Mateo 1 - Amazwi Yakwe Leza 2013

Vikolwe vyakwe Yesu Klistu

¹ Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

² Abulaamu wali a isi wakwe Isaki, Isaki wali a isi wakwe Yakobo, Yakobo wali a isi wakwe Yuda na ina yakwe,

³ Yuda wali a isi wakwe Pelezi na Zala yano avilwe muli Tamala, Pelezi wali a isi wakwe Esiloni, Esiloni wali a isi wakwe Lamu,

⁴ Lamu wali a isi wakwe Aminadabu, Aminadabu wali a isi wakwe Nasoni, Nasoni wali a isi wakwe Salimoni,

⁵ Salimoni wali a isi wakwe Boazi wino wavilwe muli Laabu, Boazi wali a isi wakwe Obedi wino wavilwe muli Luti, Obedi wali a isi wakwe Yese,

⁶ Yese wali a isi wa Mwene Davidi. Davidi wali a isi wakwe Solomoni wino wavilwe muli wino uwali muci wakwe Uliya,

⁷ Solomoni wali a isi wakwe Leoboamu, Leoboamu wali a isi wakwe Abiya, Abiya wali a isi wakwe Asa,

⁸ Asa wali a isi wakwe Yosafati, Yosafati wali a isi wakwe Yolamu, Yolamu wali a isi wakwe Uziya,

⁹ Uziya wali a isi wakwe Yotamu, Yotamu wali a isi wakwe Akazi, Akazi wali a isi wakwe Hezekiya,

¹⁰ Hezekiya wali a isi wakwe Manase, Manase wali a isi wakwe Amoni, Amoni wali a isi wakwe Yosiya,

¹¹ Yosiya wali a isi wakwe Yekoniya na ina yakwe, mu manda ya kusendwa uzya ku Babiloni.

¹² Lino yasendwa mu uzya ku Babiloni Yekoniya wali a isi wakwe Salatieli, Salatieli wali a isi wakwe Zelubabeli,

¹³ Zelubabeli wali a isi wakwe Abiudi, Abiudi wali a isi wakwe Eliakimu, Eliakimu wali a isi wakwe Azoli,

¹⁴ Azoli wali a isi wakwe Sadoki, Sadoki wali a isi wakwe Akimu, Akimu wali a isi wakwe Eliudi,

¹⁵ Eliudi wali a isi wakwe Eleaza, Eleaza wali a isi wakwe Matani, Matani wali a isi wakwe Yakobo,

¹⁶ Yakobo wali a isi wakwe Yosefu, iya wakwe Maliya u waviile Yesu wino akaamwa ukuti a Klistu.

¹⁷ Caleka mikulo yonsi kufuma kuli Abulaamu kufika kuli Davidi yali ikumi na ini, nu kufuma kuli Davidi kufika ku kusendwa mu uzya ku Babiloni yali ikumi na ini, nga kufuma mu uzya mu Babiloni kufika ku kuvyalwa kwakwe Katuula uwalavilwe mikulo nayo yali ikumi na ini.

Kuvyalwa kwakwe Yesu Klistu

¹⁸ Kuvyalwa kwakwe Yesu Klistu kwali ndi vii. Maliya uwali nyina, wataisiwe na Yosefu, lelo lino yatali ikale nawe, wazanyilwe ni ndilwa iyacisilwe kupitila mu maka ya Mupasi Wamuzilo.

¹⁹ Yosefu, wino uwamutaisye wene wali umuntu wa cumi, nupya atalondanga kuti amuzewanye paswe. Wakasi kuti amukane kumbali.

²⁰ Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

²¹ Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

²² Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

²³ “Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

²⁴ Lino Yosefu wazyuka mu tulo, acita vino mungeli wa Mwene wamunenyile, nga atwala Maliya.

²⁵ Lelo Yosefu atamumanyile suka pacisila ca kuvyala mwana umonsi, nga nawe amutemela zina ati a Yesu.