayela Masunde yakwe Leza, swensi pamwi na aci itu, nga na ana itu yonsi angiluka,

²⁹ twailundanya ku asambazi itu nu mulapo, ukuti tukawe nalyo ndi twakana ukuyela Masunde yakwe Leza yonsi yano watupeezile ukupitila muli Mose umuomvi wakwe. Tumayelanga vyonsi vino Yawe, umwene witu watunena. Nupya tumayelanga ivipope ni vyeo vyakwe Yawe umwene witu.

³⁰ Swemo twalaya ukuti tutalatwalizya ana itu ku inamasi aikala mu mpanga ukutuzinguluka, nupya tutalazumilizya ana itu aonsi kuti yatwale ana ya inamasi.

³¹ Nupya ndi cakuti ainamasi yiza muno mpanga ni vyakuculuzya, vingaya ingano, ukwiza tukazya pa wanda wi Sabata, tutalezya tukale pa wanda uo nanti apa wanda uze uwamuzilo. Cila mwaka wakwe cinimbali vyalo vitu vilalaaluka, nupya tulafuta inkongole zyonsi.

³² Twalaya ukuti cila mwaka tukaapeela magalamu yani yakwe siluva, kuti twazwilizye pa milimo yaku Ng'anda ikulu yakwe Yawe witu.

³³ Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

³⁴ Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.

³⁵ Twalaya ukuti tukaaleta cila mwaka ivizao vyankolelo vyamu vyalo vitu ni viseekwa vyankolelo vya cila muti onsi uku Ng'anda ikulu yakwe Yawe.

³⁶ Tulaapeela kuli Leza witu ana itu amayeli aonsi. Ana mayeli ya ng'ombe na amfwele kwene, na mbuzi, tulayatwala kuli yasimapepo akatumikila mu Ng'anda ikulu yakwe Leza, ndi vino calembwa mu Masunde.

³⁷ Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.

³⁸ Simapepo, uwamu mupanda wakwe Aaloni alinzile aye pamwi na ina Levi lino yakupokelela icikumi cico, nga aina Levi nayo yalinzile ukwiza ni cikumi capa cikumi uku Ng'anda ikulu yakwe Leza witu, uku miputule yakusungilako iviya.

³⁹ Aina Izlaeli na amu nko zya ina Levi yakapeela ingano, waini mupya na mafuta ya miolivi ku miputule yakusungilamo iviya umu ncende yamuzilo, nu kukaikala yasimapepo akatumikila, pamwi na yakalinda yapa mpongolo ya Ng'anda ikulu yakwe Leza pamwi na yakiimba ya nyimbo. Swemo tutalatazyela ng'anda yakwe Leza witu.