Masamu 87 - Amazwi Yakwe Leza 2013

Lwimbo lwakulumbanya umusumba wa Yelusalemu.

¹ A Leza uwa kuula umusumba wakwe pa mwamba wamuzilo.

² Yawe watemwisya umusumba wa Zioni ukuluta uwikalo onsi uwaya ukuli konsi kuno amu mupanda wakwe Yakobo yakaikala.

³ We musumba wakwe Leza, uvwa kuno uku vintu ivyakuzunguka vino Leza akukunena ati,

⁴ “Lino nemo indatantika antu ya mitundu ino yamfukilila, ndalunda penepo Laabu na ina Babiloni. Alino aina Filisti, aina Tuli na ina Etiopia. Nayo kwene fwandi yalaikala umwako we Yelusalemu.”

⁵ Zioni wene yakavwangapo yati ali nyina wao, uwavyala antu ya mitundu yonsi Leza Wapapelapela alamukomya ndi.

⁶ Yawe aliwe alatantika amazina ya antu yaa, nu kuyalemba yonsi pamwi na akaya amu Yelusalemu!

⁷ Nga alino yalimbila nu kucina pamwi iyati, “Zioni ili ntulo ya upolelelo witu onsi.”