Mpendwa 33 - Amazwi Yakwe Leza 2013

Ulendo vino wali ukufuma ku Eguputo kufika ku Moabu

¹ Katulole vino ulendo wa ina Izlaeli wali ukufuma ku Eguputo ukulingana ni mitundu yao. Yene yatungululwanga kuli Mose na Aloni

² Cila kukatuka Mose walembanga incende ino yafuma kweneko, wakwe vino Yawe wamupeezile ilamulo.

³ Aina Izlaeli iyatenuka ukufuma ku Lamesesi pa wanda uwalenga ikumi na yasano uwa mwezi wakutandika, uwanda uwalondelilepo uwanda wa Cimulo ca Ucilo ica kutandika. Yafumile nu kupama ala aina Eguputo yakulola na manso yao ntontonto,

⁴ ala yakuzika na ana yao amayeli yano Yawe wakomile. Pa kucita vii, Yawe walanganga ukuti wene wakwatisya amaka ukuluta tuleza twa ina Eguputo.

⁵ Fwandi avino antu yafumile ku Lamesesi nga iyaya yakuula insakwe ku Sukoti.

⁶ Yafuma ku Sukoti, iyaya yakuula insakwe ku Etamu pa lutwe lwa lwanga.

⁷ Yafumile ku Etamu, iyasenuka ku cisila ku Pi Hailoti, lwaku ufumondaka wa Baali Zefoni, nga iyaya yakuula insakwe pipi nu ku Migidoli.

⁸ Lino yasya Pi Hailoti, iyapita muli yemba ukuya mu lwanga, nga pacisila cakupita amanda yatatu mu Lwanga lwa Etamu, iyaya yakuula insakwe ku Mala.

⁹ Iyasya Mala iyaya ku Elimu, kuno kwali tufukoka twa manzi ikumi na twiili nga nu tuncindu amakumi cinimbali. Akuli kuno yakuula insakwe.

¹⁰ Iyasya Elimu nga iyaya yakuula insakwe mu nkumba yakwe Yemba Muyenzu.

¹¹ Iyasya Yemba Muyenzu iyaya yakuula insakwe ku Lwanga lwa Sinai.

¹² Iyasya insakwe yaku lwanga lwa Sinai iyaya yakuula insakwe ku Dofuka.

¹³ Iyasya Dofuka iyaya yakuula insakwe ku Alusyi.

¹⁴ Iyasya Alusyi iyaya yakuula insakwe ku Lefidimu, kuno kutali amanzi akuti antu yamwe.

¹⁵ Iyasya Lefidimu iyaya yakuula insakwe ku Lwanga lwa Sinai.

¹⁶ Iyasya Lwanga lwa Sinai iyaya yakuula insakwe ku Kibuloti Hataava.

¹⁷ Iyasya Kibuloti Hataava iyaya yakuula insakwe ku Hazeloti.

¹⁸ Iyasya Hazeloti iyaya yakuula insakwe ku Litima.

¹⁹ Iyasya Litima iyaya yakuula insakwe ku Limoni Pelezi.

²⁰ Iyasya Limoni Pelezi iyaya yakuula insakwe ku Libina.

²¹ Iyasya Libina iyaya yakuula insakwe ku Lisa.

²² Iyasya Lissa iyaya yakuula insakwe ku Keelata.

²³ Iyasya Keelata iyaya yakuula insakwe ku Mwamba wa Syefeli.

²⁴ Iyasya Mwamba wa Syefeli iyaya yakuula insakwe ku Halada.

²⁵ Iyasya Halada iyaya yakuula insakwe ku Makeloti.

²⁶ Iyasya Makeloti iyaya yakuula insakwe ku Taati.

²⁷ Iyasya Taati iyaya yakuula insakwe ku Tela.

²⁸ Iyasya Tela iyaya yakuula insakwe ku Mitika.

²⁹ Iyasya Mitika iyaya yakuula insakwe ku Hasyimona.

³⁰ Iyasya Hasyimona iyaya yakuula insakwe ku Moseloti.

³¹ Iyasya Moseloti iyaya yakuula insakwe ku Bene Yaakani.

³² Iyasya Bene Yaakani iyaya yakuula insakwe ku Holi Hagidigadi.

³³ Iyasya Hagidigadi iyaya yakuula insakwe ku Yotibata.

³⁴ Iyasya Yotibata iyaya yakuula insakwe ku Abulona.

³⁵ Iyasya Abulona iyaya yakuula insakwe ku Ezioni Gebeli.

³⁶ Iyasya Ezioni Gebeli iyaya yakuula insakwe ku Kadesyi, mu Lwanga lwa Zini.

³⁷ Iyasya Kadesyi iyaya yakuula insakwe ku Mwamba wa Holi, mu mupaka waku Edomu.

³⁸ Api lamulo lyakwe Yawe, Aaloni simapepo akwela pa Mwamba wa Holi. Ali pano waile afwila pa wanda wakutandika umwezi uwalenga isano uwa mwaka uwalenga amakumi yani pacisila lino aina Izlaeli yafuma mu Eguputo.

³⁹ Aaloni wali ni myaka 123 lino wafwile pa Mwamba wa Holi.

⁴⁰ Umwene waku Aladi mu Kenani, uwikalanga ku Negebu, uvwile ukuti aina Izlaeli yatiyafika.

⁴¹ Iyasya Mwamba wa Holi iyaya yakuula insakwe ku Zalimona.

⁴² Iyasya Zalimona iyaya yakuula insakwe ku Punoni.

⁴³ Iyasya Punoni iyaya yakuula insakwe ku Oboti.

⁴⁴ Iyasya Oboti iyaya yakuula insakwe ku Iye Abalimu, ku mupaka waku Moabu.

⁴⁵ Iyasya Iyimu iyaya yakuula insakwe ku Diboni Gadi.

⁴⁶ Iyasya Diboni Gadi iyaya yakuula insakwe ku Alimoni Dibulataimu.

⁴⁷ Iyasya Alimoni Dibulataimu iyaya yakuula insakwe ku myamba yaku Abalimu, pipi nu ku Nebo.

⁴⁸ Iyasya myamba yaku Abalimu iyaya yakuula insakwe ku manyika aku Moabu, mu pipi na Yodani ulunga na Yeliko.

⁴⁹ Kuku kwene mu manyika aku Moabu akuno iyaya yakuula insakwe mu nkumba yakwe Yodani kutandikila ku Beti Yesyimoti mpaka ukufika ku Abeli Syitimu.

Amalamulo yapeelwa lino kutali kuye ukulamba Yodani

⁵⁰ Alino Yawe anena Mose, ala yali mu manyika aku Moabu mbalama yuze ya Yodani, ulunga na Yeliko, ati,

⁵¹ “Nena aina Izlaeli ukuti lino mumalamba nu kufika mu Kenani,

⁵² mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

⁵³ Muli nu kupoka impanga yao, nu kwikala amuno mwemwe mumaikalanga. Anene namupeela impanga ilya kuti iye iyakwinu.

⁵⁴ Muce mwankanye ningo impanga ukulingana ni mitundu inu. Mukaomvye musango wakupendola pa kwankanya. Umutundu uno ukweti antu aingi uli uno muce mupeele impanga ikulu. Na uno wacepelako imuupela impanga icepelile kweneko. Nupya pano caponela lino mukupendola pali pano imumupela ni mpanga yakwe. Muce mwankanye impanga ukulingana ni mpendwa umwayela ivikolwe vinu vyonsi.

⁵⁵ Nga lelo ndi mwala mwakana ukuzinga aikazi ya mpanga iyo ino ili pa mbalama inu, ale lyene yano mwasya, yano mwatengela yalaya intazi kuli mwemwe. Yalaya wa ntongola mu manso inu, nupya wa myunga mu mbazo zinu. Yalamucuzya pe mu mpanga muno mulaikala.

⁵⁶ Nani lyene ndamucita wakwe vino napanga ukuyacita.”