Masamu 95 - Amazwi Yakwe Leza 2013

Ulwimbo lwa kuwanzya

¹ Izini tuzangile Yawe, katuzangile Ciliwe citu icikatupususya.

² Katuye kunoli, tumufukamile, tumulumbanye ni nsansa umu nyimbo ni ngoma.

³ Pano Yawe ali Leza Mukulu, ali Mwene mukulu pali tuleza tonsi.

⁴ Aliwe akateeka insi yonsi, Nanti sile ukutalimpa kwa myamba, ukwakwakwe.

⁵ Yemba uwakwakwe, pano aliwe wamupanga. Impanga nayo, iminwe yakwe iliyo yaumvile.

⁶ Izini twingile, katukontamike amausyu itu tumupepe, lekini tufukamile Yawe Kaumba witu!

⁷ Pano wene ali Leza witu, nupya sweswe yacemwa yakwe, uufyo uno akatungulula. Ilelo mule muvwe ukwi zwi lyakwe!

⁸ Mutakomya imyenzo ndi vino mwacisile kuku uku Meliba, ndi vino cali uwanda ulya uku Masa umu lwanga.

⁹ Kuku kuno ivikolwe vinu vyantunsile nu kunjezya, nanti angala vyaweni ivicitwa vyane.

¹⁰ Apa myaka amakumi yani umukulo ulya wansosizye, usuka umvwangula inti, “Ala mutundu we nizewanya! Mwakana ukuvwa ukunzila zyane!”

¹¹ Nasosile insuka indaya ukali ukali inti, “Mutalatala mwingile umu mpanga ilya, mumo muno nange mupeele upuzo.”