Masamu 85 - Amazwi Yakwe Leza 2013

Ipepo lyakulenga ulongo

¹ We Yawe, wapolelela impanga yako, wati kuleka nu kuti yamwana Yakobo yasyuke nupya.

² Antu yako watuyayela nu luse kuli vino yakwifya. Watufuta uyi wao onsi.

³ Watuta nu kuyakalipila, ni cipyu cako icikalipe caticisila.

⁴ Tuswilizye mwenemo, we Leza we katuula witu. Fusya kweneko icipyu cako!

⁵ Uzye icumi umatusokelanga lyonsi kwene? Uzye umatwalililanga sile ukutusokela ukwaula ukuta?

⁶ Uzye usikutukomelezya nupya, apakuti swe antu yako twakusansamukila?

⁷ Ala utuyeleko sile uluse, we Yawe, utupususye nu kutupususya.

⁸ Nemo nkukutika kuno Yawe akuvwanga, apamulandu wakutuletela ulongo swe antu yakwe, lelo cikulu sile tutaciwelela ku vya uwelewele.

⁹ Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

¹⁰ Ukutemwa na ucumi vilakomenkana. Uololoke nu mutende vilazengelana.

¹¹ Antu yakwe yalaya akutailwa pano pansi, na Leza uwa kwiyulu alayacita ukuya aololoke.

¹² Umwene amatupeela ivisuma, ni mpanga itu imamezya uzombozi ukulu.

¹³ Uololoke auno umakolelela Yawe, nga nu kumuteyanyizizya inzila umwakupita.